Musavat.az
Musavat.az




Müsavat » Xeberler» Xeber

Misir padşahı İbrahim Peyğemberin arvadına tecavüz etmek istedi – TARİX

13 Eylül 2016

1:56 pm


13/09/2016 [17:55]: xeber –
“Həqiqətən, İbrahim həlim xasiyyətli, həmişə dua edərək yalvarıb-yaxaran və özünü tamamilə Allaha təslim etmiş bir zat idi”. “Quran”, 11:75 Kənanda quraqlıq səbəbindən aclıq başladığından  İbrahim Peyğəmbər (cəmi peyğəmbərlərə Salam olsun!) həyat yoldaşı Sara ilə birlikdə Misirə köçdü. Çünkü, burada Nil çayı axdığından yaşamaq və təsərrüfatla məşğul olmaq daha münasib idi. İbrahim əleyhissəlam Misirə daxil olanda padşah Sənan bin Əlvan onun xanımı Saranı saraya gətizdirdi və təcavüz məqsədi ilə ona əlini uzatdı. Bu vaxt padşahın əli havada qurudu. Sənan qorxuya düşərək Saranın qarşısında diz çöküb, üzr dilədi və ondan dua etməsini xahiş etdi ki, qolu açılsın. Sara onu bağışlayaraq, dua etdikdə padşahın qolu açıldı. Sənan bunun mükafatı olaraq Saraya bir kəniz bağışladı ki, adı Hacər idi. İbrahim və Sara yaşa dolsalar da övladları olmurdu. Odur ki, Sara İbrahimə öz kənizi Hacərlə nigaha girib dünyaya övlad gətirməyə icazə verdi. Beləliklə, İsmail  dünyaya gəldi.Lakin, bütün qadınlarda olduğu kimi Sarada da qısqanclıq hissi güc gəlməyə başladı və ərindən xahiş etdi ki, Hacərlə İsmaili aparıb elə yerdə məskunlaşdırsın ki, ona görünməsinlər. Hər şeydən xəbərdar olan Allah-təala İbrahimə vəhy etdi ki, Hacəri və İsmaili aparıb Məkkə səhrasında sakin etsin, Özü onları qoruyub ruzilərini  verəcək. İbrahim Peyğəmbər ona vəhy olunanı elədi – həyat yoldaşını və körpə oğlunu Məkkə səhrasına qoyaraq, belə dua etdi: “Ya Rəbbim! Sənin əmrinlə əhli-əyalımı bu susuz və otsuz səhrada qoyub gedirəm. Onları sənə əmanət edirəm. Onlara həyan olacaq və ruzi verəcək insanları onlara doğru tələsdir”…  Beləliklə, Allah-təala müqəddəs Zəm-zəm suyunun yaranmasının və Həcc mərasiminin (Qurban bayramının) meydana gəlməsinin əsasını qoydu (bütün bunlar və bundan sonra olacaqlar… Allahın yazısı idi)…. İbrahim Misirdə yaşasa da, vaxtaşırı Məkkəyə gələrək arvadı və oğlundan əhval tuturdu. Növbəti səfərində Allah Öz Peyğəmbərini sınamaq istədi və ona öz sevimli oğlu İsmaili Allah yolunda qurban kəsməsini vəhy etdi. Hansı ki, İbrahimin həyatda İsmaildən çox sevdiyi heç nə yox idi. Qəlbləri bilən Allah imtahan etmək istəyirdi ki, görsün İbrahim dünya sevgisi ilə Allah sevgisi (əmri) arasında seçim etmək məcburiyyətində qalanda hansına üstünlük verəcək? (Əslində bunu Allah Özü bilirdi, sadəcə, insanlara görk etmək üçün üzə çıxarmaq istəyirdi.)İbrahim Peyğəmbər Allahın əmrini dünya (övlad) sevgisindən üstün tutaraq övladını qurban kəsməyə  qərar verdi. Bunu həyat yoldaşına və oğlu İsmailə də bildirdi. Onlar da Allaha bağlı, Onun bütün əmrlərinə tabe olan qul olduqlarından dedilər bir halda ki, Allah bunu vəhy edib, biz bu əmrə tabeyik…Beləliklə, İbrahim əleyhissəlam oğlunu çimdirib, əl-ayağına xına qoyandan sonra Mina dağına üz tutdular. İsmail atasına dedi ki, əl-ayağımı bağla, boğazımı kəsərkən sənə mane olmayım. İbrahim oğlunun əl-qolunu bağlayıb, bıçağı əlinə götürmüşdü ki, Allahın əmri ilə Həzrət Cəbrail nazil oldu. O, Cənnətdən gətirdiyi qoçu Peyğəmbərə verərək, Allahın imtahanından uğurlu çıxdığına görə onu təbrik etdi və gətirdiyi qoçu qurban kəsməyin Allahın əmri olduğunu bildirdi…Daha sonra Allah İbrahim Peyğəmbərə Saradan da iki övlad (İshaqı və Yaqubu) bəxş etdi. Bu barədə “Quran”da belə buyrulur:“… Həm də onlara İbrahimin qonaqlarından (yanına qonaq gələn mələklərdən) xəbər ver!”  “O zaman ki, onlar onun hüzuruna daxil olub: “Salam!” – dedilər. İbrahim də qonaqların yeməyə əl uzatmadıqlarını görüb:  “Biz, həqiqətən, sizdən qorxuruq!” – dedi”.“Onlar: “Qorxma, biz səni çox bilikli bir oğulla (oğlun olacağı ilə) müjdələyirik!” – deyə cavab verdilər”. “İbrahim:  “Qocalıq məni basdığı vaxtdamı mənə müjdə verirsiniz? Məni nə ilə muştuluqlayırsınız?” – deyə soruşdu”“Mələklər:  “Biz sənə doğru xəbərlə müjdə veririk. Allah dərgahından ümidini üzənlərdən olma!” – dedilər”.“İbrahim dedi: “Haqq yoldan azanlardan başqa, Rəbbinin mərhəmətindən kim ümidini üzə bilər?!” “Quran”, 15:51-56“İbrahimin arvadı Sara pərdə arxasında durmuşdu.  O, bu sözləri eşidib qoca yaşında oğlu olacağına təəccüblənərək güldü. Bundan sonra Biz onu İshaqla, İshaqın da ardınca Yaqubla  müjdələdik”. “Quran”, 11:71 “İshaq” sözünün ərəbcədən tərcüməsi “gülüş” deməkdir. Sara bu xəbəri eşidəndə güldüyü üçün Allah tərəfindən onun oğluna İshaq adı verildi və hər iki oğluna (İshaqa və Yaquba) Peyğəmbərlik bəxş olundu.Paşa Yaqub – tədqiqatçı-yazıçıYazarın arxivi: http://www.moderator.az/search?q=pa%C5%9Fa+yaqub


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler