Musavat.az
Musavat.az




Müsavat » Xeberler» Xeber

Müdafie Nazirliyi keçmiş zabitin iddialarını esassız sayır

09 Eylül 2016

1:08 pm


09/09/2016 [17:04]: xeber –

sayt-da
“Ordudan zorla tərxis edilən zabitdən Zakir Həsənova ilginc ŞİKAYƏT” başlıqlı
yazıda Bakı şəhəri Nəsimi rayonu Azər Əliyev küçəsi ev 9, mənzil 70 – də
yaşayan Əkbərov Elnur Fayəddin oğlu Müdafiə Naziri Zakir Həsənova müraciəti işıqlandırılmışdı.
(Yazını bu linkdən http://www.moderator.az/news/150791.html
oxuya bilərsiniz).

Bu
gün Müdafiə Nazirliyindən həmin müraciətə cavab məktubu göndərilib. Müdafiə Nazirliyinin cavab məktubunu olduğu kimi təqdim edirik.

“sayt
saytının rəhbərliyinə!

8
sentyabr 2016-cı il tarixində moderator.az saytında “Ordudan zorla tərxis edilən
zabitdən Zakir Həsənova ilginc ŞİKAYƏT” adlı yazı ilə bağlı araşdırma aparılıb.

Diqqətinizə
çatdırırıq ki, moderator.az saytı artıq neçənci dəfədir Silahlı Qüvvələrlə
bağlı yazı dərc edərkən heç bir araşdırma aparmadan, faktları dəqiqləşdirmədən
bəzən yanlış məlumatları ictimailəşdirir.

Bu
kimi yazılarda göstərilən “faktların” təhrif olunmuş formada dərc edilməsi
Silahlı Qüvvələrimizin imicinə xələl gətirməklə yanaşı, düşmən tərəfindən də
ölkəmizə qarşı istifadə edilməsinə şərait yaradır. Həmin məqalələrə “ilginc”,
“şok” və bu kimi digər cəlbedici adların verilməsi, eləcə də bəzən aidiyyəti
olmayan fotoların da əlavə olunması oxucu kütləsinin yanlış məlumatlandırılmasına
səbəb olur.

Müdafiə
Nazirliyi kütləvi informasiya vasitələri ilə qarşılıqlı əməkdaşlıq etdiyini bir
daha diqqətinizə çatdırır və bildirir ki, Silahlı Qüvvələrlə bağlı gələcəkdə
istənilən məlumatın moderator.az saytında yayımlanmasından əvvəl nazirliklə dəqiqləşdirilməsi
məqsədəuyğundur.

“Ordudan
zorla tərxis edilən zabitdən Zakir Həsənova ilginc ŞİKAYƏT” adlı yazı ilə əlaqədar
bildiririk ki, Əkbərov Elnur Fayəddin oğlu 2004-cü ildə Silahlı Qüvvələrin Təlim
və Tədris Mərkəzində təşkil edilən kursu “intizamsızlığa görə”
bitirdiyindən ona sertifikat verilmədən məzun olub.

9
iyun 2011-ci il tarixdə Füzuli rayon Məhkəməsinin qərarı ilə o, cinayət məcəlləsinin
331.3 maddəsi (Hərbi xidmət üzrə vəzifələrin yerinə yetirilməsi zamanı və ya
belə vəzifələrin yerinə yetirilməsi ilə əlaqədar rəisin öz tabeliyində olan şəxsi
döyməsi və ya ona işgəncə verməsi) ilə 3 il müddətinə azadlıqdan məhrum edilib.
Sonra məhkəmənin qərarına əsasən E.Əkbərova Cinayət Məcəlləsinin 70-ci  maddəsi (Şərti məhkum etmə) tətbiq edilməklə
ona 1 il sınaq müddəti müəyyən olunub.

30
mart 2013-cü il tarixdə isə o, “Hərbi xidmətkeçmə haqqında” Əsasnamənin
156-cı maddəsinin “e” bəndinə əsasən “xidməti uyğunsuzluğa görə”
Silahlı Qüvvələr sıralarından tərxis olunub.

Qərara
əsasən Silahlı Qüvvələrdən “xidməti uyğunsuzluğa görə” tərxis olunan
hərbi qulluqçuların təkrar Ordu sıralarına hərbi xidmətə qəbul olunması məqsədəmüvafiq
hesab edilmir.

Müdafiə
Nazirliyi”


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler