Musavat.az
Musavat.az




Müsavat » Xeberler» Xeber

MTN olayları ve istintaqdan gizledilen milyardların izi ile – ARAŞDIRMA

05 Eylül 2016

8:56 pm


06/09/2016 [00:51]: xeber –
Baş Prokurorluq ləğv olunmuş və adı müstəqillik tariximizə qara ləkə kimi düşmüş Milli Təhlükəsizlik Nazirliyinin başda general Akif Çovdarov olmaqla bir qrup vəzifəli şəxsi tərəfindən sahibklarlara, sadə vətəndaşlara vurulan dəhşətli maddi, mənəvi və psixioloji zərbə barədə növbəti rəsmi məlumat yaydı. Bildirilşdi ki,  Milli Təhlükəsizlik Nazirliyinin sabiq baş idarə rəisi Akif Çovdarov, həmin baş idarənin 1-ci idarəsinin sabiq rəisi Səlim Məmmədov, 2-ci idarənin sabiq rəisi Akif Əliyev və 3-cü idarənin 1-ci şöbəsinin sabiq rəis müavini Orxan Osmanov 2005-2015-ci illər ərzində mütəşəkkil dəstə tərkibində xidməti vəzifələrinin icrası ilə əlaqədar hakimiyyətdən və öz qulluq mövqelərindən sui-istifadə edərək, hakimiyyət həddini və qulluq səlahiyyətlərini aşmaqla çoxsaylı tükürpədici cinayətlər törədiblər. Baş Prokurorluğun açıqlamasındakı diqqətçəkən əsas məqamsa adıçəkilən şəxslərin ümumilikdə cəmisi 33 milyon manatlıq əmlakına həbs qoyulmasıdır:“Zərər çəkmiş şəxslərə vurulmuş ziyanın ödənilməsinin təmin olunması üçün məhkəmə qərarları əsasında təqsirləndirilən şəxslər Akif Çovdarov, Səlim Məmmədrov, Akif Əliyev və Orxan Osmanova məxsus ümumilikdə 33 milyon 466 min manat dəyərində əmlak və pul vəsaitlərinin, o cümlədən 8 milyon 967 min manat dəyərində ticarət və xidmət sahələri, istilikxanalar, balıqçılıq təsərrüfatları və sair əmlak kompleksi, torpaq sahələri, 24 milyon 445 min manat dəyərində fərdi yaşayış evləri, mənzillər, nəqliyyat vasitələri və 37 min manat dəyərində zərgərlik məmulatlarının üzərinə həbslər qoyulub”.Halbuki onların hər birinin daşınar və daşınmaz əmlaklarının bundan on dəfələrlə çox olduğunu nə and içməyə, nə də kiməsə sübut etməyə gərək yoxdu. Elə təkcə Akif Çovdarovun sərvətinin yüz milyonlarla ölçüldüyünü bu ölkədə kim bilmir ki. Amma təbii ki, orası da heç kimə sirr olmamalıdır ki, söhbət sadəcə rəsmiləşdirilən və üzərinə həbs qoyulan əmlaklardan, nağd pul vəsaitindən və qızıl-zinət əşyalarından gedir. Rəsmiləşdirilməyən və bir əldən başqa ələ keçirilən əmlakların qiyməti isə müqayisəyəgəlməyəcək qədərdir. Eyni zamanda onu da nəzərə almaq lazımdır ki, Baş Prokurorluğun da iddia etdiyi kimi söhbət dövlətin bütün resurslarından sui-istifadə edərək düz 10 il ərzində törədilən cinayətlərdən gedirsə, deməli, bu adamlar və onların ailə üzvləri, yaxın qohum-əqrəbaları yaman gün tədarükü də görüblər və vaxtında ələ keçirdikləri varidatın böyük hissəsini müxtəlif adlar altında ölkə sərhədlərindən kənarda yerləşdirməyə macal tapıblar. Bir xatırlatma – hələ bir müddət öncə bildirlirdi ki, keçmiş nazir Eldar Mahmudovun oğlu rəsmən göz altına alınmasa da qeyri-rəsmi girov statusundadır və məhz istintaq onun iştirakı ilə müxtəlif vaxtlarda çeşidli ölkələrdə yerləşdirilən milyardlarla vəsaitin geri qaytarılması işi ilə məşğuldur, bu proses çox bezdirici və obrazlı ifadə edilsə, uzundərə prosedurlardan ibarət olduğundan ötən yarım il ərzində həmin sərvətin çox cüzi hissəsini geri qaytarmaq rəsmi qurumlara müyəssər olub. Amma Eldar Mahmudovun və onun həbsdəki qudası Cahangir Hacıyevin ölkə xaricindəki vəsaitlərini bir kənara qoysaq elə Azərbaycanın özündə də daşınar-daşınmaz, onun-bunun adına sənədləşdirlən əmlaklarının həcminin milyard dolları keçdiyini iddia etsək də əslində yenidən Amerika kəşf etmiş olmarıq. Yeri gəlmişkən, MTN olaylarının sunamivari təsiri nəticəsində dəmir barmaqlıqlar arxasına düşən Rabitə və Yüksək Texnologiyalar Nazirliyinin Aparat Rəhbəri Vidadi Zeynalovun da bir müddət öncə əmlakının bir hissəsinin müsadirə edildiyi barədə mətbuatda xəbər yayılması cəmiyyətdə birmənalı qarşılanmamışdı. Çünki onun hələ Maliyyə Nazirliyinin Bakı Şəhəri üzrə Maliyyə İdarəsinin rəisi kimi “strateji” vəzifədə ikən kifayət qədər sərvətə sahib olduğu kimsəyə sirr deyildi və üstəlik nazirlikdəki aparat rəhbəri kimi uzun illər ərzində intəhasız sərvət toplamağa nail olmuşdu, amma istintaq həmin sərvətin yalnız cüzi bir hissəsinə əl qoya bildi.Bəs yerdə qalan sərvətlər?Məsələnin maraqlı və istintaqı dalana dirəyən tərəfi də elə bu incə məqamdan ibarətdir. Yəni bu gün təqsirləndirilən şəxslər statusunda olan bu “balaca padşahlar” dar gün tədarükü gördüklərindən sahib olduqları varidatı nəinki ailə üzvlərinin və ya yaxın qohumların, hətta tamamilə başqa şəxslərin, hətta bu gün yüksək postda əyləşənlərin yaxın ətrafındakı gözəgörünməz şəxslərin adına rəsmiləşdirməyə müvəffəq olublar. Ona görə də istintaq kələfin ucunu axtararkən hər dəfə gedib elə şəxslərə çıxır ki, onlar bu gün toxunulmaz persona statuslarını qoruyub saxlayıblar və aydan arı, sudan duru obrazlarında kübar həyatlarını davam etdirirlər. Təbii ki, istintaqa bir ox şeylər bəlli olsa da indiki mərhələdə bir qədər ehtiyyatlı davranaraq həmin toxunulazları məşhər ayağına çəkməyə tələsimirlər. Amma gözləmək olar ki, refernedumdan sonra mərkəzi hakimiyyət yenidən şəkilləndirildikdən sonra növbəti həbs dalğasına şahidlik edəcəyik. Eyni zamanda həmin mütəşəkkil cinayətkar şəbəkə ilə bu və ya digər formada bağlantısı olan bir çox icra başçıları, nazir və nazir müavinlərinin də istintaqda çarmıxa çəkiləcəyinin sədasını eşidəcəyik. sayt bəzi araşdırmalardan sonra yuxarıda haqqında bəhs etdiyimiz Vidadi zeynalovun sərvətinin kimlər tərəfindən və hansı yolla istintaqın gözündən yayındırıldığının izinə düşə bilib. Bəlli olub ki, belə bir fədakarlığa rayonların birinin icra hakimiyyətinin başçısı qol qoyub. Amma bu fədakarlığın ona baha başa gələcəyini indidən proqnozlaşdırmaq mümkündür və referendumdan sonra bu fədakarlığıəna görə istintaqa cəlb ediləcəyini gözləmək olar…Həmin icra başçısının nəyin hesabına karyerasını və şəxsən özünü belə risk altına qoyması barədə növbəti yazımızda…Bizi izləyin…


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler