Musavat.az
Musavat.az




Müsavat » Xeberler» Xeber

Prezident Nobel mükafatını müharibe qurbanlarına verir

10 Ekim 2016

7:04 am


10/10/2016 [11:00]: xeber –
sayt xəbər verir ki, Kolumbiya prezidenti Xuan Manuel Santos Nobel Sülh Mükafatından qazandığı pulu ölkəsindəki daxili müharibə qurbanlarına bağışlayır. Keçən həftə cümə günü mükafatı qazanan Xuan Manuel Santos mükafat pulunu ölkəsində illərdir davam edən toqquşmaların qurbanları üçün xərcləyəcək. Bojayada müharibə qurbanları üçün təşkil olunan dini mərasimdən sonra açıqlama verən pezident Santos ailəsiylə keçirdiyi görüşdən sonra təxminən 820 min avro məbləğində mükafatı müharibə qurbanlarına təqdim etmək istədiyini bildirib. Santos pulu razılaşma üçün səy göstərən və qurbanlarla məşğul olan layihə və fondlara verəcəyini deyib. Eyni zamanda FARC partizanlarının sülh müqaviləsinin həyata keçirilməsi üçün mübarizəyə davam edəcəyini qeyd edən Santos “İsrar edəcəyik və imzalanan müqavilə qüvvəyə minənə qədər əlimizdən gələni əsirgəməyəcəyik” – deyib. Santos Twitter hesabından da “Nobel Sülh Mükafatı xüsusilə müharibədə əziyyət çəkmiş olan Kolumbiyalılarındır. Ailəmlə birlikdə bu pulu qurbanlara bağışlamağa qərar verdim”- deyə yazıb. Xatırladaq ki, Kolumbiya prezidenti Xuan Manuel Santos 52 illik müharibəni sona çatdırmaq istiqamətindəki səylərinə görə builki Nobel Sülh Mükafatının sahibi olub. Kolumbiya prezidenti FARC təşkilatı ilə aparılan sülh danışıqlarına rəhbərlik edib. Dövlət başçısı Santos sülh danışıqlarına 2012-ci ilin oktyabrında başlayıb və təxminən üç il yarım zaman alıb. Müqavilə sentyabrın sonunda imzalandıqdan sonra 2 oktyabrda keçirilən referendumda az fərqlə rədd edilib.  Kolumbiyada illərlə davam edən müharibədə 260 mindən çox insan həyatını itirib, milyonlarla adam evini tərk etmək məcburiyyətində qalıb. Qeyd edək ki, 820 min avro məbləğindəki mükafat Alfred Nobelin öldüyü gün, 10 dekabr tarixində Norveçin paytaxtı Osloda keçiriləcək mərasimlə sahiblərinə təqdim ediləcək. Zəhra


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler