Musavat.az
Musavat.az




Müsavat » Xeberler» Xeber

Pentaqon resmisinin Bakı seferini zeruri eden ilginc sebebler…

02 Kasım 2016

6:20 am


02/11/2016 [10:17]: xeber –
ABŞ-ın müdafiə nazirinin Rusiya, Ukrayna və Avrasiya üzrə köməkçisinin müavini Maykl Karpenter Azərbaycanda səfərdədir. Azərbaycanın müdafiə naziri general-polkovnik Zakir Həsənov M.Karpenterin rəhbərlik etdiyi nümayəndə heyəti ilə görüşüb.Müdafiə Nazirliyi xəbər verir ki, regiondakı hərbi-siyasi vəziyyət barədə qonağa məlumat verən nazir Ermənistanın Cənubi Qafqazda sabitliyə təhlükə yaratdığını, beynəlxalq hüquq norma və prinsiplərə məhəl qoymadan Azərbaycan torpaqlarını işğal altında saxladığını və vasitəçilərin səylərinə baxmayaraq qoşunların qarşıdurma xəttində təxribatlar törətməklə vəziyyəti gərginləşdirdiyini xüsusi qeyd edib. Cənab Həsənov eyni zamanda Azərbaycan ilə ABŞ arasında hərbi əməkdaşlıq proqramları, o cümlədən NATO çərçivəsində Azərbaycan Silahlı Qüvvələri ilə alyansa üzv olan və tərəfdaş dövlətlər arasında qarşılıqlı əməliyyat uyarlılığının əldə edilməsi, Əfqanıstanda həyata keçirilən qeyri-döyüş missiyasına verilən töhfə haqqında ətraflı danışıb.Öz növbəsində M.Karpenter ABŞ hökumətinin Azərbaycanla təhlükəsizlik və hərbi sahədə əməkdaşlığın genişləndirilməsi və gücləndirilməsində maraqlı olduğunu, bu istiqamətdə fəaliyyətlərin davam etdiriləcəyinə əminliyini bildirib. Azərbaycan ordusunun döyüş hazırlığına yüksək qiymət verən qonaq şəxsi heyətin müasir və yeni silahlarla təchiz edildiyini, istənilən təhdidə çevik cavab vermək imkanına malik olduğunu xüsusi qeyd edib. Qarşılıqlı maraq doğuran görüşdə ölkələrimiz arasında ikitərəfli hərbi əlaqələrin genişləndirilməsi perspektivləri, o cümlədən təhlükəsizlik və müdafiə sahəsində əməkdaşlıq, hərbi təhsil və tibb hazırlığı məsələləri də müzakirə olunub.Pentaqon təmsilçilərinin Azərbaycana vaxtaşırı səfər etməsi, müxtəlif səviyyələrdə görüşlər keçirməsi təbii ki, sıradan bir məsələ deyil. Bölgəmizə də təsirsiz ötüşməyən geopolitik toqquşmalar fonunda ABŞ-ın hərbi elitasının Azərbaycana təşrif buyurması həm də ölkəmizin işğala məruz qalması barədə həqiqətlərin çatdırılması baxımından faydalı sayılır. Ancaq burada başqa bir məqam da diqqət çəkir, ABŞ-ın siyasi elitası dolayısı və ya birbaşa Azərbaycanla təzyiq və diktə dili ilə danışdığı halda, hərbi elita daha yumşaq tövr nümayiş etdirir. Budəfəki səfərdə Amerika təmsilçisinin Rusiyanı qıcıqlandıra biləcək açıqlaması da oldu. “Hələbdə vəziyyət faciəvidir. Orada humanitar böhran yaşanır” – deyən Karpenter bildirib ki, Rusiyanın hərbi müdaxiləsi vətəndaş müharibəsi oduna benzin tökməkdir: “Biz rusiyalı həmkarlarımızla bu məsələni həll etmək istiqamətində işləməyə çalışırıq.Regionda sülh və təhlükəsizliyin təminatı üçün işləməyə davam edəcəyik”.(APA)“Atlas” Araşdırmalar Mərkəzinin rəhbəri, politoloq Elxan Şahinoğlu Karpenterin səfərini “Yeni Müsavat”a şərh edərkən “ABŞ hərbi elitasının – Pentaqonun Dövlət Departamenti ilə müqayisədə rəsmi Bakı ilə daha tez dil tapması onunla bağlıdır ki, amerikalı hərbçilərin demokratiya və insan haqları ilə bağlı Azərbaycan hakimiyyətindən hər hansı tələb və istəkləri yoxdur” – deyə, bildirdi: “Bu da Azərbaycan hakimiyyəti üçün məqbuldur. Ona görə də rəsmi Bakı Pentaqondan gələnlərlə daha tez dil tapır və əməkdaşlığın inkişafı yollarını müzakirə edirlər”. E.Şahinoğlunun fikrincə, harda ki rəsmi Bakı əməkdaşlığın genişlənməsində maraqlıdır, o sahədə Pentaqona “yox” demir və ABŞ-ın maraqlarını nəzərə alır.Qeyd edək ki, Azərbaycan antiterror koalisiyasının üzvü kimi illərdir ki, terrora qarşı mübarizədə ABŞ-ın başçılıq etdiyi koalisiyanın üzvüdür. Ən mühüm olan isə budur ki, ABŞ-ın Əfqanıstana istiqamətlənmiş yüklərinin və hərbi kontingentinin daşınmasında Azərbaycanın hava limanı önəmli rol oynayır. Bu mənada Pentaqon Bakı ilə hərbi əməkdaşlığa xələl gətirməməkdən ötrü maksimum ölçülü-biçili davranır. Lakin siyasi elita daha sərt mövqeyə üstünlük verir, hətta bəzən müxtəlif QHT-lərin dili ilə sanksiya təhdidləri də səslənir.E.Şahinoğlu amerikalı hərbçinin Azərbaycan müdafiə naziri ilə görüşü zamanı səsləndirdiyi fikirlərə də toxundu: “Böyük ehtimalla Pentaqon rəsmisi ”Azərbaycan ordusu istənilən təhdidə cavab vermək iqtidarındadır” sözləri ilə işğal altındakı torpaqların güc yolu ilə azad edilməsini yox, şimal və ya cənub istiqamətlərindən gələn təhdidləri nəzərdə tutub”.Ekspert Pentaqon rəsmisinin xarici işlər naziri Elmar Məmmədyarovla görüşünə də toxundu: “Bu görüşdə də təxminən eyni mövzular müzakirə edilib. Bu iki görüşün nəticəsi olaraq Pentaqon rəsmisinin verdiyi açıqlamalar maraqlı idi”. Maykl Karpenter deyib ki, Pentaqon Azərbaycanla mövcud əməkdaşlığı yüksək qiymətləndirir: “…Azərbaycan 11 sentyabr hadisəsi zamanı ABŞ-a dəstək verən ilk ölkələrdən oldu. O vaxtdan etibarlı tərəfdaş olaraq qalır. Bu, ABŞ-ın uzunmüddətli marağıdır. 2002-ci ildən hərbi əməkdaşlıq üçün 60 milyon dollar vəsait sərf etmişik. Bizim bu sahədə dərin əməkdaşlığımız var”.Pentaqon rəsmisinin indiki həssas məqamda Azərbaycana səfərini zəruri edən səbəblərə gəldikdə, E.Şahinoğlu bunları bildirdi: “Bunun bir neçə səbəbi var. Birincisi, cəbhə bölgəsində vəziyyət gərgindir. Vaşinqton Azərbaycanla Ermənistan arasında aprel döyüşlərinin təkrarlanmasını istəmir. Çünki Vaşinqton anlayır ki, Cənubi Qafqazda yeni müharibə böyük dövlətləri bir-birinə qarşı-qarşıya qoyacaq. Onsuz da böyük dövlətlər arasında Ukrayna və Suriya ilə bağlı aralarında ciddi fikir ayrılıqları var, daha bir bölgədə növbəti müharibə bu gərginliyi bir az daha artıracaq. Ona görə də Pentaqon öz nümayəndəsini bölgəyə göndərməklə vəziyyəti yerindəcə təhlil etmək və tərəflərin mövqelərini müəyyənləşdirmək istəyir. Ən əsası odur ki, Vaşinqton Azərbaycanda sabitliyin pozulmasını istəmir. Əks halda, bunun fəsadlarının Amerikanın maraqlarına da toxunacağını Vaşinqton anlayır. İkincisi, ABŞ-da prezident seçkisindən sonra bir müddət hakimiyyət boşluğu yaşanacaq. Yeni seçilən prezidentin xarici siyasətdə fəallaşması vaxt aparacaq. Bu boşluqdan isə ABŞ-ın bölgədəki rəqibləri istifadə edə bilərlər. Ona görə də Amerikanın maraqlı olduğu bölgələrdə boşluq yaranmasın deyə Vaşinqton öz emissarlarını müxtəlif ölkələrə, o cümlədən Azərbaycana göndərir. Üçüncüsü, Vaşinqtonu Rusiya-Azərbaycan hərbi əməkdaşlığı da narahat etməyə bilməz. Azərbaycan Rusiyadan silah alışına milyardlarla dollar pul xərcləyib. ABŞ Azərbaycana silah satmır. Bunun üçün Konqresin razılığı lazımdır. Belə bir razılığın əldə olunması mümkün deyil. Bu, ABŞ-Azərbaycan hərbi əməkdaşlığına mane olan əsas faktordur. Ona görə də Pentaqon bunun əvəzinə Azərbaycanla digər sahələrdə hərbi əməkdaşlığını genişləndirmək istəyir. Rusiya Ermənistanın hərbi-siyasi müttəfiqidir, bu iki ölkə mütəmadi olaraq birgə hərbi təlimlər keçirir. Azərbaycan Rusiya ilə bəzi istisnalar xaricində birgə geniş tərkibli hərbi təlimlər keçirə bilməz. Bu faktor Pentaqonun işinə yarayır. Ona görə də ABŞ Müdafiə Nazirliyi Azərbaycan Müdafiə Nazirliyi ilə birgə təlimlər keçirə, Azərbaycan ordusunun NATO standartlarına keçməsi üçün texniki yardım göstərə və bu məqsədlə hərbi mütəxəssislərini Bakıya göndərə bilər”. (musavat.com)


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler