Musavat.az
Musavat.az




Müsavat » Xeberler» Xeber

“Mene dedi ki, gelersen seni bir az rendeleyim…” – Sabir Mirzeyevin telebesi

09 Ekim 2016

5:16 pm


09/10/2016 [21:12]: xeber –
Onunla bir məclisdə tanış olduq. Dostlardan birinin doğum günündə ifa etdiyi muğamla diqqətimi çəkmişdi. Tanınmış muğam ifaçısı mərhum Sabir Mirzəyevin tələbəsi olan İsmayıl Ağayev indi çörəyini muğam ifa etməklə çıxarır. Həmişə istedadlı insanlara yer ayıran sayt bu dəfə də İsmayılı sizinlə tanış edəcək.- İsmayıl, heç sənin hansısa bir televiziya kanalında, və ya mətbuatda çıxışların olub?- Təhsil aldığım zaman bir dəfə “AzTV” kanalında çəkiliş olub. Ondan sonra heç yerdə adım hallanmayıb. – Buna marağın yoxdu, yoxsa hansısa maneələr var?- Maraq var, maddi imkanım yaxşı deyil. Bunların hamısına pul xərcləmək lazımdı. Çəkiliş etmək istəyənlər məndən pul istəyiblər. – Muğam ifaçılığı sizdə də irsidi, yoxsa elə tək sən oxuyursan?- Xeyr. Bu bizdə irsidi. Mənim atamgil Lerik rayonundandılar. Dağ adamları oxuyan olur. Mənim atam, əmilərim, babam muğam ifa edirlər. – Səni hamı məşhur muğam ifaçısı mərhum Sabir Mirzəyevin tələbəsi kimi tanıyır. Sabir müəllimlə necə tanış oldun?- 2005 – ci ildə Sabir Mirzəyev mənim öz toyumda oxudu. Atam ilə yaxın dost idilər. Öz toyumda mənə də söz verdilər və mən də bir muğam oxudum. Bundan sonra Sabir müəllim mənə dedi ki, gələrsən yanıma səni bir az “rəndələyim”. Toyumdan iki il ötdü, utanırdım Sabir müəllimə zəng vurmağa. 2007 – ci idlə atamın mobil telefonundan Sabir müəllimin nömrəsini götürüb zəng vurdum. Tanıdı və dedi ki, sənədlərini də götür gəl. Mən də sənədlərimi götürüb Bakıya getdim. – Sabir Mirzəyevin öz məktəbi var idi?- Bəli. Sabir müəllimin  Bakı şəhər Mədəniyyət və Turzim İdarəsi nəzdində “Yaşıl teatr” məktəbi var idi. Üç il o məktəbdə dərs aldım. – Həmin vaxt hansısa toyda və ya tədbirlərdə oxuyurdun?- Toyda yox, amma Sabir müəllim bizi özü ilə konsertə aparırdı. Fasilə vaxtdı bizi oxutdururdu. – Sabir müəllim çox keçmədi ki, vəfat etdi. Həmin vaxtı hansı hissləri keçirdin?- Sabir müəllimin ürəyində problem var idi. Ona görə də 2011 – ci ildə İranda əməliyyat olunarkən vəfat etdi. Xəbəri eşidən kimi İran sərhəddinə getdim. Amma məni sərhəddə buraxmadılar. Sonra yaxınları onu vətənə gətirib dəfn etdilər.- Səni məclislərdə Sabir Mirzəyevin tələbəsi kimi təqdim edirlər, yoxsa İsmayıl Ağayev kimi?- Sabir Mirzəyevin tələbəsi kimi təqdim edirlər. Bu isə mənim üçün həm qürurlu, həm də məsuliyyətlidi. Mən bilirəm ki, onun adına layiq ifalar etməliyəm. – Ancaq muğam ifa edirsən, şən mahnılar yox?- Muğam da ifa edirəm, şən mahnılar da. Amma, çox şən mahnılara maraq göstərmirəm ki, Muğamı itirərəm. – Toylara neçəyə gedirsən?- Qiymət deməyi xoşlamıram. Elə olur ki, gedib oxuyuram və gələndə toy yiyəsi cibimə pul basır. Sonra görürəm ki, yüz əlli manat verib, və ya görürüsən iki yüz manat verib. Kimin imkanı nəyə çatır onu da verir.- Muğama bu gün olan ehtiyac səni qane edir?- Əlbəttə. Muğamın öz sevənləri var. Elə olur ki, toyda  camaat dağılışandan sonra mənə muğam oxutdururlar. – Hansı Muğamı ifa etməkdən yorulmursan? – “Çahargah” muğamını çox sevirəm. İlk dəfə ustadıma da bu muğamı ifa etmişdim. Vasif Əlihüseyn  


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler