Musavat.az
Musavat.az




Müsavat » Xeberler» Xeber

PKK-nın ardınca bu defe İŞİD Türkiyeni qana boyadı – onlarla ölü

22 Ağustos 2016

4:32 am


22/08/2016 [08:29]: xeber –
Terrorçular indi də ölkədə etnik-dini zəmində gərginliyi artırmağa cəhd edirlər Avqustun 20-də axşam saatlarında Türkiyənin Qaziantep vilayətində baş verən terror aktı nəticəsində ölənlərin sayı 50 nəfərə çatıb. Bu barədə Qaziantep valiliyinin yaydığı açıqlamada məlumat verilir. Şahinbəy rayonunun Beybahçe məhəlləsində toy mərasiminin keçirildiyi salonda baş verən terror nəticəsində 94 nəfər insan yaralanıb. İlkin ehtimallara görə, terroru “canlı bomba” həyata keçirib. Prezident Rəcəb Tayyib Ərdoğan terror aktının şübhəlisinin İŞİD olduğunu qeyd edib. Türkiyə Prezidentinin adından yayılan rəsmi açıqlamada Qaziantep terrorunu İŞİD-in törətdiyi qeyd olunur və ölkənin hazırda İŞİD, FETÖ və PKK terroru ilə mübarizə apardığı qeyd olunur. Sitat: “Ölkəmiz və millətimiz 15 iyul silahlı qiyam cəhdi və o gecə itirdiyimiz 240 həmvətənimizin qatili FETÖ, sadəcə son bir ayda 70 nəfərə yaxın hərbçi, polis və kənd mühafizəçisinin qatili PKK ilə Qaziantep terrorunu törətdiyi ehtimal olunan İŞİD arasında heç bir fərq yoxdur”.Qeyd edək ki, terrorun törədildiyi məkan xüsusi olaraq seçilib. Hadisənin baş verdiyi məhəllədə Siirt vilayətindən, eləcə də Van, Urfa və Qaziantepdən olan insanlar yaşayıb. Toyu olan ailə isə Siirt əsilli olub. Baş nazirin müavini Mehmet Şimşek terrorun ilkin ehtimallara görə kamikadze tərəfindən törədildiyini bildirib. İlkin bilgilərə görə, bomba toyun keçirildiyi salona uşaq arabasında gətirilib. M.Şimşək ardıcıl terror hücumlarının əsas hədəfinin Türkiyədə sabitliyi pozmaq, ölkə daxilində qarşıdurma yaratmaqdır. Terrorun baş verdiyi rayon dini və etnik baxımdan zəngin bir ərazi sayılır. Burda türk, ərəb, kürd əsilli insanlar, o cümlədən ələvi, sünni kəsim yanaşı yaşayır. Baş nazirin müavininin təxribat xəbərdarlığı çox güman ki, terror hadisəsindən sonra rayonda etnik və ya məzhəbi gərginlik yaradılması narahatlığı ilə bağlı olub. HDP də bəyanat yayaraq, terrorda partiyanın üzvlərinin hədəfə alındığını bildirib. Açıqlamada partiya üzvlərinin də toy mərasimində olduğu qeyd edilir. Xatırladaq ki, ötən ilin yayında Suruçda və oktyabrda Ankarada İŞİD tərəfindən həyata keçirilən terror aktlarında hədəfə alınan solçu və əsasən ələvi qruplar olmuşdu. Bununla da müşahidəçilərə görə, əsas hədəf ölkə daxilində etnik və məzhəbi gərginliyi artırmaq olub. 15 iyul qiyamından sonra bir neçə müddət sakit olan PKK və İŞİD-in yenidən fəallaşması diqqət çəkir. Hökumət yetkililəri bu fəallığın arxasında Türkiyədə daxili sabitliyi pozmaq, xaos yaratmaq cəhdlərinin olmasına işarə edir, terror aktlarının FETÖ ilə bağlantılı olacağına işarə edirlər. Yeri gəlmişkən, 3 gün öncə yenə Qaziantepdə Yaponiyadan gələn turistlərin dindar görünüşlü şəxslərin hücumuna məruz qalması görüntüləri yayılmışdı. Birbaşa əlaqə olmasa da, hər iki hadisə arasındakı bağ bölgədə dini zəmində gərginliyin artırılmasına xidmət edir. Sanki kimlərsə Türkiyədə etnik və dini zəmində gərginliyin artmasına çalışır.Bu tendensiyanın elementləri 15 iyul olaylarından sonra da hiss olunmağa başladı. Hadisələrdən az sonra bəzi bölgələrdə meydan aksiyalarında ələvilərə, eləcə də dünyəvi insanlara qarşı hücum çağırışları edənlər oldu. Doğrudur, həmin vaxt xalq arasında güclü olan milli birlik və bütünlük çağırışları bu təxribatların baş tutmasının qarşısını almışdı, ancaq görünür ki, indi hələ də fərqli bölgələrdə bu taktikanı həyata keçirmək istəyənlər var. Hazırda ölkə daxilində, dövlət və ictimai qurumlarda FETÖ üzvlərini təmizləməklə məşğul olan Türkiyə hakimiyyəti eyni zamanda demək olar ki, hər gün davam edən PKK və İŞİD terroru ilə də qarşı-qarşıyadır. Bir sıra ekspertlərə görə, uzun müddət hökumətin Suriya siyasəti səbəbilə radikal qruplara maneə yaratmaması, eyni zamanda PKK ilə saziş nəticəsində hər iki qruplaşma Türkiyə ərazisində möhkəmlənə bilib. İndi isə ölkə daxilində yaranmış situasiyada hökumətin 3 cəbhədə mübarizə aparması faktiki olaraq mümkün deyil. Üstəlik, dövlət qurumlarının daxilində təmizlənmə ilə yaranmış boşluq, əsas diqqətlərin qiyam sonrası təmizlənməyə yönəlməsi İŞİD və PKK kimi terror qruplarının əl-qolunu açır.Bir sıra analitiklərə görə, qiyam sonrası davam edən silsiləvi hadisələr Türkiyədə xaos vəziyyəti yaratmağa hesablanıb. Ardıcıl terror aksiyaları, ölkə daxilində etnik və dini qruplar arasında gərginliyin artması nəticəsində Türkiyədə hökumətin başı daha çox daxili problemlərin həllinə qarışacaq, daxildə gərginlik artacaq. Bu isə hətta qiyamdan da daha dəhşətli nəticələrə səbəb ola bilər. Məhz bu səbəbdən də hazırda hökumət daha çox milli birlik və bütünlük üzərinə vurğu edərək, ölkə daxilində bütün siyasi, etnik və dini qrupları bir arada saxlamağa, ehtimal olunan gərginliyin qarşısını almağa çalışır.


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler