Musavat.az
Musavat.az




Müsavat » Xeberler» Xeber

Müemmalı sebeblerden sehneden küsen Azerbaycan aktyorları- MARAQLI

04 Kasım 2016

2:24 pm


04/11/2016 [18:20]: xeber –
Xalq artisti Fuad Poladovun bir neçə gün  öncə Akademik Milli Dram Teatrından getməsi mətbuatın əsas mövzusuna çevrildi. Təbii ki, bir teatrdan inciyərək getmək Fuad Poladovun   səhnəni tərk etməsi anlamına gəlməməlidir. Amma Azərbaycanda elə sənət adamları olub ki, onlar çalışdıqları teatrdan incik düşdükləri üçün ömürlərini həsr etdikləri səhnə həyatlarına  da tamamilə “yox” deyiblər.sayt həmin sənət xadimlərindən yalnız bir neçəsi haqqında danışacaq:Məlik DadaşovSənətsevərlərin yaddaşında daha çox kinoda canlandırdığı rollarla qalsa da, Məlik Dadaşov Azərbaycan teatrı üçün də çox işlər görmüşdü. Kinoda Qəmlo (“Axırıncı aşırım”), Şeyx Nəsrulla (“O dünyadan salam”), Molla Sadıq  (”Dəli Kür”), Armen Xaçaturyan (“Fəryad”) kimi obrazlar yaradan məlik Dadaşov ömrünün son illərində teatra daha çox bağlanmışdı. Bir neçə teatrda həm əsas rollarda aktyor kimi çıxış edir, həm də rehissor kimi bir çox tamaşaları səhnələşdirirdi. Lakin istedadlı aktyorun rejissor kimi fəaliyyətinə mane olanlar tapılır. Teatrdan möhkəm inciyən Məlik Dadaşovun səhhəti də sonralar pisləşir. Mərhum aktyorun qızı bir zamanlar mətbuata verdiyi müsahibəsində atasının teatrdan incikliyini bu cür əsaslandırır:  “Onun hazırladığı və rol aldığı tamaşaları çox vaxt dondururdular. Atam bir çox əsərlərə əl atırdı ki, onu səhnələşdirsin, amma imkan vermirdilər. Buna görə inciyib neçə dəfə teatrdan çıxmışdı. O dərəcədə incik idi ki, ölümündən az əvvəl dili tutulmuşdu, danışa bilmirdi, travma almışdı, əli ilə işarə etdi ki, kağız verin”. Səyavuş AslanBöyük aktyor, mərhum Xalq artisti Səyavuş Aslan nə qədər şən və zarafatcıl insan təsiri bağışlayırdısa da, bir o qədər ciddi və qətiyyətli idi. Şəxsi həyatda özünə olan haqsızlığı bəlkə də bağışlaya bilərdi, amma sənət müstəvisində bu sadəcə, mümkün deyildi. Elə bu səbəbdən də S. Aslan ölkənin iki aparıcı teatrından incik düşdü. Hər ikisinin də səbəbi vaxtilə onunla dost olmuş, sonradan teatr rəhbərliyi səviyyəsinə qalxan şəxslərə görə idi. Hazırda onların hər ikisi Haqq dünyasında olduğu üçün burada adlarını çəkməyi uyğun bilmirik. Akademik Milli Dram Teatrının keçmiş rəhbərlərindən biri Səyavuş Aslanın səhnədəki fəaliyyətini məhdudlaşdırdığı üçün aralarında narazılıq yaranır. Sonda hər iki aktyor ( rəhbər olan şəxs də aktyor idi) münasibətləri normallaşdırmaq üçün bir araya gəlir, görüşürlər. Amma təəssüf ki, münasibət yaxşılaşmaq əvəzinə, daha da korlanır. Bununla da, mərhum aktyor teatrdan tamamilə incik düşür.Məcnun HacıbəyovMəcnun Hacıbəyov uzun müddətdir ki, nəinki teatrdan, hətta bütünlükdə sənətdən, paytaxtdan inciyərək, Qubadakı ata evində tək-tənha yaşayır. Düz, 20 ildən artıqdır ki, qocaman aktyor səhnədən uzaqdadır. Bunun da əsas səbəbi Hacıbəyovun teatrdan incik salınması oldu. Bir zamanlar onun gənc  aktyor yoldaşı olan direktor teatra gələndən sonra müəyyən səbəblərdən Məcnun Hacıbəyovu teatrdan uzaqlaşdırır. Şəfiqə MəmmədovaAzərbaycan Respublikası Kinematoqraflar ittifaqının ilk və hazırki sədri olan Xalq artisti Şəfiqə Məmmədova da uzun müddət teatr və  kinodan uzaq qaldı. Tofiq Kazımov, Rasim Ocaqov və ən əsası həyat yoldaşı Mehdi Məmmədovun ölümündən sonra aktrisa heç bir rejissorla işləmədi. 15 ildən çox kino və teatrdan kənarda qaldı. Səfura İbrahimova“Bizim Cəbiş müəllim”, “alma almaya bənzər”, “Qaynana” və başqa filmlərdə maraqlı rolları canlandıran Xalq artisti Səfura İbrahimovanın incikliyi o dərəcədə dərindir ki, onun səbəblərini bütünlüklə heç ən yaxın adamları da bilmir. Bəzilərinin sözlərinə görə, aktrisa ona fəxri adın gec, gənc nəsil nümayəndələri ilə eyni vaxtda verilməsindən çox inciyib. Amma onun kimi sənət fədasinin yalnız bu fakta görə bütün sənətdən inciməsi inandırıcı deyil. Aktrisa uzun müddətdir ki,  evində tək-tənha yaşayır. Uzun müddət heç kimin üzünə qapı açmadı. Hətta tək yaşadığı evində televizora belə baxmırdı. Yaxın qohumlarından da müəyyən səbəblərə görə incimişdi. Şəxsi məsələ olduğundan o faktları yazmırıq. Amma qocaman aktrisanın qapısı uzun müddət sənət yoldaşları ilə yanaşı qohumlarının da üzünə bağlı oldu.Elmin Nuri


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler