Musavat.az
Musavat.az




Müsavat » Xeberler» Xeber

“Ölkemizde elm adamlarının veziyyeti süpürgeçilerin durumundan ağırdır”

11 Temmuz 2016

2:36 pm


11/07/2016 [18:33]: xeber –
Azərbaycanda
elmin inkişafında ciddi problemlərin mövcudluğu heç kimə sirr deyil.

Maraqlıdır,
ölkəmizdə elmin inkişafındakı başlıca çətinliklər nədən ibarətdir? Bu problemin
elmə lazımi qədər vəsaitin ayrılmaması ilə bir əlaqəsi varmı? Yoxsa əsas məsələ
ayrılan vəsaitlərin təyinatı üzrə xərclənməsi məsələsində lazımi şəffaflığın
olmaması ilə bağlıdır?

Məsələ
ilə bağlı sayt-a açıqlama verən Bütöv Azərbaycan Ocaqlarının sözçüsü,
AMEA-nın Tarix İnstitutunun aparıcı elmi işçisi, tanınmış pedaqoq-tarixçi Dilavər
Əzimli maraqlı məqamlara toxunub:

“Elmin
inkişafının qarşısını alan əsas amillərdən ilkini lazımi səviyyədə maliyyənin
ayrılmamasıdır. Son illər demək olar ki, bu sahədə böhran dərinləşir.
Xüsusilə dolların qiymətinin bahalaşmasından sonra vəziyyət daha da kəskinləşib.

Elm o
zaman inkişaf edir ki, həmin sahə dövlətin strateji sahəsi sayılsın. Bu mənada
həmin ölkələrin elmi də yüksək səviyyədə inkişaf edir. Bu
mənada ölkələri kateqoriyalara bölmək olar. Həmin ölkələrdə elm
adamlarının təminatı tam təmin olunur. Onlarda elmlə əsasən elmi qabiliyyəti
olanlar məşğul olurlar. Bizim kimi ölkələrdə elmə sadəcə
imici qaldırmaq vasitəsi kimi baxırlar. Məsələn, filan deputat elmlər
doktorudur, filan nazir elmlər doktorudur. Digəri isə akademikdir. Elmin
qarşısını alan birinci maliyyənin azlığıdır. Elm işçilərinin vəziyyəti küçədə süpürgə
süpürən adamların vəziyyətindən ağırdır. Mən onları ələ salmıram. Sadəcə xatırladıram
ki, əgər fəlsəfə doktoru 350 manat alırsa, bunula elm inkişaf edərmi? Bu gün bu, olduqca ciddi
məslədir.

Ayrılan
vəaitlərin təyinatı ilə bağlı dəqiq söz deyə bilmərəm. Amma
bizim AMEA A.Bakıxanov adına Tarix İnstitutunda belə hallar yoxdur. Əksinə,
institutumuzun direktoru Yaqub Mahmudlub şəxsi əlaqələrindən istifadə edərək
elmin inkişafı üçün maliiyə tapır. Bunun hesabına dünyanın bir çox ölkələriinin
arxivlərindən Azərbaycanla bağlı sənədləri institutumuzun arxivinə gətirtmişdir.
Əməkdaşları ezamiyyətə göndərir. Bayram zamanlarında bacardığı qədər mükafatlar
yazdırır. Bu cür çətinlik dövründə yüzlərlə elmi kitablar nəşr etdirmişdir. Beynəlzalq
simpoziumları keçirmək
üçün xeyli əziyyətlər çəkir. Amma neynəyəsən. Bu, vacib məsələdir. Bu, dövlətçilik məsələsidir.
Bu bir qeyrət məsələsidir. Bunun üçün də çalışırıq.

Elmin
qarşısını alan əsas amillərdən biri də elmdə monopoliyanın getdikcə genişlənməsidir.
Bu, çox ciddi məsələdir. Məsələn, elə elm adamları vardır ki,
illərdir əziyyət çəkirlər, amma qiymətləndirilmirlər. Onlar ad vermirlər. Amma elə adamlara ad verirlər ki,
o ada layiq deyildir. Elmin qarşısını alan çoxlu sayda problemlər vardır. Bu da
elmimizdə qocalma prosesidir. Bu gün elmdə cavanların faizi azdır. Bu da maliyyə
ilə bağlıdır. Cavanlar az maaşa qane olarmı? Yəni, bir neçə dil bilən bir cavan
350 manat maaşa işləyərmi? Çətin məsələdir. Bilirsiz, elmə elm kimi baxmaq
lazımdır. Bizdə hələ ona məşğuliyyət kimi baxırlar. Buna
görə də bu cür vəziyyət yaranır”.

 

Seymur
Əliyev




Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler