Musavat.az
Musavat.az




Müsavat » Xeberler» Xeber

“Mene de sifariş olub, ele etmişem ki, ne şiş yanıb, ne de kabab”

05 Eylül 2016

11:32 am


05/09/2016 [15:30]: xeber –
Bu gün “Beynəlxalq Bank işi”nə görə təqsirləndirilənlərin məhkəmə prosesi davam etdirilib. Hakim Əfqan Hacıyevin sədrliyi ilə keçirilən məhkəmə prosesində şahidlər ifadə verib, təqsirləndirilən Cahangir Hacıyevin vəkili vəsatətlə çıxış edib. Beynəlxalq Bankın sabiq rəhbəri Cahangir Hacıyevin vəkili Fəxrəddin Mehdiyev məhkəmə istintaqının bu şəkildə aparılmasına etiraz edib. O, bildirib ki, təqsirləndirilən şəxslərin təqsirsizlik prizumpsiyası və müdafiə hüququ pozulur, ittiham tərəfinin qərəzli materialları məhkəmədə müzakirəyə çıxarılır, müdafiə tərəfinin isə bununla bağlı vəsatətləri nəinki, qəbul olunur, heç müzakirəyə çıxarılmır.Vəkil ittihamdakı rəqəmlərdə ziddiyyətlər olduğunu deyib və qeyd edib ki, bu gedişlə məhkəmədən ədalətli qərar gözləmirlər. O, bir neçə gün əvvəl Maliyyə Nazirliyinin mətbuata açıqlamasına da diqqət çəkib.Vəkil: “Cahangir Hacıyevin 5 milyard dolları mənimsəməsi, offşora ötürməsi ilə bağlı deyilənlər təqsirsizlik prizumpsiyasının pozulmasıdır. Və ictimai rəydə ona qarşı mənfi rəy yaradır. Əgər, Maliyyə Nazirliyində 5 milyardla bağlı sənədlər varsa, niyə istintaqa təqdim etməyiblər? Əgər yoxdursa, niyə belə açıqlama verilir?”Vəkil məhkəməyə yeni vəsatətlər təqdim edib. Birinci vəsatətdə Maliyyə Nazirliyinin mətbuat xidmətinin rəhbərinin məhkəmədə əlavə şahid qismində ifadə verməsini istəyib. Vəkil onun mətbuata verdiyi açıqlamada qeyd edilən 5 milyardlıq mənimsəmə açıqlamasına aydınlıq gətirməsini tələb edib.İkinci vəsatət Beynəlxalq Bankda Maliyyə Nazirliyi və Vergilər Naziriliyi tərəfindən aparılan yoxlamaların nəticələrinin məhkəməyə təqdim edilməsi ilə bağlı olub. Digər vəsatət Beynəlxalq Bankdan layihələrlə bağlı sənədlərin alınması olub. Vəkil bildirib ki, bank qərəzli olduğu üçün sənədləri təqdim etmir: “Ötən həftə bankın idarə heyətinin müaşviri də ifadəsində bildirdi ki, guya qanunsuz olan kreditlərlə bağlı DİN-ə məlumat verib. Maraqlıdır ki, niyə məhz DİN..? Əgər bu bankın fəaliyyəti ilə bağlıdırsa, ya Maliyyə Nazirliyinə, ya da Baş Prokurorluğa məlumat verilməli idi. Elə bu qərəzə görə də layihələrlə bağlı sənədləri vermirlər”.Hakim Əfqan Hacıyev qeyd edib ki, əvvəl qaldırılan vəsatətlərlə bağlı məhkəmə artıq qərar qəbul edib ki, həmin vəsatətlərə şahidlərin dindirilməsindən sonra baxılacaq. Prokuror Fərid Nağıyev bildirib ki, Maliyyə Nazirliyinin açıqlamasında qeyd edilən 5 milyard məsələsinin cinayət işi ilə əlaqəsi yoxdur. O, qeyd edib ki, həmin məbləğ bankla bağlı deyil, şəxslə – Cahangir Hacıyevlə bağlıdır. Canahgir Hacıyev isə dövlət ittihamçısı ilə razı olmadığını bildirib. Sabiq bankir qeyd edib ki, ittihamda yer alan 211 milyon məbləği iddia edilən 5 milyardla bağlıdır: “Bu gün həmin şirkətlərin təsisçisinin kimlər olduğunu yoxlayın. Həmin şirkətlər hazırda Samir Şərifov və digərlərinin benefisləridir. Ona görə də həmin sənədlərin yoxlanması ilə bağlı vəsatət verirəm. İndi benefislər öz əllərində olduğu üçün sənədləri vermirlər. Əslində siz sübut etməlisiniz ki, mənimsəməyə yol vermişəm. Ancaq indi biz sübut etməyə çalışırıq ki, mən mənimsəməyə yol verməmişəm. Araşdırın görək ki, bu 211 milyondur, yoxsa 211 manat..? Nə baş verdiyini siz də yaxşı bilirsiniz, mən də yaxşı bilirəm. Şou göstərəndə heç olmasa, yaxşı göstərin. Mənə də yüz sifariş olub. Onu elə etmişəm ki, nə şiş yanıb, nə də kabab… Yəni, heç vaxt şouya çevirməmişəm”.Beynəlxalq Bankın filiallarında müxtəlif vəzifələrdə çalışmış şəxslər məhkəmədə ifadə verərək, bildiriblər ki, onlar yanlız sənədləşdirmə işləri aparıblar.Şahid qismində ifadə verən İbrahim Ağayev bildirib ki, “İnter tekstil” şirkətində çalışıb. O, qeyd edib ki, müdiri Şakir tərəfindən, əsas rəhbər Dünyamin Xəlilovun adından ona göstəriş verilib ki, banka gedib kreditə imza atmalıdır. Şahid deyib ki, səbəb olaraq şirkətə dəzgah alınacağı deyilib.Prokuror isə bildirib ki, onun adında 15 milyon 776 minlik kart açılıb. O, isə bundan istintaq zamanı xəbər tutduğunu söyləyib. Məhkəmə prosesi günün ikinci yarısında davam etdiriləcək.(musavat.com)


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler