Musavat.az
Musavat.az




Müsavat » Xeberler» Xeber

Nerimanov polisinden “qızıllı” şikayet – Deleduzlarla bacarmırlar…

02 Eylül 2016

10:40 am


02/09/2016 [14:37]: xeber –
Nərimanov rayonunda dələduzluq edən bir qrup şəxs barəsində Nərimanov Rayon Polis İdarəsinin İstintaq şöbəsində 7 aydır araşdırılma aparılsa da 4 ay istinaq müddətindən sonra – 26 avqust 2016-cı il tarixdə həmin dələduz qrupun üzvlərindən yalnız biri – Yasəmən Nəcəfova həbs edilmiş və barəsində 2 ay müddətinə həbs qətimkan tədbiri seçilmişdir. Digər üzvləri Ələkbər və Natavan adlı şəxslər isə hələ də azadlıqdadırlar və dələduzluq fəaliyyətlərini davam etdirirlər. Belə ki, adı çəkilən şəxslər etibardan sui istifadə edərək 2015-ci ilin yanvar-fevral aylarında mənə məxsus 52.100 manat dəyərində qızıl zinyət əşyalarımı satmaq adı ilə ələ keçirərək mənimsəmişlər. Aldadıldığımı başa düşüb Nərimaniv RPİ-nə ərizə ilə müraciət etdikdə mənə məlum oldu ki, Yasəmən Nəcəfova, Natəvan və Ələkbər adlı şəxslər barəsində artıq şikayətlər mövcuddur. Dələduz qrup mənim kimi Həsənova Naibənin 51.000 manat dəyərində qızıl zinyət əyşyalarını, Qasımova Şəfanın 78.000 manat dəyərində qızıl – zinət və məişət əşyalarını da ələ keçirərək onlara qarşı dələduzluq etmişlər. Buna baxmayaraq zərərçəkmiş olaraq biz – mən Cəlalova Gülnarə və digər 3 nəfər – Həsənova Naibə, Qasımova Şəfa və Musayev Bahəddin – qrup üzvləri tərəfindən təhdid edilərək apellyasiya məhkəməsində bəraət alacaqlarını deyirlər. Ərizələr əsasında guya 7 ay araşdırılma aparılsa da son nəticə olaraq barələrində heç bir tədbir görülmədi. 7ay istintaqda daha bir şəxs – Bahəddin Musayev də Nərimanov RPİ-nə müraciət edərək Yasəmən və digər qrup üzvləri tərəfindən 7.000 manat dəyərində qızıl – zinət əşyalarının ələ keçirilməsini bildirmişdir. Buna baxmayaraq qrup 7 aydır sərbəst polis idarəsinə gəlib-gedir. Dəfələrlə İstintaq şöbəsinin rəisini və müstəntiqi aldadaraq guya dəymiş ziyanların əvəzində Ağ şəhərdə və Yasamal rayonunda yerləşən yeni tikilidə olan mənzillər verəcəklərini desələr də məlum oldu ki, onlar aldadaraq vaxt udmaq istəmişlər. Daha sonra yenə İŞ-nin rəisinin və müstəntiqin iştirakı ilə guya zərərçəkmişlərin hesabına İrandan və Almaniyadan pil köçürdüləcəyini deyib polisi aldatmağa və məsuliyyətdən yayınmalarına nail olmuşlar.Təəssuflər olsun ki, polis işçiləri dələduzların dediyi hər bir sözə inanaraq onları 7 ay məsuliyyətdən kənar saxlamışdır. Lakin polis tərəfindən həmin mənzillərin kimlərə məxsus olması və ya polis işçilərini aldatmları və vaxt udmaları barəsində heç bir tədbir görülmədi. Əksinə, İŞ rəisi və müstəntiq dələduz qrupun hər dediyi sözü vacib hesab edib onlalara bir növ azadlıqda qalıb dələduzluq fəaliyyətlərini davam etdirmələrinə şərait yaratdılar. Zərərçəkmiş olaraq mən və digər üç nəfərin çoxsaylı şikayətləri, müraciətlərindən (DİN, Bakı Baş Polis İdarəsində qəbullara gedərək qrup barəsində məlumat verdikdən və şikayət etdikdən) sonra cinayət işi nəzarətə götürülmüş və həmin şəxslər barəsində tədbir görülməsinə  göstəriş verilmişdir. Lakin müstəntiq V.Nəbiyev 26.08.2016 ildə yalnız dələduz qrupun bir üzvünü – Yasəmən Nəcəfovanı həbs etmişdir. Qrupun digər üzvləri isə, hələ də azadlıqdadır. 27 avqust 2016-cı  il tarixdə dələduz qrupun həbs edilmiş üzvünü azadlığa çıxarmaq istəsələr də, Nərimanov rayon Məhkəməsinin qarşısında zərərçəmiş olaraq toplaşaraq etiraz etdik və nəticədə Yasəmən Nəcəfova bəraət ala bilmədi. Əksinə, digər üzvlərin də həbs edilməsini tələb etdik. Lakin sonradan dələduz qrupun üzvləri zərərçəkmiş olaraq bizə apellyasiyada bəarət alacaqlarına və pullarının batacağına dair sozlərlə təhdid, şantaj etməkdə davam edirlər. Hazırda dələduz qrupun başçısı və azadlıqda olan üzvü Ələkbər adlı şəxs müxtəlif yollarla əlaqələr taparaq hər gün Nərimanov RPİ-nə gedərək Yasəmən Nəcəfovanı həbsdən çıxartmaq istəyir. Halbuki, öncə Ələkbər özü həbs edilməli idi. Çünkü, qrupun başçısıdır və qadınları dələduzluq etməyə məcbur edir. Lakin nədənsə Nərimanov RPİ İŞ cinayətkarı məsuliyyətdən kənar saxlayır. Biz zərərçıkmişlər olaraq Yasəmən Nəcəfova ilə bərabər, Ələkbər və Natavan adlı şəxslərin də həbs edilməsində isarlıyıq və tələb edirik. Lakin müraciətlərimizə baxılmır. Əgər şikayətimizə baxılmazsa və qrup üzvləri həbs olunmazsa özümüzə Nərimanov RPİ və ya DİN qarşısında qəsd edərək, ədalətiz, qeyri – obyektiv iş araşdırılmasına etiraz edəcəyimizi bəyan edirik. Çünkü 7 ay süründürməçilik nəticəsində əsəb, stress keçirtmişik. Dələduzlar isə 7 aydır sərbəst polis idarəsinə gələrək hər dəfə müxtəlif bəhanələr gətirərək məsulliyyətdən yayınmağa nail olub, əməllərini davam etdirirlər. Nədənsə İstintaq şöbəsinin rəisi və müstəntiq dələduz qrupdan çəkinir, onların hər yalanına və uydurma sözlərinə göz yumur, ən əsası dələduzluq fəaliyyətlərini davam etdirmələrinə şərait yaradırlar. Təcrübəli dələduz qrup bizi – məni və digər üç nəfəri aldatdığı kimi, İŞ və müstəntiqi də aldarmağı bacardı. Polis yalnız Yasəmən Nəcəfovanı həbs edilməklə kifayətlənsə də biz Ələkbər və Natavan adlı şəxslərin də həbs edilməsini tələb edirik. Əgər bunlar tutularaq ictimaiyyətə təqdim edilməzsə hesab edirik ki, zərərçəkmişlər çoxalacaq və onların qurbanları daha da artacaq. Ən əsası isə, polis əməkdaşları dələduzların cinayət törətmələrinə şərait yaratmış olarlar. Hazırda Yasəmən Nəcəfova barəsində daha kimlərin şikayətinin olması və olacağı məlum olmasa da, güman edirik ki, dələduz qrup xeyli insanı bizim kimi aldadıb, onlara qarşı dələduzluq etmişdir. Əgər bu qrup üzvləri həbs olunaraq KİV ilə xalqa göstərilərsə, zərərçəkmişlərin məlumatı olar. Cəlalova Gülnarə – Bakı şəhər sakini, zərərçəkmiş.


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler