Musavat.az
Musavat.az




Müsavat » Xeberler» Xeber

Leyaeqtin zirve tacı – Professor Mübariz Mensimovun müdafiesine qalxdı…

05 Temmuz 2016

7:48 am


05/07/2016 [11:47]: xeber –
Dünya şöhrətli “Palmali” şirkətinin haqqında növbəti dəfə hədyan yazılıb. Yazılıb ki, şirkət iflasa uğrayıb. Şirkətin sahibi Mübariz Mənsimov da saytlarda ürək ağrısı ilə bildirib ki, deyilənlər yalan və iftiradır. Mübariz bəy onu da deyib ki, mənə qarşı bu məkrli piyarı aparanların kimlər olduğunu bilirəm… Bilirəm, ancaq hələ onların kimliyini açıqlamaq istəmirəm…Mübariz Mənsimovla heç bir tanışlığım yoxdur. O, biznes adamıdır, şirkətinin baş ofisi də İstanbuldadır. Mən isə incəsənətlə az-çox bağlı sıradan biriyəm və Bakıda yaşayıram. İndiyə qədər bir dəfə də olsa onunla qarşılaşmamışıq. Şəkillərini görmüşəm və bircə dəfə də ANS televiziyası ilə jurnalistlə müsahibəsinə baxmışam. Həmin müsahibədə öz səmimiyyəti, ağayana davranışı, sadəliyi, verilən suallara şirin, ağıllı və məntiqli cavabları ilə mənə çox xoş təsir bağışlayıb. Şirkətin necə yaranması barədə Mübariz Mənsimovun müsahibəsini oxumuşam. Onun işgüzarlığına, cəsarətinə, çevik düşünməsinə, idarəçilik bacarığına heyran qalmışam. Bir daha əmin olmuşam ki, məhz Mübariz Mənsimov kimi insanlar biznes pillələrində halallıqla yüksələ bilərlər.Fəxr eləmişəm, qürur duymuşam ki, Azərbaycanın belə bir ləyaqətli, qeyrətli, fədakar, müdrik biznes düşüncəsinə malik oğlu dünya orbitində öz oxu ətrafında inamla “fırlanır”.Mübariz bəyin Azərbaycanın Cənub zonasında süd məhsulları istehsalı ilə məşğul olan biznesi var. Onu da yaxşı bilirəm ki, yüzlərlə ailənin güzəranı buradan çıxır. Müəssisə neçə illərdir ziyanla işləyir və kasıbların insan kimi yaşamaları naminə Mübariz Mənsimov milyonlarla ölçülən həmin ziyanı hər il öz cibindən ödəyir.Belə bir nadir fərasət və istedad, qəlb və düşüncə sahibinin əməlinə və şəxsiyyətinə ləkə atmaq, onun şirkətinin dünyadakı infilyasiya böhranı ilə bağlı xırda bir çətinliyini dağa “çevirib” ona sevinmək ləyaqətsizliyin “zirvəsidir”.Bu gün Hacı Zeynalabdin Tağıyevin nə vaxtsa etdiyi xeyirxahlıq faktını az qala on qat şişirdərək fəxrlə yazılar yazırıq. Bəs nə üçün çağdaşımız olan, biznes aləmində nadir düşüncə və əməl sahibi Mübariz Mənsimov kimi insana haqsızcasına çirkab atmaqdan çəkinmirik?..Halbuki, fikrimcə, dünyanın sayılıb-seçilən ən böyük dənizçilik şirkətlərindən birinə sahiblik edən Mübariz Mənsimov barədə sənədli filmlər çəkməliyik. Bu insanın biznes biliyini və təcrübəsini, iş qabiliyyətini və idarəçilik bacarığını kitablarla, məqalələrlə geniş kütlə arasında yaymayılıq.Dörd övlad atası minlərlə insana böyüklük, dədəlik etməyi bacarırsa, deməli hələ sağlığında tanrının müqəddəs dərgahında onun layiqli yeri təmin olunub.Gəlin gənc yaşlarından ləyaqət zirvəsinə ucalmağı bacarmış və orada əzəmətlə, qürurla, qeyrətlə duruş tutan soydaşımıza ləyaqətsizlik göstərib ona ləkə atmayaq. Xeyirxah münasibətlərimizlə, xoş sözlərimizlə, səmimi davranışımızla Mübariz Mənsimovun nurlu əməllərinə çıraq tutaq.Bu mövqeyimiz həm tanrı, həm insanlıq, həm də öz ləyqətimiz qarşısında vicdan borcumuzdur.                                                                 İlham RƏHİMLİ, teatrşünas-tənqidçisi, jurnalist, Azərbaycanın əməkdar incəsənət xadimi, sənətşünaslıq doktoru, professor




Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler