Musavat.az
Musavat.az




Müsavat » Xeberler» Xeber

Nazim Hikmet öz anası ile Yehya Kamalın sevgi münasibetine nece son qoydu – MARAQLI

18 Eylül 2016

6:00 am


18/09/2016 [09:59]: xeber –
Nazim Hikmətlə Yəhya Kamalın kimlikləri və necə şair olmaları barəsində çox danışmağa o qədər də ehtiyac yoxdu. Bir faktı demək kifayətdi: bu şairlərin hər ikisi XX əsr Türkiyə ədəbiyyatının ən güclü 10 şairi sırasındadır. Təbii ki, onların poeziyası və şeirə gətirdikləri yeniliklər haqqında danışmayacağıq. Çünki sayt-ın təqdim etdiyi yazıda üçüncü qəhrəman-Cəlilə xanım da var. Nazim Hikmətin anası Cəlilə qənirsiz gözəl idi və xeyli insanın ağlını başından çıxarmışdı. Ona məftun olanlardan biri də Yəhya Kamal Bayatlı olub. Xalq yazıçısı Anar Nazim Hikmətə həsr etdiyi “Kərəm kimi” əsərində maraqlı bir detala toxunur. Anar Nazimin bacısı Samiyə xanım Bakıda olarkən ondan bu haqda soruşur. Sakit ruhlu qadın sualdan sonra coşur və bütün bu şaiyələri dövrün məşhur yazıçısı Əziz Nesinin yaydığını bildirir. Onu da qeyd edir ki, əgər Nazim sağ olsaydı, Əziz bunu dilinə gətirə bilməzdi. Nazim onu cəzalandırardı. Amma bir çox mənbələrdə – Əkbər Babayevin “Nazim Hikmət”, Anarın “Kərəm kimi”, Məhmət Fuadın (Nazimin oğlu) “Bu dünyadan Nazim keçdi”əsərlərində bu haqda yazıblar. Hətta Nazimin özü də faktı təsdiqləyib:“Türk şeirinə yeni poetik dil və anlam gətirən böyük şair Yəhya Kamal deyəsən anama aşiq idi. Anam da evdə onun şeirlərini oxuyurdu”.Başqa bir mənbədə isə deyilir: “Cəlilə xanımın ən çox gözləri sehrli idi. Bəhriyyə naziri Camal paşa da ona aşiq imiş. Yəhya Kamal isə Cəlilə xanıma olan eşqini bu şeirlə ifadə edib:“Yollarda qalan gözlərinin nurunu yordum Kimdir o, nasıldır deyə, rüzgarlara sordum.Röyamı saran bir büyü var onda diyordumGördüm: dişi bir parsın ala gözləri vardı.Ən maraqlı fakt isə Nazim Hikmətin bu eşq macərasına necə mane olmasıdır. Taha Toros “Nazim Hikmət” kitabında yazır: “Nazimin müəllimi olan Yəhya Kamal ara-sıra onların evlərinə də gəlirmiş. Bir gün Yəhya bəylə Cəlilə xanım salonda çay içərkən Nazim şairin asılqandan asılan plaşının cibinə kağız parçası qoyur. Yəhya Kamal geyinib gedəndən sonra əlini plaşın cibinə atır və kağızda bu cümlələri oxuyur:” Xocam olaraq girdiyiniz bu evə, babam olaraq girəməzsiniz”.Bu hadisədən sonra kifayət qədər kübar adam olan Y.Kamal Nazimdən o qədər utanıb ki, onun gözünə görünməməkdən ötrü nəinki onların evinə gedib, hətta öz yaşadığı evi də dəyişib.Elmin Nuri


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler