Musavat.az
Musavat.az




Müsavat » Xeberler» Xeber

“Prezidenti etrafındakı xeyanetkarlardan temizleyecem…”

11 Ekim 2016

8:48 am


11/10/2016 [12:44]: xeber –

“Növbədənkənar
seçkilərin keçiriləcəyi ilə bağlı yayılmış xəbərləri mən də oxumuşam. Ancaq YAP
rəsmisi bu xəbərlərin həqiqət olmadığını açıqladı. Bildirdi ki, bu, prezidentin
rəsmi səlahiyyətində olan bir məsələdir. Biz də 2018-ci ildə keçiriləcək seçkilərə
ciddi hazırlaşırıq. Prezident seçkilərinə hazırlaşdığımıza görə parlament
seçkilərində iştirak etmədik. Onu da oxumuşam ki, Qəmbərov İsa da namizədliyini
verməyə hazırlaşır”.

Bunu
sayta açıqlamasında Müasir Müsavat Partiyasının sədri Hafiz Hacıyev
deyib.

Hafiz Hacıyev
daha sonra İsa Qəmbərin prezident seçkilərində namizdəliyini verəcəyi ilə bağlı yayılmış xəbərlərə münasibət bildirib:

“Qəmbərov İsa
kimi satqınlar namizdəliklərini verməyə hazırlaşanda Hafiz Hacıyevin qarşısında
duruş gətirməklərini fikirləşməlidirlər. Düşünməlidirlər ki, bu seçkidə Hafiz
Hacıyev də iştirak edəcək və Azərbaycanın növbəti prezidenti qardaşından sonra
Hafiz Hacıyev olacaq. Qoy desinlər ki, biz sülaləyik, hakimiyyəti bir-birimizə
ötürürük, bundan peşman da deyilik. Bu sözləri də həzm etməyə hazırıq. Nə qədər
ki, Hafiz Hacıyev Azərbaycanda var, siyasətdə var, Qəmbərov İsalar,
böyür-başındakı tör-töküntülər heç vaxt Azərbaycanda “JEK” müdürü də ola bilməyəcəklər.
Qoy bəri başdan Qəmbərov İsa özünə bir gün ağlasın. Arzu edərdim ki, versin
namizdəliyini, hər halda Həsənov Cəmildən pis günə salıb, teledebatlarda
qulağını kəsib yola salaram”.

Partiya sədri
İsa Qəmbərə olan nifrətinin səbəbini də açıqlayıb:

“Bunları ona görə
deyirəm ki, Qəmbərov İsa  kimi bir xəyanətkar
Əbülfəz Elçibəyin qədrini bilməyən, Azərbaycan milli hakimiyyətini devirən bir
adamı ikinci dəfə hakimiyyətə gətirmək olarmı?! Əlbəttə ki, bu, qətiyyən mümkün
deyil, biz bunun davasını aparırıq, əqidə, ideya davası döyürük.

Qoy Qəmbərov
İsa, onun Hacıyev Arifi versin, bir dəfə televiziyada döydüyüm, indi adını çəkmək
istəmədiyim onların bərkgedəni də versin, kim verir versin. Orada ki, Hafiz
Hacıyev var heç nəyə ehtiyac yoxdur, xalqa etdikləri pisliklərin, xəyanətlərin layiqli
cavabını alacaqlar. Onları Azərbaycanın siyasi səhnəsindən silmişəm, bu dəfə isə
onları siyasi meyid kimi qəbrə basdırmalı olacam.

Qəmbərov İsa
düşünsün ki, Hafiz Hacıyevlə hansı üzlə mübarizə aparacaq. Qoy  bunu fikirləşib namizədliyini versin”.

Hafiz Hacıyev
sonda vitse prezident olmaq arzusunu da dilə gətirib:

“Partiyamız hər
zaman seçkilərə hazırdır, öz işimizi bu ruhda qurmuşuq və axıra qədər də belə
gedəcəyik. İmkan verməyəcəm ki, Azərbaycanda xəyanətkar qüvvələr hakimiyyətə gəlsin.
Hər halda bu gün qardaşım prezidentdir, hələ 2018-ci ilə qədər vaxtı var. Əgər özü
yenidən məsləhət bilib prezident seçkilərinə getsə, qardaşı da onun yanında
olacaq. O, prezident seçilər, mən də olaram birinci vitse prezident. Əsas odur
ki, qardaşı onun yanında olar, ətrafındakı dələduzları, rüşvətxor nazirləri təmizləməkdən
ötrü ona ciddi köməklik edər. Xalq arasında daha böyük nüfuz qazanar və bundan
sonra da neçə illər Azərbaycan hakimiyyətinin idarə edilməsində iştirakçı ola bilərik.

Bu
referendumdan sonra düşünürəm ki, qardaşım çox böyük islahatlar aparacaq,
aparmaması da mümkün deyil. Ona görə ki, prezidentin bu gün ətrafında olan məmur
təbəqəsi ona hər gün, hər dəqiqə, hər saat yalan danışır. Uzun illərdir etdikləri
xəyanətlərin üstü açılmasın deyə bütün variantlara əl atırlar. Əlbəttə ki, hakimiyyət
daxilində Qəmbərov İsaya dəstək verən qızışdırıcı qüvvələr var. Düşünürəm ki,
bunların hamısı artıq əbəsdir, harda ki, mən varam, dövlətə xəyanət edən ünsürlərin
ölkəyə rəhbərlik etməsinə imkan verməyəcəm.”

 


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler