Musavat.az
Musavat.az




Müsavat » Xeberler» Xeber

Prezident ismarıc gönderdi, Kerri ise susur…

11 Ekim 2016

1:48 pm


11/10/2016 [17:46]: xeber –
İstər Barak Obama, istərsə də Con Kerri artıq tarixə çevrilmək üzrədirlər. Yəni cəmi bir aydan sonra onların prezidentlik və dövlət katibliyi müddətləri başa çatır və bir aydan sonra dünya onları unudacaq. Amma dünyanın bəzi xalqları , o cümlədən suriyalılar və biz azərbaycanlılar isə nə Obamanı, nədəki Kerrini hələ uzun illər unutmayacağıq. Ona görə ki, məhz onların iblisanə siyasətlərinin ucbatından bu gün Suriya Yer üzündəki Cəhənnəmi xatırladır. Milyonlarla suriyalı öz vətənindən didərgin düşüb, dünyaya səpələnib və Qərb liderlərinə lənət oxuyur. Elə bizim də Ştatların hazırki prezidentinə , xüsusən də dövlət katibi Con Kerriyə lənət oxumağa haqqımız var. Çünki Obama səkkiz illik prezidentliyi dönəmində bir dəfə də olsa bizim Qarabağ dərdimizlə ciddən maraqlanmadı və bu məsələ ilə səthi şəkildə maraqlanmağı əvvəlcə Hillari Klintonun, sonra da Con Kerrinin üzərinə qoydu. Onlar da öz növbəsində, Qarabağ məsələsinin həlli ilə yox, sadəcə, imitasiyası ilə məşğul oldular, “ikili standartlar” taktikası ilə hərəkət etdilər. Və hələ bu da azmış kimi üstəgəl, cənab Kerri dövlət katibi postu ilə vidalaşmaq ərəfəsində ikən təxribatçı və həm də ədalətsiz bir açıqlama verməklə Birləşmiş Ştatların nə qədər məkrli bir ölkə olduğunu ortaya qoydu:”Bu gün dünyada bir sıra həll olunmamış konfliktlər var, o cümlədən Azərbaycan-Ermənistan Dağlıq Qarabağ münaqişəsi. Hal-hazırda bu münaqişənin həlli mümkün deyil. Münaqişənin həll olunmamasında hər iki tərəf günahkardır. Tərəflər buna hazır deyil, bu məsələ Fələstin-İsrail münaqişəsindən də mürəkkəbdir”Bu, nə deməkdir ? Kerrinin bu bəyanatını biz necə başa düşək ? Kerri vəzifəsindən getmək ərəfəsində ikən nədən belə bir açıqlama verib aranı qızışdırır ?Hesab edirəm ki, Kerri bu məsələni Fələstin-İsrail konflikti ilə müqayisə edib eyniləşdirməklə ilk növbədə bunu anlatdı ki, Amerika bu məsələnin həlli ilə heç vaxt ciddi surətdə məşğul olmayıb və heç bundan sonra da Qarabağda savaşın bitməsi üçün həlledici addım atmayacaq. İkincisi, Kerrinin bu bəyanatı tərəfləri münaqişənin həllinə hazır olmamaqda günahlandırmaqla həmsədr ölkələriin üzərindən məsuliyyəti büsbütün atmaq cəhdi idi. Üçüncüsü, Kerri bu münaqişədə əsas günahkarın məhz Ermənistan olduğunu bildiyi halda, Azərbaycanı da Ermənistanla eyniləşdirməyə çalışması və günahkar qismində təqdim etməsi o demək idi ki, əslində, Azərbaycanla Ermənistan bu məsələni öz aralarında həll etməyə qadirdilər , lakin həmsədr dövlətlər özləri qəsdən buna imkan vermir və bu münaqişə məhz həmsədrlərin təhriki ilə hələ uzun illər sonu görünməyən qaranlıq tunel kimi davam edəcək. Dördüncüsü, Kerrinin bu bəyanatı özünün gələcək komfortlu təqaüdçü həyatını təmin etməyə hesablanmışdı. Bu bəyanat beynəlxalq erməni lobbisinin ona sayğısını qazandıra və onun bank hesablarına yetərincə böyük miqdarda qonorarın ödənməsinə səbəb ola bilər. Və ən nəhayət, beşincisi də budur ki, Kerri bu bəyanatı ilə hər iki münaqişə tərəflərinə açıq-aşkar bunu demək istədi ki, münaqişənin həlli ilə bağlı danışıqları , müzakirələri bundan sonra davam etdirməyin artıq heç bir mənası yoxdur, odur ki, müzakirələrə son verin, hərəkətə keçin. Məhz bu anlamda ABŞ-ın 1 nömrəli diplomatı sayılan C.Kerrinin bu bəyanatı birmənalı surətdə avantürist bir təxribat idi və eyni zamanda da Azərbaycana qarşı riyakarlıq və haqsızlıq idi.Azərbaycan Prezidenti İlham Əliyevin oktyabrın 7-də Nazirlər Kabinetinin 2016-cı ilin doqquz ayının sosial-iqtisadi inkişafının yekunlarına və qarşıda duran vəzifələrə həsr olunmuş iclasında Kerrinin məlum bəyanatına dair söylədiyi fikirlər də elə ABŞ administrasiyasının Azərbaycana qarşı haqsız mövqeyinə kəskin etiraz nümunəsi idi. Mən İlham Əliyevin həmin fikirlərini olduğu kimi təqdim etmək istəyirəm ki, hər kəsdə tam təsəvvür yaransın:”Məsələnin həll olunmaması təkcə Ermənistana görə deyil.Ermənistanın böyük himayədarları var, biri ona pul, biri silah verir, biri lobbi yaradır, biri təbliğ edir. Bax budur məsələnin həll olunmamasının səbəbi. Ona görə bu məsələyə aydınlıq gətirilməlidir. Biz yaxşı bilirik ki, ikili standartlarla üzləşmişikSiz yəqin ki, Amerikadan səslənən son bəyanatı da eşitmisiniz, oxumusunuz, Azərbaycan ictimaiyyəti də bunu bilir. Bu, yumşaq desək, təəccüb doğuran bir bəyanatdır. Azərbaycanı münaqişənin həll olunmamasında günahlandırmaq ən azı insafsızlıqdır. Digər tərəfdən, bax, bu bəyanat o biri bəyanatlarla necə uzlaşır?! Axı, Amerika, Rusiya, Fransa prezidentlərinin dəfələrlə bəyan etdikləri bir tezis var: “Status-kvo qəbuledilməzdir”. Biz bunu alqışlayırıq. Düzdür, bu sözdən sonra heç bir praktik iş aparılmır. Amma hər halda bu sözün artıq ortaya çıxması bizim böyük uğurumuzdur.Belə bir ciddi bəyanat ola-ola, “hər iki tərəf günahkardır, tərəflər buna hazır deyil, bu məsələ Fələstin-İsrail münaqişəsindən də mürəkkəbdir” demək sadəcə olaraq Ermənistanın işğalçı siyasətinə dəstək verməkdir. Bunun başqa izahı ola bilməz. Düzdür, indi müxtəlif bəyanatlar verilir ki, bu ifadələr kontekstdən çıxarılıb, düzgün başa düşülməyib. Biz hər şeyi yaxşı başa düşürük və bu gün internet dövründə yaşayırıq. Haradasa bir kəlmə deyilirsə, dərhal onun əks-sədası olur. Biz belə bəyanatları qəbul etmirik. Hesab edirik ki, tezliklə bu ifadələrə ən yüksək səviyyədə düzəliş edilməlidir. Əks təqdirdə, burada vasitəçilik missiyası şübhə altına düşə bilər”İlham Əliyevin bu fikirləri həm Kerrinin bəyanatına açıq etiraz xarakteri daşıyırdı, həm də bütövlükdə ABŞ rəhbərliyinə bir mesaj idi. Yəni ki, bu kimi “ikili standartlar” siyasətinin bundan sonra da yürüdüləcəyi təqdirdə və dövlət katibi məlum bəyanatına korrektələr etmədiyi halda, rəsmi Bakı ABŞ-ın Qarabağ münaqişəsinin həlində vasitəçiliyinə son qoyulması məsələsini qaldıra bilər.Bəli, prezident bu mesajı verdi. Ancaq cənab Kerri və onun təmsil etdiyi Obama administrasiyası isə hələki susur. Nədən ? Çox güman ki, cənab Kerrinin başı Suriyaya yeni “Qrad” raketləri komplektinin göndərilməsinə və terrorçuları Suriyanın qanuni hökumətinə qarşı daha da gücləndirməyə qarışıb. Axı Suriyanın Cəhənnəmə çevrilməsi Birləşmiş Ştatlar üçün hələ yetərli deyil. İndi də həmin Cəhənnəmi “Qrad” mərmiləri ilə tamamilə şumlamaq lazımdır ki, bununla da Amerikanın Suriyaya qarşı iyrənc savaş kampaniyası öz məntiqi sonluğuna çatmış olsun.Deməli, ABŞ liderləri həqiqətən də lənətlənməyi haqq edirlər.Əlisahib HüseynovDADP sədri


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler