Musavat.az
Musavat.az




Müsavat » Xeberler» Xeber

“Özleri ön cergeye çıxsınlar deye, bizi aradan götürdüler”

04 Temmuz 2016

1:56 pm


04/07/2016 [17:54]: xeber –
Hər dəfə doğma Şamaxıya yolum düşəndə “Yeddi gümbəz” qəbristanlığına qalxıb Mirzə Ələkbər Sabirlə görüşürəm. Sevinir, gülümsünür, deyir sağ ol, övladım, sən bir vaxtlar mənim yaşadığım evin həyətində ağac əkmisən, muzeyin direktoru olanda maaşını bütünlüklə eksponatların yenilənməsinə sərf etmisən, öz hesabına su çəkdirib bağçamızı gülüstana döndərmisən…”Yeddi gümbəz”də, Nəiminin məzarı başında Nəsiminin də ruhunu yad edir, ötən illəri xatırlayıram. Onun da yadından çıxmamışam, deyir, övladım, məzarımın həndəvərindəki kol – kosu sonuncu dəfə 45 il əvvəl sən təmizləmisən…Dar, daşlı – kəsəkli, ot basmış cığırla aşağı enir, “Şahxəndan”a yetişirəm. Seyid Əzim Şirvaninin məzarı başında kövrəlirəm, uzun illər əvvəl burada əkdiyim meyvə ağacları çoxdan quruyub…”Seyyida, ölmərəm, aləmdə səsim var mənim!” deyən şairlə üz-üzə, göz-gözə qalırıq…Nəsə demək istəyir, deyə bilmir, biz ondan utanmalıyıq, o bizdən utanır…Əngəxarandan keçib Məlhəmə, böyük Əfzələddin Xaqaninin ruhu dolaşan, ayaqlarının izi qalan kəndə gedirəm. Özü də piyada…Uşaqlıqda bu yerlərdə o qədər oynamışam ki…Elə bil Pirdirəki dağına, Gülüstan qalasına dünən qalxmışdım…Yol boyu Şamaxının ünsiyyətdə olduğum rəhbərlərini, yəni payon partiya komitəsinin birinci katiblərini xatırlayıram. Sabir Şəfiyev, Sahib Sayılov, Yunis Rzayev, Firuz Mustafayev…Hamısı Xaqaninin, Nəsiminin, Sabirin, Seyyid Əzimin, Abbas Səhhətin şeirlərini əzbər bilirdilər. Bu, onları həm zənginləşdirirdi, həm də nüfuz, hörmət qazandırırdı. Şairlər şamaxılıların ən hörmətli qonaqları idilər…Söhbətimi Xaqani ilə davam etdirirəm. Deyir, övladım, niyə indi Şamaxıda şeir yazan yoxdur, ədəbi mühit məhv edilib? Mən elə bilirdim, bu məsələ ancaq bir qrup adamı düşündürür. Sən demə, böyük Xaqani də hər dəyişikliyi hiss edir, narahat olurmuş…Çox uzaqları yox, 30 – 40 il əvvəli xatırlayıram, təkcə Şamaxıda deyil, respublikanın hər yerində “Gənc Sabirçilər”i tanıyırdılar. Əzizə Cəfərzadə, Fikrət Sadıq, Musa Yaqub, Qürbət Əziz, Güləli Rəsul, Məmməd Əli Nasir, Tahir Taisoğlu, İskəndər Etibar, Faiq Cəmcəmli, Əmir Rüstəmoğlu, Etibar Etibarlı, Süleyman Zərbəliyev, Tahir Ələkbərli, Nadir Mərzəngəli, Asif Ağayev, Oqtay Şamil, Ağakərim Nafis, Xanımqız, Eybalı Şirvanlı, Əbülfət Novruz, Heybət Hörmət, Zahid Sarıtorpaq, Sədi Fətəlizadə, Cəlal Yaquboğlu, Fəxrəddin Orxan, Gülabbas, İlyas Qurbanov, Əlisa, Qismət, Məzahir Süleymanzadə…Mən bu adları birnəfəsə çəkdim, unutduqlarım məni bağışlasınlar…Böyük Xaqaninin hüzurunda Hacı Quliyevi, Əkrəm Hüseynovu, Kamal Bədəlovu, Səfər Sarablını, Ümid İsrafilovu, Səməd Məlikzadəni, Vaqif Yusifi, Ziyadxan Əliyevi, Bəybala Məmmədovu, Məzahir Əzizovu da xatırladım. Bu adamlar Şamaxı mənəvi mühitinin formalaşmasında böyük pay sahibləridir. Mən bir dəfə demişdim, bu mənəvi mühit daşıyıcılarının yanında icra başçısının, polisin, prokurorun adları çəkilmirdi…Bəlkə ona görə bu mühiti məhv elədilər? Özləri ön cərgəyə çıxsınlar deyə, bizi aradan götürdülər. Onların ucbatından indi Şamaxıda içməyə saf su da tapılmır. Elə Xaqani dövründən ürəkləri sərinlədən Məlhəm bulağı da əvvəlki dadını – tamını itirib…Məzahir Süleymanzadə




Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler