Musavat.az
Musavat.az




Müsavat » Xeberler» Xeber

Obama Rotşildlerin, Putin ise Papanın xeyir-duasını alıb- Perdearxası oyunlar

13 Ağustos 2016

3:24 pm


13/08/2016 [19:21]: xeber –
ABŞ-Rusiya qarşıdurmasının bir səbəbi də budur…Son onilliklər  hədsiz dərəcədə   informasiya bolluğu yaransa da, cahandakı ictimai-siyasi, iqtisadi və hərbi-siyasi proseslərin əsl mahiyyətini açan, gerçəkləri göstərən məlumatlar çox azdır. Əksinə, dünyanın nəhəng oliqarxlarının əli altnıda olan bir sıra aparıcı media vasitələri əsl həqiqətlərin insanlardan gizlədilərək şüurlarda manipulyasiya aparılmasına xidmət edir.  Məsələn, sovet dövründən bəri Moskva ilə Vaşinqton arasında gedən və az qala, müharibə həddinə çatacaq həddə olan qarşıdurmanın kökündə  ideoloji-siyasi baxışlardan çox, gizli dünya güclərinin maraqları dayanır. Son illərdə aydın oldu ki, əslində Rokfeller və Rotşidlər  II Cahan savaşında öz oyunlarını uğurla aparmaq üçün həm Stalinə, həm də Hitlerə külli miqdarda para veriblər. Bu gün Allahdan, imandan danışan Vatikan isə Hitler və Mussoliniyə dəstək verib. Belə çıxır ki, keçmişdə ABŞ-la SSRİ, bu gün isə ABŞ-la Rusiya arasındakı görüntülənən ziddiyyətlər əslində elə super oliqarxların maraq toqquşmalarının proyeksiyasından savayı bir şey deyil… Moskva ilə Vaşinqton nədən kosmosda əməkdaşlıq edir?Elementar bir suala cavab axtarsaq, məntiqlə yenə də yuxarıdakı nəticəyə gəlib çıxarıq. Əgər Kremllə Ağ Ev doğrudan da bu dərəcədə düşməndirlərsə, nəyə görə hələ ötən əsrin 70-80-ci illərindən bəri kosmosun öyrənilməsində açıq və gizli əməkdaşlıq edir, birgə uçuşlar həyata keçirirlər? Yaxud hər iki dövlətin baş diplomatları Lavrovla Kerrinin həftə səkkiz- mən doqquz badə dostları kimi irişə-irişə görüşmələri sizləri düşündürmürmü? Görünür, hər iki  super dövləti idarə edən ümumi bir güc var. Bunlar qədim Roma və Yunanıstandakı qladiotor savaşlarına bənzəyir. Seçilmiş qulların bir-birini didməsinə tamaşa edən hökmdar və əyanlar   istədikləri vaxt onları durdurub barışdıra, yaxud yenidən qızışdırıb savaşdıra bilərdi…Dövlətləri  sələmçi maliyyə diktaturası yönləndirir…Beləliklə, aydın olur ki, müasir dünya dövlətlərinin arasındakı münasibətlər ideoloji-siyasi əsaslardan daha çox həmin dövlətlərin qeyri-rəsmi sponsorlarının biri-biriylə münasibətlərindən asılıdır. Ən böyük maliyyə isə ötən yazılarımızda qeyd etdiyimiz kimi, əsrlərlə özlərinə nəhəng şəbəkələr qurmuş yəhudi mənşəli sələmçi-bankir oliqarxların nəzarətindədir: Rotşildlər, Rokfellerlər, Morqanlar… Hələ onlardan da nəhəngləri var ki, bu barədə növbəti yazılarımızda bəhs edəcəyik. Sözügedən şəbəkəni bütövlükdə sələmçi maliyyə, yaxud maliyyə-kredit diktaturası adlandırmaq daha doğru olar. Adi sahibkarlar zavod, fabrik və ya şirkətlərin səhmlərinə yiyələnib onları özəlləşdirdikləri kimi, bunlar da dövlətlərin “səhmləri”ni ya bütövlükdə ələ keçirir, ya da bölüşdürürlər. Bir daha yadınıza salırıq ki, ABŞ-ın da, Rusiyanın da bu sələmçi şəbəkəyə milyardlarla borcu var… Borc verən borclunun ipini çəkər…Bundan sonra növbə gəlir marionet, kukla teatrına… Sahibləri ipləri necə çəkirsə, kuklalar da elə oynayır. Bizlərə də qalır onlar haqqındakı informasiyaları maraqla dinləyib başımızı qatmaq: filankəs bəhmənkəslə görüşdü, bəhmənkəslə filankəsin münasibətləri pozuldu, dalaşdılar, sonra barışdılar, razılaşdılar, saziş bağladılar və s. ABŞ-Rusiya qarşıdurmasının arxasında 3 nəhəngin döyüşü…Gerçəklik sübut edir ki, beynəlxalq güc mərkəzləri üçün dini,  milli, siyasi-ideoloji baxışlar, sadəcə, maskalanma formasıdır. Əsas maraqlar maddi qazanc əldə etməyə yönəlib. Məşhur ingilis kəşfiyyatçısı, “Mi-6”-nın keçmiş əməkdaşı Con Koleman belə nəticəyə gəlib ki, dünyanı “Komitet-300” adlı 300 tanınmış ailədən ibarət nəhəng qurum yönəldir. Ancaq həmin qurumun içərisində də hakimiyyət uğrunda mübarizə gedir. Daha kəskin döyüşlər isə Vatikan, Rotşild və Rokfeller ailələri arasında aparılır. Havayı pul qazanmağın 3 yolu var: dolların dəyişmə kursu, kredit faizi və “goodwill”, yəni “nüfuz, təmiz ad”. Vatikan “təmiz ad”a üstünlük verdiyindən uzun müddət dəyişmə kursundakı spekulyasiyalara və kredit faizinə qadağa qoyurdu. Beləliklə, Vatikanın arxasında insan kapitalının, Rokfellerlərin arxasında neft iqtsadiyyatı və hərbi sənaye kompleksinin, Rotşildlərin arxasında isə qiymətli metal və daşlardan, eləcə də narkotiklərdən gələn gəlirin maliyyə axınları möhkəmlənməkdədir… Putin İspaniya kralının sarayındakı gizli quruma niyə baş çəkib?Bəzi konspiroloqlar ən böyük dünya oyunçusu arxasında nəhəng insan kapitalı duran Vatikanı hesab edirlər. Ən kiçik, amma ən ambisiyalı oyunçu isə Rokfellerlərdir. Onların arxasında İllüminantlar ordeni dayanır. Vatikanın Papa taxtının ən üstün təşkilatı – “Opus Dei”dir (lat. “Allahın İşi”). Həmin orden əsasən roman-german şəcərə aristokratiyasının nümayəndələrini –Royalları birləşdirir.  Maraqlıdır ki, gizli qurumun qərargahı Vatikanda yox, İspaniya kralı Xuan Karlosun sarayında yerləşir. 2006-cı ildə Putin də ora baş çəkib… Ordenin özünün verdiyi məlumata görə, “Opus Dei”nin  80 minə yaxın üzvü var. Ancaq əsl rəqəm sirr olaraq qalır. Gizli cəmiyyətlər üzrə tarixçi mütəxəssis Con Prappoportun sözlərinə görə, Rotşildlər hələ XVIII əsrdən Vatikanı maliyyələşdiriblər…  Vatikan hegemon dövlətlərin rıçaqlarını tam ələ keçirməyə çalışır…Dünyadakı ictimai-siyasi proseslərə nəzarət etməyə çalışmaqla  öz varidatını daha da artırmaq məqsədi güdən Vatikan klanı, yaxud Royallar istər Rotşild, istərsə də Rokfellerlər tərəfindən daim təzyiqlərə məruz qalır. Lakin  Katolik Kilsəsi hər iki rəqibinin öz aralarındakı çəkişmələrindən də yararlanmağa çalışır. Bu gün yezuitləri   dünyanın 112 ölkəsində iş aparan Vatikan hegemon dövlətlərin idarə rıçaqlarını da tam ələ keçirmək arzusundadır… Dediklərimizin fonunda  yenidən qayıdaq ABŞ-Rusiya münasibətlərinə…  Obama 7 il öncə Qüdsdə Rotşildlərə sədaqət andı içib…Ötən ilin sentyabrında Papanın Amerikada mehriban qarşılanmasına rəğmən, son araşdırmalara görə,  Vatikanın ABŞ-la münasibətləri o qədər də isti deyil. Çünki 2009-cu ildə ölkənin 44-cü prezidenti kimi işə başlayan B.Obama Qüdsə gedib yəhudi baş örtüyü geyərək Rotşildlərin maliyyə kapitalinin subyekti  – dünya yəhudiliyinin mason ordeni olan   və “Sionun Hər şeyi Görən Gözü”nü təmsil edən B’nai-B’rith International (“Vədə Uşaqları”) ordeninə sadiq qalacağına and içmişdir. Qeyd edək ki, dünyanın 40 ölkəsində qərargah-mənzilləri olan bu ordenin baş ofisləri London və Honkonqdadır. Obamanın bu addımı o demək oldu ki, Rokfellerlərin ABŞ-ın maliyyə böhranından dünya, yaxud məhdud çərçivədə nüvə müharibəsi vasitəsilə çıxarılması planı təxirə salınır və bunun əvəzində Rotşildlərin dolların  “öldürülməsi”  variantı qüvvəyə minəcək…Putin  10 il öncə Papa və “Opus Dei”nin xeyir-duasını alıb…Moskva ilə də Vatikanın pərdəarxası münasibətləri maraqlıdır. Rusiyanın 2-ci prezidenti V.Putin 2006-cı ildə İspaniyaya dövlət səfəri zamanı  “Opus Dei”nin  xeyir-duasını almış və Royallar qrupuna daxil edilmişdir. Bundan az sonra Putin Münhendəki anti-Amerika çıxışında mahiyyətcə Rokfellerlərin əleyhinə danışdı. Rusiya lideri olaraq bütün qaz borularını  Müqəddəs Roma İmperiyasının xələfləri olan ölkələrə- İtaliya və Almaniyaya yönəltməyə çalışdı. Bununla belə, Putin Rotşildlər əleyhinə də  çıxış etdi. Rotşildlərin Rusiyadakı nümayəndələrini, o cümlədən Mixail Xodorkovskini həbs etdirməsi bunun göstəricisi olmaqla Rusiyanın anti-Çin “tutmaları”nı da izah edir. Əksər geosiyasətçi və konspirologiya tərəfdarları hesab edir ki, Çinə gedəsi qaz və neft boru layihələrinin müxtəlif bəhanələrlə təxirə salınması əslində Çinin özünə qarşı deyil, Rotşildlərə qarşı yönəlmişdir. Çünki Rotşildlər öz əsas banklarının aktivlərini Çinə-Honkonqa istiqamətləndirib. Rusiya kapitalının 50 faizi Vatikanın xeyrinə yönəldilir…Maraqlıdır ki, Rusiyanın 3-cü prezidenti Dmitri Medvedev cəmiyyətə  Rokfellerlərin Rusiyadakı nümayəndəsi olan “Qazprom” rəhbəri Anatoli Çubays tərəfindən təqdim olunmuşdu. Rokfellerlərə münasibətdə fikir ayrılıqlarına baxmayaraq, Putin də, hazırda baş nazir olan D.Medvedev də  Rotşildləri  qəbul etmirlər.  Və hakimiyyətin çoxuna Putin nəzarət etdiyindən Rusiyanın  kapitalı onun maraqlarına uyğun olaraq təxminən belə bölüşdürülür:  kapitalın 25 faizi (neft) Rokfellerlərin xeyrinə, 50 faizi (qaz) isə Royalların, yəni Vatikanın xeyrinə sərf edilir. Həmin 25 faiz  Rusiyanın Rokfellerlərin banklarında saxlanan dövlət fondlarını, 50 faiz isə Putin “koalisiyasın”ın Almaniya, İsveçrə və Avstriyanın  almandilli banklarında saxlanan şəxsi kapitalını təşkil edir. Ona qarşı sanksiyalara rəğmən Rusiya hər il Avropaya 180-190 mlrd. kubmetr qaz ötürür və gələcəkdə bunu 400 mlrd. kubmetrərdək  yüksəltməyi planlaşdırır. Bu, Putinin  Rotşildlərin yox, Rusiya və Vatikanın xeyrinə  olaraq etdiyi geosiyasi seçimdir. Dollar dəzgahının sahibi Rokfeller rəqiblərin planlarını pozur… Çin isə Rotşildlərin hesabına bank qızıl ehtiyatını çoxaldır.  Pekin “əjdaha”sı ABŞ-ı iqtisadiyyat, hərb, kəşfiyyat, diplomatiya və mədəniyyətdə ötməyə çalışır.  Federal Ehtiyat Fonduna, yəni ABŞ-ın dollar dəzgahına nəzarəti əlində saxlayan  Rokfellerlər isə ciddi-cəhdlə Çinlə Rotşildlərin planlarını pozmağa çalışırlar. Vatikan, yaxud Royallar da  öz növbələrində  rəqiblərinin ziddiyyətlərindən qazanmağa cəhd edir. Əlbəttə, iki güclü rəqiblə savaşmaq Vatikan üçün şox çətindir.   Ancaq qüvvələr nisbəti daim dəyişdiyindən Kremldən Vaşinqtona, eləcə də əksinə, gah kəskin cavablar, gah da  barış notları səslənir…Pərdəarxası oyunlarda BMT, BVF, eləcə də  NATO kimi qurumların   yeri barədə, inşallah, növbəti yazılarımızda… Sultan Laçın


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler