Musavat.az
Musavat.az




Müsavat » Xeberler» Xeber

“Köhne filmlerimizin nümayişi ölünü cüme axşamı xatırlamağa benzeyir” – SORĞU

17 Ekim 2016

12:36 pm


17/10/2016 [16:35]: xeber –
Son illər Azərbaycanda xeyli ucuz kommersiya məqsədli filmlər çəkilib. Bu filmlərin sənətə bir xidməti olmasa da, onlar kinoteatrlara xeyli insan toplaya bildilər. Daha çox qeyri-peşəkar aktyor heyətinin ərsəyə gətirdiyi həmin filmlər sponsorları asanlıqla cəlb edir və yatırım da ciddi kinoya deyil, bu cür zəif məzmunlu filmlərə yatırılır.sayt saytının keçirdiyi kiçik sorğuda iştirak edən kino biliciləri isə bu cür filmlərin sənətə nə dərəcədə zərbə vura bilib-bilməyəcəyi barəsində danışıblar:Əyyub Qiyas, yazıçı- ssenarist:“Məncə yox, kommersiya filmləri də olmalıdır, ciddi filmlər də. Kino ümumiyyətlə son nəticədə əmtəədir. Yaxşı, keyfiyyətli malın alıcısı, tələbatı da çox olur. O kommersiya filmləri dediyimiz filmlər Çin malı kimi keyfiyyətsiz şeylərdir. Amma Çin malının qarşısını kəsmək olurmu? Yox! Odur ki, bundan qorxmaq lazım deyil. Gənclər meyl edir, belə filmlər çəkirlər, dolanırlar… Belə filmlərin çəkilməsi bu peşənin adamlarının dolanışına təsir edir, qoy olsun.Amma lap keyfiyyətli filmi çəkmək üçün ilk növbədə yaxşı, peşəkar komanda və güclü maliyyə olmalıdır. 50 -100 minə çəkilən filmlər aşağı büdcəli filmlər hər yerdə var.Bu filmləri çəkməkdə məqsəd zamanında qoyulan vəsaiti götürmək və qazanc əldə eləməkdir”.Natəvan Qeybani, YUĞ Teatrının aktrisası:“Məncə, belə filmlər kino sənətinə zərbə vurmaq gücündə deyil. Çünki Əsl Sənəti heç nə məhv edə bilməz. Amma belə filmlərin insanların zövqlərini korlamaq qorxusu var. Cəmiyyətdə formalaşan zövqsüzlük kino sənətini görünməz edə bilər. Bu da bir təhlükədir”.Mövlud Movlud, yazıçı:“Nə danışırsınız?! Əksinə, bu cür filmlər inkişafa xeyli təkan verəcək. Milli kino sənətinin nümunələri camaat arasında nə qədər çox yayılsa, aktyorlarımız o qədər, çox tanınar, sevilər və pul qazanar. Dolanışıq dərdindən azad olandan sonra isə onların içindən çıxan bir-iki vicdanlı adam təmənnasız olaraq ciddi filmlər üçün də fədakarlıq göstərər”.Vüsal Nuru, yazıçı-ssenarist:Məşhur bir deyim var: “Moskva birdən birə qurulmayıb.” Müstəqillik dövründən bir neçə il sonra rus kino məktəbinin mogikanları heykələ döndülər. Onların bəziləri məktəb yaratsa da, çoxu bildiyini o dünyaya apardı. Bu gün o kino məktəbi Azərbaycanda yoxdu. Bu yoxluq sənətlə tamaşaçı arasında dərin bir uçuruma çevrildi və kino öldü. Sovet dövründə çəkilən filmlərin mavi ekranda hərdənbir nümayişi ölmüş adamı hər cümə axşamı xatırlamağa bənzədi. Ölünün dirilmədiyinə inanan bir xalq, kinonun da diriləcəyinə, daha yaxşı filmlərin çəkiləcəyinə və fərqli görə bilən rejissorların yetişəcəyinə inanmadı. Bu gün də o inamsızlıq özünü göstərir. Baxmayaraq ki, son dövrlərdə çox maraqlı filmlər çəkilib. İstər kütlə üçün,istər intellektuallar üçün. Bildiyiniz kimi hətta bir neçə Azərbaycan film dünyanı gəzib. Bu ona işarədir ki, Azərbaycan kinosu tumurcuqlayır. Çəkilmiş ən pis film belə sənətə olan marağın, sevginin məhsuludur. Ola bilər ki, rejissor istədiyini ekranlaşdıra bilməyib, ona müxtəlif problemlər mane olub, amma onu da Azərbaycan kinosunun inkişafında xidmət edən bir əsgər hesab etmək olar. Məgər döyüşdə bütün əsgərlər qalibdi?! Amma hamısı torpaq uğrunda döyüşür. Bu gün kinoteatrlarda nümayiş olunan filmlər həmin o döyüşkən əsgərlərdi. Hansısa əsgər gedib bayrağı sancacaq. O filmlər tamaşaçıyla sənət arasındakı uçurumun üstündə salınan körpüdü, kimlərsə o körpünün üstündən keçib sənətə çatacaq. Ona görə də bu gün o fədakar filmlərə, o əsgər filmlərə düşmən mövqesi kimi yanaşmaq qəbulolunmazdı. Bir də filmlərin arzuolunan səviyyədə çəkilməsi üçün fantastik büdcə lazımdır ki, o da ortada yoxdur, əvəzində istək var, ürək var, ağır zəhmət var. Az qala dilənə-dilənə film çəkən, çəkməyə çalışan rejissorlar bu günün qəhrəmanlarıdılar. Kinoteatrlarda nə qədər çox kino olsa, o qədər kinoya diqqət artacaq. Bu günə qədər kinoteatrların ünvanını tanımayanların indi zalda öz daimi kresloları var. Son zamanlar çəkilmiş bir neçə filmə həm rejissor, həm də ssenari tərəfdən baxmışam. Düzdü onların müzakirəsi başqa bir mövzudu, amma onu deyim ki, o büdcəyə, o imkana, o çəkiliş şəraitinə görə çox yaxşıdı, hətta əladı. Məlumunuz olsun ki, bu ayın 26 – sı ssenari müəllifi olduğum “Xüsusi təyinatlı İbad” bədii filmi nümayiş olunacaq. Rusların çəkdiyi böyük vətən müharibəsindən bəhs edən filmlərdən geri qalsa da, uğurlu və vacib bir filmdi. İstərdim ki, bu gün mətbuat da humanist mövqe tutaraq kinomuzun inkişafına xidmət eləsin. Əvvəl lazım olan həddə gətirək, sonra zəiflər özü ələnəcək”.Alpay Azər, yazıçı:“Az-maz kino ilə maraqlanıram deyə, söyləyim ki, yox, o cür filmlər sənətə zərbə vurmur. Məsələ burasındadır ki, Sovet dövründə də kassa filmləri mövcud idi, məsələn, “şitpotreb” tipli hind kinolarını sevənlərin sayı az deyildi. Amma eyni zamanda klassik filmi sevənlər də var idi. Bu baxımdan, kinobazarında hər filmin necə deyərlər, öz istehlakçısı var”.Anar Səfiyev, aktyor:“Mən hər halda filmlərin çəkilməsinin tərəfdarıyam. Amma yaxşı olardı ki, daha səviyyəli filmlər çəkiləydi. Son zamanlar ekranlaşdırılan filmlər arasında zəif, babat və yaxşıları var. Amma daha yaxşılarının çəkilməsi məqsədəuyğundu. Hazırda zəif və güclü olmasından asılı olmayaraq, filmlərin çəkilmə faktının özü yaxşıdır”.Elmin Nuri


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler