Musavat.az
Musavat.az




Müsavat » Xeberler» Xeber

MTN yetkilisi: “Burada Allahın hökmü işlemir!”

11 Kasım 2016

8:48 am


11/11/2016 [12:46]: xeber –
Sabiq MTN generalı
A.Çovdarovla bağlı Abşeron rayon sakini Sərvər Hümbətovun şikayətindən bəhs
etmişdik. (II hissə burada: http://www.moderator.az/news/158015.html
).

S.Hümbətov saytımıza
açıqlamasında MTN-də başına gətirilənlərlə bağlı yeni məqamlara toxunub.

 

Yoxsulluqdan səfalətə doğru…

 

Şikayətçinin sözlərinə
görə, A.Çovdarovun ondan tələb etdiyi 150 min dollar məbləğindəki pulu ödəmək
üçün ev və torpaq sahəsini satmalı olub: “Mən tələb edilən pulu vaxtında ödəmək
üçün evimi, habelə mənə məxsus torpaq sahəsini dəyər-dəyməzinə satmalı oldum.
Çünki bilirdim ki, mənə qoyulan vaxt bitənə qədər tələb olunan pulu düzəldib
verə bilməsəm, məni uydurma ittihamla şərləyib həbs edəcəklər. Lakin Çovdarovun
tələb etdiyi pul mənim üçün kifayət qədər çox idi. Odur ki, mən bu pulu düzəltmək
üçün bütün yaxın qohum və dostlarıma müraciət etməli oldum. Məhz onların dəstəyi
sayəsində tələb edilən pulu vaxtında düzəldib verə bildim. Və bundan sonra qismən
rahatlaşdım. Lakin həmin hadisənin üstündən illər ötsə də bu gün də borcularımı
qaytara bilmirəm. A.Çovdarovun başıma gətirdikləri mənim normal yaşamımı məhv
etdi və məni səfalətə sürüklədi”.

 

Klinika rəhbəri Allahı şahid gətirir…

 

S.Hümbətovun sözlərinə
görə, həbs eidlən gün MTN-ə onunla yanaşı Sumqayıtdakı klinikanın da rəhbərini
gətirilib:

“Həmin gün məni gözləmə
otaqlarının birinə gətirdilər. Burada klinika rəhbərini gördüm. O və daha bir nəfər
gözləmə otağında oturub öz aralarında başqalarının da eçidə biləcəyi bir səslə
şikayətlənirdi. Klinika rəhbəri and içib bildirirdi ki, onların heç bir
qanunsuz işi yoxdur və hər bir addımı qanun çərçivəsində atıblar. O, Allahı
şahid gətirir, MTN-dəkiləri Allahdan qorxmağa çağırırdı. Klinika rəhbərinin səsindən
onun son dərəcə narahat olduğu və qorxduğu hiss olunurdu.

Bir neçə dəqiqədən sonra
məni gözləmə otağıdnan çıxartdılar və başqa bir otağa apardılar”.

 

MTNsayağı nəsihət: “Kiminsə üzünə dayanmaq zənn
etdiyi qədər də çətin deyil”

 

Şikayətçinin bildirdiyinə
görə, gözləmə otağından çıxarıldıqdan sonra MTN əməkdaşı onu klinika rəhbərinin
üzünə durmağa təhrik edib və onu qorxmamağa, utanmamağa çağırıb:

“MTN əməkaşı mənə
bildirdi ki, görürsən, o da sənin kimi adi adamdır. Burada qorxmalı, çəkinçəli
heç nə yoxdur. Kiminsə üzünə dayanmaq zənn etdiyin qədər də çətin bir iş deyil.
Sadəcə, onun yanında deyəsən ki, klinikadan şikayətçisən, ananın böyrəyini
çıxarıb satıblar. Bundan sonrası bizim işimizdir. Qalanı üçün narahat olmaya
bilərsən.

Daha sonra o, klinika rəhbərinin
Allahı şahid gətirməsindən söz saldı və bildirdi ki, onun dediklərinə əhəmiyyət
vermə. Bura elə bir yerdir ki, burada Allahın belə hökmü işləmir. Səni biz
tutmuşuq və yalnız biz qurtara bilərik”.

 

“Hər kəs cəsarət və mərdliyinin bədəlini ödəməlidir”

 

MTN əməkdaşının təklifini
rədd edəndən sonra ona olan münasibətin daha da aqressivləşdiyini bildirən
S.Hümbətov, sağ qaldığı üçün ona 150 min dollar vəsait toplamaqda kömək edən
yaxınlarına borclu olduğunu bildirdi:

“Mən növbəti dəfə onların
təklifini rədd edəndən sonra məni açıq şəkildə hədələməyə başladılar. MTN əməkdaşı
dedi ki, özünü mərd və cəsarətli hesab edirsən. Amma bilməlisən ki, bu dünyda hər
kəs öz cəsarət və mərdliyinin bədəlini ödəməlidir. Sən də ödəyəsən və tezliklə
başa düşəsən ki, verdiyin qərarlar sənə fəlakətdən başqa heç nə
qazandırmayacaq.

Mənim döyülməyim məhz
bundan sonra baş verdi və bu proses 150 min dolalrlıq razılaşmaya qədər davam
etdi. Bu gün mən sağ qaldığım üçün öncə Allaha, ikincisi həmin pulu toplamaqda
mənə yardımçı olan şəxslərə borcluyam.

Hüquq-mühafizə və məhkəmə
orqanlarından isə tək bircə xahişim var: Bu cinayəti cəzasız qoymayın. Çünki
orda üzləşdiklərim tam bir dəhşət idi və istəyirəm ki, bunu mənə yaşadanlar
qanun qarşısında cavab versinlər”.

 


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler