Musavat.az
Musavat.az




Müsavat » Xeberler» Xeber

Prezidentin çağırışına ses verdiyi üçün cezalandırılan sürücünün aqibeti nece olacaq?

02 Temmuz 2016

11:08 am


02/07/2016 [15:05]: xeber –

 

sayt-da
24.06.2016 tarixdə “Prezidentin çağırışına səs verdiyim üçün cəzalandırıldım”
başlıqlı yazı getmişdi. (yazını tam versiyasını bu linkdən oxuya bilərsiniz  http://www.moderator.az/news/142077.html)

Yazıda Nijni-Novqorod-Bakı marşrutu üzrə illərlə fəaliyyət
göstərən Bilalov Bəxtiyar Bilal oğlunun ENTERPRİSE “AN” adlı müəssisənin
özbaşınalığından və Nəqliyyat Nazirliyi yanında Dövlət Avtomobil Nəqliyyat  Xidmətindən narazılığından söz açmışdıq.

Şikayətçinin narazılığı ictimailəşəndən sonra
Nəqliyyat Nazirliyi yanında Dövlət Avtomobil Nəqliyyat  Xidmətinin rəhbərliyi mətbuat orqanlarının
gözü qarşısında sürücüləri qəbul edib və problemi yoluna qoyacağına söz vermişdi.
Şikayətə görə heç kimin cəzalandırılmayacağı bildirsələr də  məsələ mətbuatın gündəmindən çıxan kimi etiraz
edəni cəzalandırıblar.  Sürücülərin
“METROPOL TRANS” şirkətini yaradarkən sədr seçdikləri Bilalov Bəxtiyarı heç bir
qanuni əsas olmadan işdən uzaqlaşdırıblar. Nəqliyyat Nazirliyindən isə bu
məsələyə gözlənilməz cavab verilib: “Marşrutu “ENTERPRİSE “AN” şirkətinə
vermişik. Onlar özləri bilərlər, kiminlə işləyərlər, kimi işdən çıxararlar”.

sayt olaraq şikayəti araşdırsaq da, məsələni
gündəmdə saxlayacağımızı qeyd etmişdik. Məsələnin hələ də həllini tapmadığını
nəzərə alıb mövzuya yenidən qayıtmaq qərarına gəldik. Bu dəfə Vəkillər Kollegiyasının
üzvü Vamiq Şükürovdan Prezidentin çağırışına səs verdiyi üçün işini itirən
Bilalov Bəxtiyarın probleminin həlli yollarını öyrənməyə çalışdıq.

Vamiq Şükürov bildirdi ki, burada iki məsələ
pozulub: “Birincisi əmək hüququ məsələsidir. İşçini işdən çıxarmaq
üçün mütləq əsas olmalıdır. İşçi ya özü öz ərizəsi ilə işdən çıxmalıdır, ya bağlanmış
müqavilənin müddəti qurtarmalıdır, yaxud da işçi iş prosesində hansısa qayda
pozuntusuna yol verməlidir. Məsələn, öz vəzifəsini yerinə yetirmir, qəsdən
marşrutu xəttə çıxartmır, müdiriyyətin əmr və göstəişlərini yerinə yetirmir,
marşrutu natəmiz saxlayır, qoyulmuş planı ödəmir və s.

Həmin şikayətçinin işini araşdırmadığıma görə,
hansı əsasla işdən uzaqlaşdırıldığını deyə bilmərəm. Amma yəqin ki, özləri
ərizə verməyiblər, ərizə vermiş olsaydılar, şikayət etməzdilər. Şirkət rəhbərliyinin
nəyi əsas tutaraq onları işdən çıxardıqlarını müəyyən etmək lazımdır. İşdən
azad olunan işçi müdiriyyətə ərzə yazmalıdır ki, işdən azad olunması haqqında
əmrin sürətini ona təqdim etsinlər. Əmrin sürətiylə tanış olduqdan sonra biləcəyik
ki, işçini hansı əsasla işdən kənarlaşdırıblar. Əgər şikayətçi hər hansı bir
pozuntuya yol verməyibsə, öz vəzifələrini vaxtında və dəqiq yerinə yetiribsə,
onun şikayəti əsasında məhkəməyə müraciət etmək olar”.

Vəkil məsələnin həllinə nail olmaq üçün məhkəməyə
müraciət etməyi məsləhət görüb: “Azərbaycan respublikasında həm ölkə daxilində,
həm də ölkə xaricində sərnişin daşıma fəaliyyəti ilə məşğul olmaq üçün Nəqliyyat
Nazirliyi lisenziya verməlidir. Bunlara da o vaxt  deyiblər ki, birləşib bir şirkət yaratsınlar.
Şirkət yaratdıqdan sonra isə onlara həmin marşrutu verməyiblər. Hər hansı
marşrutu vermək səlahiyyəti də Nəqliyyat Nazirliyinin əlindədir. Əgər bunlara
əsassız olaraq lisenziya və marşrut vermirlərsə, gərək həmin şirkət, işçilər
məhkəməyə müraciət eləsin. Əsaslarını gətirsinlər ki, biz peşəkar sürücülərik,
bu marşrut üzrə işləmişik və haqqımızın bərpa olunmasını, bizə lisenziya və
marştur xətti verilməsini tələb edirik”.

 

Zəhra 




Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler