Musavat.az
Musavat.az




Müsavat » Xeberler» Xeber

Mezardan Quran sesi geldi – ŞƏKİDƏ

13 Temmuz 2016

4:12 pm


13/07/2016 [20:10]: xeber –
Sufiliyin Ələviyyə qoluna mənsub olan Əhməd ibn Əli 1199 miladi ilində Fas şəhərində doğulub. Əsasən Seyid Bədəvi adı ilə məşhur olub (digər təxəllüsü Şıxabəddin idi). Altı yaşı olanda ailələri Məkkəyə köçdü. Az müddətdən sonra atasını itirdi. Uşaqlıqdan “Quran” hafizi idi. Bütün ömrünü elmə həsr etdi.Əhməd Bədəvi Tant şəhərində məskunlaşdı və şeyx kimi bütün Yaxın Şərqdə məhşurlaşdı. Ona mürid olmaq üçün bir çox ölkələrdən yanına adamlar gəlirdilər. Əhməd Bədəvinin mənsub olduğu Sufiliyin Ələviyyə qolunun Nəqşibəndiyyə qolundan fərqi o idi ki, bu qol İmam Hüseynə və Həzrət Əliyə bağlanmaqla, bu böyük şəxsiyyətlərin etdikləri duaları, zikr mərasimlərini yaşadırdılar. Nəqşibəndiyyə qolu isə, İmam Cəfər Sadiq, İmam Qasım, Salman Farsi və Xəlifə Əbubəkr həzrətləri vasitəsi ilə  Həzrət Peyğəmbər əfəndimizə bağlanır. Hər iki qol təsəvvüfə aid olduğundan, onlar arasında elə bir prinsipial fərq yoxdur. Sadəcə. Sufiliyin Ələviyyə qolunda zikr mərasiminə başlarkən, “Gülbəndi” ilahisindən qabaq 12 imamın adlarını çəkərək belə dua edilir: “Allah, Allah, qoy gündüzlərimiz xeyirli, gecələrimiz bərəkətli olsun; qoy pis işlər bizdən uzaq olsun; düşmənlərimiz cəzalansın; qoy 12 imam bizə kömək olsun; ərənlər onlardan ayrılmasın; qoy bizim arzularımız həyata keçsin və dualarımız qəbul olunsun; peyğəmbərlərin nuru, Əlinin köməyi, müqəddəs Məhəmməd Bəhaəddin Üveysi və digər müqəddəslərin xeyir-duası üstümüzdən əskik olmasın .”Əhməd Bədəvi miladi 1276-cı ildə Tant şəhərində vəfat etdi. Həmin şəhərdə olan qəbri və adına olan məscid müqəddəs ziyarətgahlardan sayılır. Onun “Salavat”, “Vəsiyyət”, “Əl-əkbər fi-xəlli əl-fazil”, və “Qayət əl-ixtisar” əsərləri qalıb.Əhməd Bədəvi irsinin davamçıları Dünyanın bir çox ölkələrində, o cümlədən Azərbaycanda da yaşayıb, yaratmışlar. Apardığımız tədqiqatlar nəticəsində Şəki rayonunun bir neçə kəndində müqəddəs övliyaların başdaşlarındakı XIX əsrə aid kitabələrdə Əhməd Bədəvinin adına rast gəldik. Onlardan Baş Laysk kəndində övlia Şeyx Nurullah əfəndinin, Baqqal kəndində yaşamış övliya Mahmud Axund babanın başdaşlarının kitabələrini göstərmək olar.Şeyx Nurullah əfəndinin başdaşının kitabəsindən oxuyuruq:“Bu qəbir mərhum, bağışlanmış, məhşur şeyx, ləyaqətli davamçı, ömrünü xalqın maariflənməsinə və rifahına həsr edən Mövlanə Şeyx Nurullah əfəndi bin. rəhmətlik Səyyid Siracəddin bin. Səyyid Şeyx əl-İslam bin. Səyyid əs-Sədat Səyyid Mahmud əl-Əhmədi əl-Bədəvi əl-Hüseyni əl-Ələviyi əl-Mustafavi Ramazan ayı 1317 (miladi 1900) ildə vəfat etmişdir”Əhməd Bədəvinin Baqqal kəndində yaşamış ardıcılı, qəbri həmin bölgədə müqəddəs ziyarətgahlardan sayılan Mahmud Axund babanın başdaşındakı kitabədə isə aşağıdakı cülmələr yazılmışdır:“Yer üzündə olan hər kəs fanidir. Bu, Alim, əməlisaleh, mükəmməl bir insan olan, iki müqəddəs məkanı ziyarət etmiş, Hacı Mahmud əfəndi bin. məhşur mərhum əl-Hacı Əsgər əfəndi Mövlanə Mahmud əl-Əhmədi əl-Bədəvi əl-Hüseyni əl-Ələvi əl-Mustafavi nəslindəndir.Hicri 1267-ci ilin Zilhiccə ayında (miladi 1851) dünyadan köçdü”Göründüyü kimi. Hər iki övliya Əhməd Bədəvi ardıcılı olmaqla, şəcərələri haşimilər nəslinə  bağlanır. Onların ziyarətlərində olarkən, söhbət etdiyim insanlar orada şahidi olduqları maraqlı bir neçə olmuş hadisə danışdılar. Oxucuların marağına səbəb olacağını nəzərə alıb, bu əhvalatlardan birini sizlərə təqdim edirəm. Beləliklə, müsahibim Baqqal kənd sakini Məkkə Abdurahmanova danışır:-Bizdə adətdir ki, Ramazan ayının sonuncu cümə günü insanlar qəbristanlığa gedib, öz ölülərinin qəbrlərini yad edərlər. Mən də həmin gün qəbristanlığa gəlmişdim. Yanımda iki qonşu qadın da vardı. Gec gəldiyimizdən, Quran oxutmağa molla tapmadıq, günorta olduğuna görə adamlar dağılışıb getmişdilər. Mütibillah babanın (Mahmud Axund babanın qəbinin yanında dəfn edilmiş, onun  nəvəsi olan övliya – P. Y.) qəbri tərəfdən Quran oxunması səsi gəlirdi. Qəbrin yanına gəlib, ərtafa boylanırdıq ki, görək buralarda molla haradadır.  Birdən fikir verdik ki, səs qəbirdən gəlir. Yanımdakılardan biri cavan gəlin idi, dedi mən qorxuram, qəbirdən Quran səsi gəlir. Dedim qorxma, övliya qəbridir, qoy Quran qurtarsın, sonra gedərik. Fikir verdim ki, dörd nəfərin səsidir, “Yasin”i oxuyub qurtarandan sonra “Fatifə” və “İxlas” oxudular; ardınca zikr deməyə başladılar. “La İlahə İlləllah” dedikcə, sanki ayağımızın altında yer lərzəyə gəlirdi. Üçümüz də həyəcanlanmışdıq. Yanımızda olan bizdən yaşlı Fatimə xala tapşırdı ki, “Bu möcüzəni heç yerdə danışmayın, adam hər gördüyünü danışmaz. Həm də inamsız adamlar sizə lağ edərlər ki, bunları qara basıb”. Onun tapşırığına əməl edib, bir müddət biz bu hadisə barədə danışmadıq. Sizin inanclı adam olduğunuzu görüb, ilk dəfədir ki, Sizə danışıram.Söhbəti qələmə aldı: Paşa yaqub – tədqiqatçı-yazıçı.Qeyd: Yuxarıda bəhs olunan övliyaların həyat və fəaliyyətləri haqda geniş məlumatı müəllifin “Torpağı şərəfləndirənlər” kitabından oxuya bilərsiniz.  Yazarın arxivi: http://www.moderator.az/search?q=pa%C5%9Fa+yaqub




Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler