Musavat.az
Musavat.az




Müsavat » Xeberler» Xeber

“Müsteqillik üçün mübarizeler aparıb, minlerle şehid vermişik”

18 Ekim 2016

11:56 am


18/10/2016 [15:54]: xeber –
Bu gün – 18 oktyabr Azərbaycanın “Dövlət Müstəqilliyi” günüdür. Tale elə gətirdi ki, Azərbaycanın bir əsrdə iki dəfə müstəqilliyini əldə etmək və özünün suveren dövlətini yaratmaq imkanı oldu. Birinci imkan xarici müdaxilələr və daxili çəkişmələr nəticəsində 1918 – ci ildə qurulmuş Azərbaycan Xalq Cümhuriyyəti cəmi 23 ay yaşadı. İkinci tarixi imkan isə 70 il sonra yarandı. 1991 – ci il Oktyabrın 18 –də Azərbaycan Ali Soveti Dövlət Müstəqilliyi haqqında Konstitusiya Aktını qəbul edib. “Dövlət Müstəqilliyi haqqında Konstitusiya Aktı”nı qəbul etmək elə də asan olmadı. Belə ki, uzun-uzadı qızğın müzakirə davam edirdi.. Növbədən kənar sessiya məsələni 4 gün müzakirə etsə də, qərar vermək biraz gecikdirildi və 1 həftə sonraya saxlanılmışdır. Nəhayət, “Azərbaycanın Dövlət Müstəqilliyi haqqında Konstitusiya Aktı” qəbul olundu. Dövlət müstəqilliyimizi dünya dövlətləri tanımağa başladı. İlk növbədə Türkiyə Cümhuriyyəti sonra Ruminya, Pakistan, İsveçrə, İran, ABŞ, Rusiya və başqa dövlətlər tanıdı. Bununla da Azərbaycan tarixində yeni bir başlanğıcın əsası qoyuldu. 1991 ci ilin oktyabrında Azərbaycanın Müstəqilliyi elan edildikdən sonra ölkədə daxili vəziyyət və hakimiyyət böhranı yarandı. İctimai həyatın demək olar ki, bütün sahələrində hərc-mərclik baş alıb gedirdi. Orduda vəziyyət ağırlaşmışdı.. Erməni təcavüzü gündən-günə güclənirdi. Azərbaycanda hakimiyyət boşluğu yaranırdı. Çünki gənc Respublikada rəhbərliyə yiyələnmək üçün ayrı-ayrı şəxslər və qruplar arasında mübarizə gedirdi. 1993-cü ilin yayında isə Azərbaycanda vətəndaş müharibəsi təhlükəsi yarandı. Vətənin belə ağır günündə xalq Naxçıvandan Azərbaycanın görkəmli oğlu Heydər Əliyevi Bakıya dəvət etdi. Heydər Əliyev Xalqın və Respublikanın hakim dairələrinin dəvətini qəbul edib iyunun 9-u Bakıya gəldi. Ümumilli Lider çox qısa zamanda Azərbaycanda vətəndaş müharibəsinin qarşısını ala bildi. Respublikamızı Şərqdə ilk demokratik cümhuriyyət olan Azərbaycan Xalq Cümhuriyyətinin varisi elan edən ümummilli lider Heydər Əliyev müstəqilliyi qorumağı onu əldə etməkdən qat-qat çətindir məntiqi ilə nəhəng dövlət quruculuğu işlərinə başladı. Ümumilli Lider Azərbaycanın müstəqilliyini əbədi və dönməz etdi.Sonda qeyd etmək istəyirəm ki, Azadlıq, Müstəqillik həm ayrıca bir vətəndaş üçün həmdə bütöv xalqlar, Millətlər üçün ən müqəddəs və ən şirin nemətdir. Biz azadlığımızın, müstəqilliyimizin yaranmasını illərlə gözləmişik və bunun üçün mübarizələr aparıb, minlərlə şəhid vermişik. Azadlığı, müstəqilliyi əldə etmək nə qədər çətindirsə, onu qoruyub, saxlamaq da bir o qədər mürəkkəb və ağır məsələdir. Qüdrətli və möhkəm dövlət olmadan Azadlıq və Müstəqillik də yoxdur. Biz gənclər ölkəmizin indiki kimi qüdrətli və möhkəm dövlət olaraq qalması üçün əlimizdən gələni etməliyik ki, azadlıq və müstəqilliyimiz daimi olsunİmza ; Asəf Cabbarlı Nərimanov rayonunun fəal gənci və ETM Təfəkkür Universitetinin Tələbə Gənclər Təşkilatının sədri


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler