Musavat.az
Musavat.az




Müsavat » Xeberler» Xeber

“Mene ele geldi ki, bütün Azerbaycan Aşağı Veysellidedir…”

23 Haziran 2016

3:12 pm


23/06/2016 [19:08]: xeber –
Tanınmış yazıçı
Seyran Səxavət bu günlərdə cəbhə bölgəsində olub, əsgərlərimizlə görüşüb.

Yazıçı görüşlə bağlı təsuratlarını sayt-la bölüşüb:

“Bir neçə gün
bundan qabaq Füzuli bölgəsinə getmişdim. Orada dostlarla, tanışlarla, camaatla
fərdi qaydada, bəzən bir neçə nəfərlə birlikdə görüşlərim oldu. Sonra üzümü
tutdum cəbhə bölgəsinə. Cəbhənin Haramı düzündə, Aşağı Veysəlli kəndi istiqamətində,
təmas xəttinin qaynar yerində əsgərlərimizlə görüşdüm. Heç onlar məni gözləmirdilər.
Təxminən 30 nəfərə yaxın əsgər idi, bir gülərüz komandirləri vardı. Hamısının
üzlərindən, gözlərindən kişilik yağırdı. Bilmədim bu kişilik onlarda anadan gəlmədir,
yoxsa təmas xəttində adam istər-istəməz çevrilib kişi olur. Amma mənə elə gəldi
ki, onlarda bu keyfiyyətin ikisi də var, həm qanlarında var, həm də erməniylə
üzbəsurət dayanmaları böyük rol oynayır.

Daha sonra əsgərlərin
şəraiti ilə tanış oldum. Sovet vaxtında nümunəvi hərbi hissələr var idi. Orada
ideal təmizlik, yaşamaq üçün, hərbi sirlərə yiyələnmək üçün hər cür şərait
olurdu. Burada da mən onun lap yüksək formasını gözümlə gördüm. Mən qulağımdan
çox gözümə inanam adamam. Yataq otaqları, yeməkxanaları ideal təmiz, ideal hərbi
vəziyyətdəydi. Uşaqlarla bir qədər söhbət elədim, onlara məhəbbət şeirləri
oxudum. Hamısının gözündən məhəbbət yağırdı. Mənə elə gəldi ki, o yaşda uşaqlar
üçün Vətən elə məhəbbət deməkdir və yaxud da Vətənlə məhəbbət ikisi bir yerdədir.
Əsgərlər əvvəlcə bir qədər sıxılırdılar, sonra elə etdim ki, çox sərbəst söhbət
elədik. Hamısı da subay uşaqlar idi, hətta komandirləri də subay idi. Onlarla
söhbətimiz o qədər səmimi alındı ki, telefon nömrəmi də onlara verdim. Dedim
ki, bu, mənim teelfon nömrəmdir, inşaallah toyunuz olanda, kişi deyilsiz məni
toyunuza çağırmasaz. Məndən təxminən 50 yaş balaca uşaqlar kişilik edib məni
toyuna çağırandan sonra yəqin ki, mən də özümdə kişilik tapıb sizin toyunuza gələrəm.

Sonra
onlardan xahiş elədim ki, sıraya düzülsünlər. Dedim ki, hamınızı bir-bir öpəcəm,
mən sizə yaxınlaşanda adınızı və hansı rayondan olduğunuzu deyin. Onlara
yaxınlaşıb bir-bir öpürəm, adların dedikdən sonra Qazax, Astara, Zaqatala,
Şamaxı, Bakı, Şirvan, Gəncə, Şəmkir, Tovuz və s. söyləyirlər. Elə bil ki, orada
bütün rayonlardan uşaq var idi. Mənə elə gəldi ki, bütün Azərbaycan oradadır.
Füzulidə, cəbhənin Aşağı Veysəlli istiqamətindəki təmas xəttində. Bu da mənim
çox xoşuma gəldi ki, Azərbaycan bir yerdədir, hamısı da bir məqsədlə
dayanıblar. Uşaqların əhval ruhiyyəsi də çox xoşuma gəldi, hamısı elə bil zəncir
gəmirirdi.

Əsgərlərə
dedim ki, uşaqlar, bu dəfə bir az tələsik gəlmişəm, gələn dəfə lap arxayın gələcəm,
əməlli-başlı bir söhbət edərik. Uşaqlardan biri dedi, Seyran müəllim, gələn dəfə
gələndə ola bilər ki, bizi burada görməyəsiz. Düzü təəccübləndim, soruşdum ki,
nə məsələdir. Cavab verdi ki, bu ermənilər sözə baxmırlar, mənə elə gəlir siz gələn
dəfə gələndə bizi ona görə burada görməyəcəksiz ki, biz artıq İrəvan tərəfdə
olacağıq. Bu söz o qədər xoşuma gəldi ki, danışanda da tüklərim biz-biz olur.

Səngərdən
durbinlə qarşıdakı torpaqlarımıza baxdım, çox yerləri gördüm. Məşhur Qaraköpək
təpəsini, Lələtəpəni gördüm. Kəndimizi isə görə bilmədim, kəndimizin Qaraquzey
deyilən bir dağı var, o girdi aramıza. Qara Quzey həmişə mənlə üzbə-üz olub, mən
Qara Quzeylə üzbə-üz doğulmuşam. Amma bu dəfə mənlə kəndin arasına girdi, kəndimizi
görə bilmədim. Onlardan ayrılanda fikirləşdim və inandım ki, lap yaxın vaxtlarda
bu uşaqlar məni Qaraquzeyin təpəsinə qaldıracaq, oradan bütün Azərbaycan
ovcumun içi kimi görünəcək…”.

Qeyd edək ki,
yazıçı S.Səxavətin əsgərlərimizlə görüşü zamanı maraqlı və dəyərli şəkillər də
çəkilib. Hərbi əhəmiyyətli mövqelərimiz göründüyünə görə şəkilləri
yayımlamırıq. 




Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler