Musavat.az
Musavat.az




Müsavat » Xeberler» Xeber

“Öz içerimizde xarici qüvvelere xidmet eden satqınlar var”

21 Haziran 2016

9:04 am


21/06/2016 [13:01]: xeber –
“Əvvəlcədən də proqnozlaşdırmışdıq ki, bu görüş bilavasitə Rusiyaya lazımdır. Rusiya həm ATƏT-in həmsədri kimi, həm də vaxtilə hər iki ölkənin imperiya sahibi kimi Azərbaycanı da, Ermənistanı da öz nəzarəti haqqında saxlamaq üçün bu danışıqları təşkil edir. Eyni zamanda Ermənistan son 300 ildə Rusiyanın Qafqaz siyasətində önəmli yer tutub. Aprel döyüşlərində Rusiya da, Ermənistan da Azərbyacanın iqtisadi, hərbi, ideoloji gücünü gördü. Çalışdılar ki, Azərbaycanı bir növ sakitləşdirsinlər və mənə elə gəlir ki, ona da nail oldular, məqsəd də bundan ibarət idi”. Bunu sayt – a açıqlamasında politoloq Cümşüd Nuriyev Azərbaycan və Ermənistan prezidentlərinin dünənki Sankt Peterburq görüşü haqqında danışarkən deyib.C.Nuriyev Qarabağ danışıqlarının düyünə düşdüyünü bildirib: “ATƏT bu 23 ildə heç bir iş görə bilməyib, eyni zamanda BMT-nin Təhlükəsizlik Şurasının, Baş Assambleyasının qəbul etdiyi qətnamələr icra olunmur, Avropa Şurasının qəbul etdiyi qərarlar, qətnamələr ümumiyyətlə nəzərə alınmır. Bütün bunların fonunda danışıqları yenidən davam etdirmək həmin spiralvari keçmişin bir növ təkrarıdır. Danışıqlar zamanı Azərbaycan sanki Şuşanın bir dolayını ötüb keçir, növbəti dəfə isə yenə dolaya düşürük. Bu dolayların nə zaman qurtaracağı isə bəlli deyil. Adətən bütün yollardakı dolaylar qurtarır, Azərbaycan Ermənistan danışıqlarındakı dolaylar isə artıq düyünə düşüb”.Politoloq prezidentlərin əvvəldən bu görüşlə bağlı nəsə gözləmədiyini də qeyd edib: “Rusiyanın bizimçün nəsə edəcəyini düşünmək inandırıcı deyil. Amma bir gerçəklik ondan ibarətdir ki, Azərbaycanın hərbi gücünü öldürməyə cəhd edirlər. Buna nail ola biləcəkləri isə bizdən asılıdır, inanmıram ki, Rusiya buna tezliklə nail ola bilsin. Ancaq öz içərimizdəki satqınları bir tərəfə qoymaq lazımdır, çünki Qarabağ məsələsinin həllini istəməyən müəyyən xarici qüvvələrə xidmət edən daxili qüvvələr də var. Amma əksəriyyət, əhalinin 90 faizi bu məsələdə dövlətlə bir yerdədir”. C.Nuriyev prezidentlərin növbəti görüşü haqqında da proqnoz verib: “Danışıqların bu şəkildə davam etməsi heç nəyi həll etməyəcək. Növbəti görüş də bunun kimi keçəcək. Yenə də Xarici İşlər Nazirliyi indiki kimi çıxıb deyəcək ki, konstruktiv danışıqlar getdi. Bu konstruktiv danışıqlar nə deməkdir ümumiyyətlə. Necə yani konstruktiv danışıqlar getdi? Prezidentlər bu görüşdə heç görüşmədilər belə, İlham Əliyev girişdə Sarkisyana əl uzatmadı. Sonda amma Putinin fonunda əl uzadıb görüşdülər. Burada İlham Əliyev birmənalı şəkildə Azərbaycan xalqına bildirdi ki, mən buna razı deyiləm”. Rumiyyə 




Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler