Musavat.az
Musavat.az




Müsavat » Xeberler» Xeber

Köyneyimi ayaqlatdıran ermeni…

03 Ağustos 2016

7:12 pm


03/08/2016 [23:08]: xeber –
Hərbi xidmətimi başa vurandan sonra atamla Rusiyaya gedəndə kitab – dəftərimi də özümlə götürmüşdüm. Tələbə olmaq həvəsi məni rahat buraxmırdı. Amma ora işləməyə getmişdim. İlk ayları iş tapa bilmirdik. Əmim də mənə iş axtarırdı. Şəhərdə fəhləçiliklə məşğul olan Azərbaycanlı uşaqlar gəlib məni özləri ilə apardılar. Dedilər ki, bir – iki günlük tikintidə iş var, iş tapana qədər bizimlə orada işləyərsən. Getdim gördüm ki, böyük istirahət obyekti tikilir. Obyektin damını da bağlayıblar. Biz isə içəridə gedən təmir işlərində işləyəcəyik.Obyekt üç varlı erməninin idi, adını da “Tri Leva”, “Üç Şir” qoymuşdular. Birinci dəfəydi ki, erməni millətini belə yaxından görürdüm. İşi aparan erməni bizə yaxınlaşıb görəcəyimiz işləri göstərdi: birinci mərtəbədə tualet və hamamın bünövrəsini qazmalıydıq. Təbii ki, azərbaycanlı olduğumuza görə ən çətin işi bizə gördürəcəkdilər. Bir – iki gün işləyəndən sonra bildim ki, tikinti işi mənlik deyil. Burada ermənilərlə azərbaycanlılar sən demə düşmənçilik söhbəti eləmirlər. Hər iki tərəf öz yurd – yuvalarında yaşayışın çətin olduğundan bir tikə çörək dalınca bura gəldiklərini deyirlər.İki gündən sonra əmim mənə zavodda iş tapdı. Amma bu işi öyrənmək üçün ilk üç ayı şagird olaraq işləməliydim. Maaşım isə hər ay 100 dollar olacaqdı. Öyrənəndən sonra isə başqa operatorlar kimi mən də 500 – 600 dollar alacaqdım. Zavod isə klyonka və salafan torbalar istehsal edirdi. İşim gecə növbəsində idi: hər gün axşam saat 20:00– dan, səhər saat 8 – ə kimi işləməliydim.İş yerində Seyran adlı erməni də işləyirdi. Təxminən əlli yaşlarında bir adam idi. Bu üç ay ərzində Seyranla da tanış oldum. Ona adının oxşarı olaraq burada Seryoqa – deyirdilər. Elə fikirləşirdim ki, indi Seyran Qarabağdan söz salacaq və mən də bunun payını verəcəm. Amma bir çox ermənilər kimi Seyran da Qarabağdan heç söz salmırdı. Seyran elə həmişə deyirdi ki, biz qafqazlıyıq. O, Ermənistanda dolanışığın yaxşı olmadığına görə, ailəsində hər dəfə dava – dalaş olduğu üçün acıq eləyib Rusiyaya gəlmişdi. Burda da bir ukraynalı qadının evinə girib yaşayırdı.Bir dəfə iş paltarımı geyəndə bilməyib köynəyimin tərs üzün geyinmişdim. Seyran məni görən kimi yanına çağırdı və dedi ki: “Köynəyinin tərs üzün geyinmisən və bu o deməkdir ki, işlərin tərs gətirər”. Seyran mənə köynəyimi çıxarıb yerə atdırdı və dedi ki, ayaqla köynəyini. Mən də Seyran deyən kimi etdim. Sonra köynəyi götürüb geyindim. Hər dəfə Seyran yadıma düşəndə o, köynək məsələsin xatırlayıram.Vasif Əlihüseyn


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler