Musavat.az
Musavat.az




Müsavat » Xeberler» Xeber

Nizami rayonunda terror kimi talan: Arif Qasımovun fealiyyet xronikası

31 Ekim 2016

10:20 pm


01/11/2016 [02:19]: xeber –
Ölkə gündəmində ciddi müzakirələrə səbəb olan kadr dəyişikliklərindən sonra
öz işinin öhdəsindən gəlməyən, fəaliyyətdə olduğu müddətdə adı korrupsiya və rüşvət
siyahılarında ilk pillələrdə qərarlaşan bir çox məmurların da növbəsinin çatdığı
haqqında informasiyalar yayıldı. Yeni
dövrdə, tamamilə yeni iqtisadi münasibətlərin qurulduğu zamanda icra başçılığından
daha çox biznesmen kimi ad çıxaran bir çox məmurların da vəzifəsi ilə vidalaşacağı
gözləniləndir. Belə ki, uzun illər vəzifə səlahiyyətlərindən öz şəxsi biznes
maraqları üçün istifadə edən, rəhbərlik etdiyi rayonu az qala özəlləşdirən məmurlar
indiki iqtisadi tələblərə cavab vermir, həm xalq, həm də iqtidar düşərgəsi tərəfindən
narazılıq doğurur. Bu istiqamətdə cumhuriyyet.az-a daxil olan məlumatlarda məmurluq
karyerası dövründə adı bir çox korrupsiya qalmaqallarında çəkilən və rəhbərlik
etdiyi rayonlarda heç bir uğur qazana bilməyən Arif Qasımovun adı vəzifədən alınacaq
məmurlar içərisində ilk sıralarda çəkilir. Ona göstərilən etimadı doğrultmaq üçün
kifayət qədər zamanı olmasına baxmayaraq A. Qasımov hər zaman şəxsi maraqlarını
ön plana çəkib. Nizami bələdiyyəsinin sədri olduğu dövrdə də, Siyəzənin icra başçısı
olduğu müddətdə də belə olub, bu gün də belədir.
Bəs kimdir Arif Qasımov? Nizaminin yeni icra başçısı haqqında nə bilirik? Bu günə
qədər onun hansı fəaliyyətləri barədə məlumatlar yayılıb? Bu və digər suallara
cavab tapmaq üçün onunla bağlı müəyyən araşdırmalar apardıq. Və qısa zamanda
icra başçısının fəaliyyəti, bu günə qədər gördüyü qanuni və qanunsuz işləri barədə
cumhuriyyet.az olaraq media üzərindən araşdırmalar sayəsində yetərincə məlumat
topladıq.
Nizami rayonu üçün “11 sentyabr günü”
Amerikanın Nyu-York şəhəri üçün təqvimin 11 sentyabr səhifəsi necə faciəlidirsə,
Bakının Nizami rayonu üçün də 22 sentyabr az qala o qədər müsibətli tarixdir. Çünki
məhz həmin gün Arif Adil oğlu Qasımov Bakı şəhəri Nizami Rayon İcra Hakimiyyətinin
başçısı təyin edilmişdir. Hörmətli oxucular elə başa düşməsinlər ki, biz Arif
Qasımova etimad göstərib onu rəhbər vəzifəyə təyin edən ölkə başçısının fəhminə
şübhə ilə yanaşırıq. Əsla yox! O vaxt hələ keçmiş MTN də mövcud idi, o qurumun
başçısı Eldar Mahmudov da dövlət. dövlətçiliyə sadiq adam sayılırdı.
Hazırda baxımsız zonaya çevrilən Nizami rayonunda yollardan tutmuş, insanların
yaşayış səviyyəsinə kimi vəziyyət pisləşib. Rayonun yol infrastrukturu, küçələrin
bərbad hala düşüb, ağacların kəsilərək ərazilərin satılması adi hal alıb.
Nizami rayonunda avtoyuma məntəqələrinin durmadan artması mənfi tendensiyaya çevrilib.
Bu məntəqələrdə su oğurlanır, israf edilir, hökumət isə bu vacib nemətin qiymətini
qaldırmağa məcbur olur. Kamaləddin Heydərovun adından pul yığır? Özünün dəbdəbəli
kreslosu – “şah taxtı” ilə gündəmi zəbt edən Bakının Nizami rayon icra hakimiyyətinin
başçısı Arif Qasımovla bağlı maraqlı bir iddia sahibkarlardan tələb olunan “haqqın”
fövqəladə hallar naziri Kamaləddin Heydərovun adından istənilməsidir.
Bildirilir ki, RİH rəsmiləri sahibkarlarla qeyri-rəsmi söhbətlərində Arif Qasımovun
icra başçısı kreslosunda yalnız görüntü xatirinə əyləşdirildiyini, rayondakı bütün
işlərin isə Kamaləddin Heydərovun qohumları və yaxın adamları tərəfindən həyata
keçirildiyini iddia edirlər.
Rayonda kimlər racon kəsir?
Nizami rayonu ilə bağlı mediada yer alan xəbərləri cumhuriyyət.az olaraq xatırladaraq
bildirək ki, icra başçısı Arif Qasımovun təyinatındna sonra bu rayonda gizli
kazinolara çoxalmağa başlayıb. İcra hakimiyyətinin himayəsi ilə işlədilən bu
kazinolardan ayda külli miqdarda xərac toplanılır. İnformasiya mənbəmiz Nizami
rayonunda kazinolardan xərac yığılmasına icra başçısının qardaşı Vuqar Qasımovun
və Nizmai icra hakimiyyətininTəsərrüfat Şöbəsinin müdiri Tariyel Tahirov
birbaşa rəhbərlik edirlər.
Mənbəmiz qeyd edir ki, Tarıyel Tahirovla başçının qardaşı həmçinin Nizami
rayonundakı sahibkarlara açıq aşkar haqq qoymağa başlayıblar. Belə ki, rayonda
həyata keçirilən abadlıq, quruculuq işlərinin əksəriyyəti həmin iş adamlarına
yüklənilib. Bundan başqa cumhuriyyet.az-a daxil olan məlumatda Nizami
rayonundakı torpaq satışı işinə yenə də Vuqar Qasımovla Tariyel Tahirov nəzarət
etdiyi bildirilir. Buna misal olaraq Qara Qarayev metrosunun ətrafında kəsilən
ağaclaırn yerinin məhz Tariyel Tahirov tərəfindən bu yaxınlarda bir iş adamına
200 min manata satıldığı göstərilir. İnormasiya mənbəmiz qeyd edir ki, hazırda
Tariyel Qarayevlə Vuqar Qasımovun böyük bir dəstəsi mövcuddur. Bu dəstə əsasən
rayon ərazisində tikili aparan, ev tikən, hasar tikən, həyət evinin üstün dəyişən,
mansar tikən, obyekt tikən, obyektini böyüdən və sair iş görən bütün vətəndaşlara
nəzarət edir. Rayon ərazisində sadaladığıımız bu işləri həyata keçirtmək istəyən
ilk növbədə Vuqar Qasımovla Tariyel Tahirovu görməlidirlər. Başqa bir məlumatda
isə qeyd edilir ki, Tariyel Tahirovla Vüqar Qasımovun Nizami rayonundakı kazino
və ahibkarlara qoyduqları xərac işlərini şərurlu iş adamı Ramin adlı şəxs həyata
keçirir.
Eldar Əzizovun obyekti sökülüb
15 ildən artıq müddətdir ki, Nizami rayonu R. Rüstəmov küçəsi ilə N. Şərifli küçəsinin
kəsişməsində (Azpetrolla üzbəüz) yerləşən Eldar Əzizova məxsus olduğu iddia
olunan birmərtəbəli obyekt ötən ilin fevral ayından “Rahat Marketlər” şəbəkəsinə
icarəyə verilib. Rayondan cumhuriyyet.az-a daxil olan məlumata görə, icarənin
ilkin aylarından obyekt normal fəaliyyət göstərsə də ilin sonundan Nizami RİH-i
magistral yolda qəza şəraitlərinin baş verməsini əsas gətirilərək obyektin qarşısında
müştərilərin maşınlarının saxlanılmasına qadağa qoyub. Bu qadağadan sonra Eldar
Əzizovun icarəyə verdiyi ticarət obyektində alverin dövriyəsində ciddi formada
azalma müşahidə olunub. Yaranmış vəziyyət “Rahat Market” şəbəkələrinin müdiriyyəti
tərəfindən Eldar Əzizova izah edildikdən sonra icarə qiymətində dəyişikliklər
edilib. Məlumata görə, icarə qiymətlərinə edilən bu dəyişikliklər də obyekti “dirildə”
bilməyib. Bundan sonra Eldar Əzizov Arif Qasımova özünə yaxın müəyyən kanallar
vasitəsilə ismarıclar göndərsə də Arif Qasımov qadağasını aradan qaldırmayıb. Əksinə,
deyilənə görə Arif Qasımov Eldar Əzizovun “elçilərinə” obyektin ümumiyyətlə
qanunsuz tikildiyini bildirib.
Qeyd edək ki, məlumata görə, Eldar Əzizova məxsus olduğu deyilən bu obyekt əvvəllər
əslən Xocavənd rayonundan olan Yelmar adlı iş adamı tərəfindən idarə olunub. Əldə
etdiyimiz məlumata görə, Yelmar adlı biznesmenlə Eldar Əzizovun Binəqədi
rayonunda şərikli gön-dəri sexləri də var. Onu da nəzərinizə çatdıraq ki, Eldar
Əzizovun biznesmen dostu bir vaxtlar metronun Koroğlu stansiyasının yaxınlığında
olan “Bakı-Gön-Dəri” ASC-nin direktor müavini işləyib. “Bakı-Gön-Dəri” ASC-nin
direktoru isə indi ömürlük həbsdə olan qanqster Hacı Məmmədovun oğurlamaq istədiyi
yəhudi əsilli məşhur iş adamı Yaruxom İliyev olub.
Talan
Nizami rayonundan daxil olan digər bir məlumatlarda xüsusi olaraq vurğulanır
ki, Arif Qasımovun rəhbərlik etdiyi rayonun idarəçiliyində yol verdiyi ciddi nöqsanların
rayonun təhsil, səhiyyə, mədəniyyət, sosial müdafiə və bir çox digər sahələri də
acınacaqlı duruma gətirilib. Mənbə cumhuriyyet.az-a deyir: “Nizami rayonunda
boş torpaqlar artıq çoxdan satılıb tükəndiyindən, icra başçısı indi də dövlətin
balansında olan torpaqları satmağa başlayıb. İş o yerə gəlib-çıxıb ki, hətta
neftayırma zavodunun ərazisini də Arif Qasımovdan qoruyub-saxlamaq mümkün
olmayıb. “Xəmsə” şadlıq evinin arxasında yerləşən bu ərazidən zavoda gedən
borular, eləcə də dəmiryolu xətti keçirdi. Lakin bir müddət əvvəl dəmir yolunun
üstünü betonlayıb, xətti gizlətdilər. Bundan sonra ümumilikdə 30 sot (3000
kv.m) sahəsi olan bu ərazi ayrı-ayrı şəxslərə satıldı. Hal-hazırda həmin ərazidə
hər biri təxminən 5 sotluq sahədə yerləşən 6 villa inşa olunub. Məlumdur ki,
Arif Qasımov bu torpaq sahələrini rayon mənzil-kommunal istismar idarəsinin rəhbərliyinin
əli ilə satıb. Həmin əraziyə görə idarənin rəisi Qara müəllim və baş mühəndis Hüseynağa
müəllim vətəndaşlardan ümumilikdə 300 000 (üç yüz min) manat məbləğində pul alıblar.
Təbii ki, bu məbləğin əsas hisəsi, bəlmə də hamısı birbaşa Arif Qasımova çatıb”.

Cumhuriyyet.az

 


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler