Musavat.az
Musavat.az




Müsavat » Xeberler» Xeber

“Papa” adlı tehlüke…

02 Ekim 2016

9:20 am


02/10/2016 [13:18]: xeber –
Papa adlı təhlükə sərhədlərimizə yaxınlaşmaqdadır. Bəlkə də bu təhlükə çoxumuza həqiqi miqyasında görünmür. Çünki zahirdə don geyinib, maskalanıb. Guya ki, bunlar dünyada sülh carçıları, dostluq, barış simvollarıdır. Əslində isə dünyada yaranan bütün kataklizmlərin nəzəri əsasını məhz Vatikan hazırlayır. Dünya maliyyəsini idarə edən güclərə – bunlara dünyanı idarə edən ailələr də deyirlər – bir başa tabe olan Papa və ordusu üçün, xidmət etdikləri “mərkəz”-in çıxarları Həzrəti İsadan da, Yer üzündəki bütün xristianlardan da önəmlidir.Roma Papası din adamı olmazdan əvvəl bir artistdir, öz rejissorlarının verdiyi ssennaridə müəyyən improvizələr etmək hüququ olan artist… “Şef”lərinin maraqları çərçivəsində dünya xalqlarını qarşı-qarşıya qoymaq, ciddi xammalı olan ölkələrdə müharibə ocağı yaratmaq, dövlətini inkişaf etdirmək istəyən liderləri hakimiyyətdən salmaq üçün tədbirlər tökmək və s. papa institutunun əsas fəaliyyətlərindəndir. Həzrəti İsa onun qarşısına çıxıb yalvarsa da, Papa öz məkrli planlarından əl çəkməyəcək. Çünki, “peyğəmbər”i onu yetişdirib, dünyanın boğazına kəmsik edənlərdir.Dünyadakı bütün problemləri yaradan mərkəz – Vatikan və oradakı Papa institutu haqqında uzun-uzadı danışmq istəmirəm. Onu Azərbaycana gətirən səbəblərdən də söhbət açmıram. Amma bir neçə ay əvvəl Ermənistana səfər edən Papa, Qarabağı “kiçik torpaq parçası” adlandırdı, “kiçik torpaq parçasına görə müharibə etməyə dəyməz” dedi, həm də Azərbaycana xitabən dedi, bunu. Əvvəla, əgər Papa səmimi idisə niyə ermənilərə demirdi ki, yüzminlərlə insanı yurdundan didərgin salmaq vəhşilikdir… Şəhərləri, kəndləri viran qoymaq, abidələri dağıtmaq, məzarlara belə od vurmaq, yaşlı-körpə demədən insanları qətl etmək, işgəncə vermək insanlığa sığmır… Demədi… Deyə bilmədi… Demək istəmədi…Amma istərdim, “papa” bilsin ki, Qarabağ bizim üçün torpaq parçası deyil, nəinki böyük ya kiçik.Qarabağ, bizim mənəviyyatımızdır, şərəfimizdir. Özümüzün içindən çıxıb “papa”ların və “papa peşqaları”nın qucağına oturmuş kimsələrin satdığı şərəf… Qarabağ, bizim adımızdır, unutduğumuz ad… Qarabağ, qırdığımız könüldür… Qarabağ, Allahın qoruya bilmədiyimiz əmanətidir… Qarabağ, ata-babalarımızın gorgahı, övladımızın qəsb olunmuş taleyidir… Bəs Papa kimdir? O nə həddlə bizə belə bir məsaj ötürür? Əgər bu məsajı ötürürsə, ardından bizim vətənə hansı cürətlə gəlir? Deməli, biz nə ki Qarabağı, özümüzü belə uduzmuşuq. Özlüyündən məhrum olmuş zavallı taleyi yaşamaq xoşdurmu, əfəndilər?Vasif QurbanzadəQarabağ Hərəkatı başqanı


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler