Musavat.az
Musavat.az




Müsavat » Xeberler» Xeber

“Naxçıvan camaatının dedikleri ile emelleri üst-üste düşür”

25 Haziran 2016

8:28 pm


26/06/2016 [00:27]: xeber –
Alim Qasımov: Naxçıvan diyarı sanki gül-çiçəkli böyük bir bağdır və kimsə bu bağı böyük nəvazişlə, qayğı ilə gün keçdikcə gülüstana döndərir.Xəbər verdiyimiz kimi, dünya şöhrətli muğam ustası, Xalq artisti Alim Qasimov iyun ayının 14-dən Naxçıvan Muxtar Respublikasındakı Duzdağ Fizioterapiya Mərkəzində müalicə olunur. Hal-hazırda sənətkarın müalicəsi davam edir və səhhəti yaxşıdır. “Duzdağ” otelində Alim Qasımovun qonağı olduq, onun səhhəti ilə maraqlandıq və sənətkarın Naxçıvan haqqında fikirlərini qələmə aldıq. Həmin müsahibəni sizə təqdim edirik.- Alim müəllim, Naxçıvana xoş gəlmisiniz. Sizi Naxçıvanda görmək bizim üçün çox xoşdur. İstərdik, bu səfərinizin məqsədini oxucularımız üçün açıqlayasınız.Naxçıvanda olmaq çox xoşdur. Çünki mənim həyatımın xoş günlərinin çoxu naxçıvanlılarla keçib. Bu sənətə hörmət edən, mənə böyük diqqət göstərən insanların böyük əksəriyyəti, demək olar ki, naxçıvanlılardır.Naxçıvanda olmağımın məqsədi budur ki, buranın havası qurudur, mənim də nəfəs yollarımda bir az problemlər var. Yaxın dostumuz əslən Naxçıvandan olan Telman Hüseynov məsləhət bildi ki, mən Naxçıvana gəlim və burda duzdağda müalicə alım. Düzünü deyim ki, müalicə üçün Almaniyaya getmək istəyirdim, hətta təyyarə biletim də var idi. Amma dostum Telman Hüseynov israr etdi ki, məhz Naxçıvana gəlim. İndi görürəm ki, onun israr etməsinin haqlı səbəbləri var imiş. Gün keçdikcə mən bunu sağlığımın bərpa olunmasında hiss edirəm. O, uzun müddətdir ki, xroniki astma-bronxit xəstəliyindən əziyyət çəkir. Demək olar ki, ABŞ və İsraildən başqa, bütün dövlətlərdə bu xəstəliyin müalicəsini axtarsa da, həmin axtarışların hec bir müsbət nəticəsi olmayıb. Amma Naxçıvandakı duzdağda müalicə olunduqdan sonra, demək olar ki, dostum tamamilə sağalıb. Telman özü də bunu təsdiq edə bilər.- Telman müəllim, niyə siz əslən naxçıvanlı ola-ola duzdağa bütün dünyanı gəzdikdən sonra gəldiniz?- Bir səhv fikir formalaşıb ki, duzdağdakı müalicə Naxçıvanda yaşayan əhaliyə təsir etmir. Yəni bu ərazidə yaşayan əhali onsuz da havadan həmin maddələri qəbul edir və buna görə duzdağ onlara mənfi təsir etməsə də, müsbət də təsir göstərmir. Mən də belə düşündüyüm üçün bütün dünyanı gəzdim. Harada yaxşı həkim eşidirdimsə, gedirdim. Onların yazdıqları dava-dərmanları nə qədər qəbul etsəm də, bir xeyri olmurdu. Nəhayət, doğma diyarımda yerləşən Duzdağ Fizioterapiya Mərkəzinə müraciət etdim və Alim müəllimin də dediyi kimi, tamamilə sağaldım. İndi bir ona peşmanam ki, mən niyə bura vaxtında müraciət etməmişəm. Alim müəllim mənim ən yaxım dostlarımdan biridir. Onun şəxsiyyətinə və sənətinə sonsuz hörmətim var. Buna görə də istəmədim ki, o da mənim kimi əziyyət çəksin və onu qısa yoldan qaytardım. Fürsətdən istifadə edib sizin vasitənizlə astma-bronxit, allergiya və digər nəfəs yolları xəstəliklərindən əziyyət çəkən insanlara bildirmək istəyirəm ki, bu xəstəliyin yeganə müalicəsi duzdağdadır. Boş yerə vaxtlarını sərf edib lazımsız yerlərə pul xərcləməsinlər. Burada hec bir dərman pereparatlarından istifadə etmədən – tam təbii yolla, sadəcə, duz mağarasında yatmaqla müalicə olunmaq mümkündür. -Alim müəllim, Naxçıvan və naxçıvanlıar haqqında təəssüratlarınızı bilmək istərdik.-Naxçıvan sərhəd bölgəsidir. Onun Azərbaycanla birbaşa torpaq əlaqəsinin olmaması əhalinin bara gəlməsinə çətinlik törədir. Amma bütün bunlara baxmayaraq, bu bölgə məndə çox gözəl təəssüüratlar oyatdı. Mən əvvəlki illərdə ailəmlə Əshabi-kəhf ziyarətganına gəlmişdim. Bu dəfə bura gələndə gördüklərimə heyran qaldım. Hər şey gözəl, təmizdir, insanları da ki gülərüz, mehribandır.Avropanın çox şəhərlərində olmuşam. İndi isə Naxçıvandayam və Naxçıvanı Avropa şəhərlərinə oxşadıram. Avropanın inkişaf etmiş şəhərlərindəki kimi, Naxçıvan şəhərinin də küçələri, yolları təmizdir, səliqəlidir.Sərnişin daşınması ilə bağlı bir məqam çox xoşuma gəldi. Sürücülər təmiz, səliqəli xüsusi vahid geyimdədirlər. Bura gəkləndə düşünürdüm ki, hansı avtomobilə minsəm, gərək qabaqcadan xəbərdarlıq edəm ki, məlum xəstəliyə görə siqaret çəkilməsin. Amma buna ehtiyac olmadı; taksilərdə siqaret belə, çəkilmir. Hələ şəhərdə sürücülərin piyadalara yol vermələri faktı mənim xüsusilə xoşuma gəldi. Bu faktı biz daha çox Avropa şəhərlərində gprməyə alışmışq. Məncə, Naxçıvan bu amilin tətbiq edildiyi ilk şəhərdir. Avtmobilin markasından və sürücüsündən asılı olmayaraq, şəhərdə sürət həddi aşılmır. Naxçıvan əsl Avropa şəhəridir. Dostlarla Naxçıvanın gəzməli-görməli yerlərində olduq. Batabatdakı üzən ada tam başqa aləmdir; Ordubadda çay süfrəsi, qədim palçıq evlər və sair çox maraqlıdır. Burada müasirliklə qədimlik vəhdət şəklindədir. Bilirsiniz, Naxçıvan diyarı sanki gül-çiçəkli böyük bir bağdır və kimsə bu bağı böyük nəvazişlə, qayğı ilə gün keçdikcə gülüstana döndərir. Bu, həqiqətdir. Mənim Naxçıvan haqqındakı təəssüratım budur. Düşünürəm ki, bu gözəllik tərənnüm edilməyə, vəsf olunmağa layiqdir. Və, inşallah, sağlamlığımız bərpa olunsun, Naxçıvana mahnı qoşmağı düşünürəm. Bir məsələni də deyim ki, Naxçıvan camaatının dedikləri ilə əməlləri üst-üstə düşür. Yəni sevgilərini də, nifrətlərini də o dəqiqə dilə gətirməyi bacarırlar, dostu dost, düşməni düşmən kimi qəbul edirlər. Naxçıvanlıların mədəniyyətə hörməti yüksək səviyyədədir. Sənətə və sənətkara hörmət edirlər. Bunu mən həm şəxsi həyatımda, həm də sənət aləmində dəfələrlə müşahidə etmişəm. Dünyanın əksər ölkələrində – Fransada, Almaniyada və digər yerlərdə konsert proqramları ilə çıxışlar etmişəm. Gələcəkdə Naxçıvanda konsert təşkil edilərsə, böyük məmmuniyyətlə naxçıvanlılar üçün solo konsert verməyə hazıram.-Alim müəllim, tezliklə sağlamlığınıza qovuşmağınızı diləyirik. -Çox sağolun. Mən bunu sizin şəxsinizdə dir daha müşahidə elədim ki, Naxçıvanda sənətə, sənərkara böyük hörmət var-Müsahibə üçün sağ olun.(naxçıvanxəbərləri.com)




Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler