Musavat.az
Musavat.az




Müsavat » Xeberler» Xeber

Millet vekili deputatları ermenilerin mehkemeye verdiyi İlhan Aşkına destek olmağa çağırdı

30 Eylül 2016

11:12 am


30/09/2016 [15:11]: xeber –
Millət vəkili Qənirə Paşayeva Hollandiyada ermənilərin məhkəməyə verdiyi İlhan Aşkınla bağlı məsələni Milli Məclisdə qaldırdı və ona dəstək olmağa çağırdı. Milli Məclisin bu gün keçirilən iclasında Azərbaycanın Hollandiyada diaspor rəhbəri İlhan Aşkına qarşı ermənilərin şikayəti əsasında qaldırılmış cinayət işi məsələsi müzakirə olunub. Millət vəkili Qənirə Paşayeva bildirib ki, iki il əvvəl mitinqdə qondarma erməni soyqırımı və tarixdə olmayan belə bir soyqırıma görə 2014-cü ildə Hollandiyada bir neçə abidə qoyulmasına etiraz bildirib, mitinqdə çıxışında Xocalı soyqırımından, Azərbaycanın işğal olunmuş torpaqlarından danışan İlhan Aşkın ermənilərin müraciəti ilə polis nəzarətində prokurorluğa çağırılıb. Söz, ifadə azadlığından dərs keçmək iddiasında olan Avropa ölkələrində, Hollandiyada bu cür hadisə, mitinqdə etdiyi çıxışına görə, ədaləti, gerçəkləri söylədiyinə görə İlhan Aşkının qarşı bu addımlar ədalətsiz yanaşmadır və buna etiraz edirik. “İlhan bəy bildirib ki, o, dünyanın hər yerindəki Azərbaycanlılardan, Türklərdən mənəvi dəstək gözləyir. Düşünürəm ki, yüksək hazırlıqlı vəkillərlə onun hüquqları müdafiə olunmalıdır və bu prosesdə ona ciddi dəstək olmalıyıq. Çünki Xocalı Soyqırımı, işğal altında olan Azərbaycan torpaqlarını daim yaşadığı ölkələrdə gündəmə çıxaran diaspor fəallarına qarşı ermənilərin bu cür məkrli addımlarla onları susdurmaq cəhdlərinə imkan verilməməlidir. İlhan bəyə qarşı ermənilərin bu addımları Hollandiya Xocalı soyqırımına abidə qoyulması məsələsi başlayandan başlamışdı və ermənilər və onların havadarları bu cür yollarla onu susdurmaq istəyir”. Deputat qeyd edib ki, bütün dünyadakı azərbaycanlılar, hüquqşünaslar, vəkillər bu məsələdə diaspor liderimizə dəstək verməlidir. Millət vəkili Fazil Mustafa millət vəkili Q. Paşayevanın təklifini dəstəkləyib və bildirib ki İlhan Aşkına dəstək olmalıyıq. Spiker Oqtay Əsədov isə bildirib ki, məsələ araşdırılıb, münasibət bildirilməlidir.


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler