Musavat.az
Musavat.az




Müsavat » Xeberler» Xeber

Kendimiz haqqında acı xatireler

03 Eylül 2016

9:20 am


03/09/2016 [13:19]: xeber –
I yazı

Məzuniyyətdə olarkən Azərbaycanın Cənub bölgəsinin bir neçə rayonunda oldum. Kəndlərdə
qaldım. Təsvvürüm belədir ki, Azərbaycan sanki Bakı şəhərindən ibarətdir.
Rayonlarda həyat yalnız rayon mərkəzində hiss olunur. Yaraşıqlı parklar, muzeylər
v s. Bəs əhalinin vəziyyəti? Kəndlərdə xüsusilə acınacaqlıdır. Sanki Azərbaycanda
hansısa gizli əllər işləyir. İnsanları narazılıqlara sürükləyir. Müşahidə elədiyim
rayonlarda insanlar yeriyən ölülələrə bənzəyirdilər. Kəndlər, rayonlar sürətlə
boşalır. Ailələr daha çox Rusiyaya üz tuturlar. Orada yaşayanlarla da söhbət
etdim. Dedilər ki, yenə də buradan yaxşıdır. Gündəliyimizi çıxarırıq. Məmur
özabaşınalığı yoxdur. Rayonlarda onu da müşahidə etdim ki, rayonlardakı vəziyyət
barədə ölkə başçısına düzgün məlumatlar çatdırmırlar. Kənd təsərrüfatı bərbad vəziyyətdədəir.
Torpaqları becərmək mümkün deyildir. Əhalinin buna imkanı yoxdur. Məsələn,
taxıl biçinindən sonra tarlada küləş qalır. Qədim zamanlarda ondan saman
istehsal edirdilər. Bu da heyvanlar üçün ən yaxşı yem məhsulu olurdu. Diqqətimi
çəkən o idi ki, taxıl yığıldıqdan sonra insanlar küləşi yandırırdılar.
Soruşanda dedilər ki, saman döydürmək çox baha başa gəlir. Pulumuz yoxdur.
Rayonlarda ən böyük faciə də budur:”Pulumuz yoxdur”. İnsanlar yalnız
təqaüd hesabına dolanırlar. O da bank faizlərinə gedir. Banklar insanları özündən
aslılı edərək bellərini qırır. Vaxtilə 78 dollara götürdükləri faizi indi
onlara indiki qiymətlə ödətdirirlər. Soyğunçuluq gedir. Kəndlərimizə baxanda
“Tütək səsi” filmi yadıma düşdü. Rayonun mərkəzinə yığışan insanlar o
cür insanlara bənzəyir. Sanki müharibədən çıxmışlar. Kəndlərdə kitabxanalar,
klublar yaman gündədir. Kənd məktəblərində təhsil çox aşağı səviyyədədir. Cənub
zonasının meşələrini vəhşicəsinə tari-mar edirlər. Nadir ağaclar sayılan ağaclar
qurtarmaq üzrədir. Rayonlara ayrılan pullar mənimsənilir. Rayonlarda kəndlərarası
yollar bərbad vəziyyətdəir. Qaz boruları çəkilsə də, qazdan xəbər yoxdur.
İşıqlar tez-tez söndürülür. Adam zinhara gəlir. İnsanlar bilmir ki, kimə şikayət
etsin. Rayon deputataları ancaq rayon rəhbərliyinin icazəsi ilə hərəkət edirlər.
Mənə elə gəlir ki, onlara havayı pul vermək doğru deyildir. Ona görə də bu cür
parlamenti buraxmaq və yerində orta əsrlərdə olduğu kimi rəhbərə tabe olan Şura
yaratmaq lazımdır. Rayonlarda oğurluq yaman artıbdır. Gecələr oğrular boş qaln
evlərə girirlər. Nə varsa aparırlar. Əhali polisə şikayət edəndə onların özünü
qorxuzurlar ki, “sakit ol, yoxsa balalarını da öldürərlər”. Yadıma məşhur Hindistan filmi “Əlibaba və qırx
quldur” filmi düşür. Gündüz hakim olan şəxs gecə oğruya çevrilir.
Bütün bunları ürəkağrısı ilə yazıram. Çünki biz bu dövləti qan verib qurduq,
indi də onun uğrunda qanımızın tökülməsinə hazırıq! Dünyada hər millətin müstəqi
dövləti olmur. Biz dövlətçiliyimizin yenidən bərpası üçün nə qədər dostlarımızı
itirdik! İndi canımızdan artıq sevdiyimiz dövlətin bölgələrinin bu günə düşməsi
bizə yaman təsir edir. Bakıdan rayona gedənlər elə bilirlər ki, qaldıqları
bahalı otellərdə olmaqla və yedikləri ləzzətli yeməklərlə rayonun vəziyyətini
duya biləcəklər. Elə deyil, siz gedin kəndlərdə yaşayın. Görün nə görəcəksiniz.
İnsanlar bəzən şörək pulu tapa bilmirlər. Mənim üçün dünyada ən gözəl yer doğma
kəndimdir. Hər il ora gedirəm. Amma bu il öz doğma kəndimdə olmağımdan bezdim.
Elə bildim ki, cəhənnəmin dibindəyəm!

 

Dilavər Əzimli

Tarixçi-pedaqoq, AMEA-nın
Tarix İnstitutunun aparıcı elmi işçisi, Bütöv Azərbaycan Ocaqlarının sözçüsü


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler