Musavat.az
Musavat.az




Müsavat » Xeberler» Xeber

“Milli Şuranın bizim aksiyanı destekleyecekleri hele açıq qalır…”

09 Eylül 2016

5:00 pm


09/09/2016 [20:57]: xeber –
Müxalifət 26 sentyabrda keçiriləcək referendumla razılaşmadığını keçirəcəyi etiraz aksiyaları ilə ortaya qoymaq niyyətindədir. Artıq Milli Şura iki gündən sonra mitinq keçirərək bu ümumxalq səsverməsinə qarşı olduqlarını əsaslandırmağa çalışacaq. Müsavat da Milli Şuranın ardından etiraz aksiyalarına start verməyi planlaşdırır.sayt-ın əməkdaşı mövzu ilə bağlı Müsavat Partiyasının sədr müavini Yadigar Sadıqovla həmsöhbət olub:- Müsavat Partiyası referendumun keçirilməsinə qarşı olduğunu bəyan edib, Sizi daha çox qane etməyən nədir?  – Mənsub olduğum Müsavat Partiyası təklif olunan dəyişikliklərə münasibətini bildirib. Partiyanın başqanı Arif Hacılının da bununla bağlı Konstitusiya Məhkəməsinə müraciəti olub. Təbii ki, mən bu mövqeni bölüşürəm. Hesab edirəm ki, dəyişikliklər anti-demokratik mahiyyət kəsb edir, superprezident hakimiyyətinin yaradılmasını nəzərdə tutur. Halbuki dəyişikliklər tamamilə əks istiqamətdə – hakimiyyətin əks mərkəzləşdirilməsi, Milli Məclisin və yerli özünüidarə orqanlarının səlahiyyətlərinin artırılması, hüquq və azadlıqların genişləndirilməsi istiqamətində olmalı idi.- Müsavat Partiyasının bu yöndə apardığı təbliğat referendumun nəticələrinə təsir göstərə bilərmi? – Müsavat Partiyası referendumu boykot etməyə çağırır. Yəqin ki, səsvermədə iştirak tələb olunan 25%-dən aşağı olacaq. Bu zaman da ənənəvi metoda – saxtakarlığa əl atılacaq. Təəssüf ki, cəmiyyətin fəallığı bu saxtakarlığa müqavimət barədə nikbin olmağa əsas vermir. Lakin biz üzərimizə düşəni etməyə çalışacağıq. – Referndum qabağı aksiyalar keçiriləcəyini bəyan etmisiniz. – Müsavat Partiyası sentyabrın 18-də və 24-də aksiya keçirməyi planlaşdırır. Artıq ilk aksiya ilə bağlı Bakı şəhər icra hakimiyyətinə müraciət olunub.- Müsavat Pasrtiyası referendum qabağı AXCP, REAL və NİDA ilə əməkdaşlıq edəcəkmi?- AXCP-nin əsas qüvvə olduğu Milli Şuranın sentyabrın 11-ə təyin etdiyi mitinqə dəstəyimizi bildirmişik. Onların bizim aksiyanı dəstəkləyəcəkləri hələ açıq qalır. Yəqin ki, öz tədbirlərindən sonra münasibət bildirərlər. D-18 hərəkatı dəstəkləyir. NİDA qərarını bu gün açıqlayacaq, çox güman ki, müsbət olacaq. REAL isə anlaşılan referendumla əlaqədar fəaliyyətini dayandırıb və heç bir tədbirdə iştirak etmək istəmir. Müsavat Partiyası səsvermə günü də məntəqələrin müəyyən faizində müşahidə aparmaq niyyətindədir. Digər təşkilatlarla bu yöndə də işbirliyi yaxşı olardı. Ümumiyyətlə, referendumla bağlı müxalifətdaxili əməkdaşlıq sahəsində Müsavat Partiyası tərəfindən heç bir problem yoxdur.Elşən Yəhyayev


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler