Musavat.az
Musavat.az




Müsavat » Xeberler» Xeber

“Kaş anam yuxuma girib meni tebrik eleye…”

24 Eylül 2016

6:48 pm


24/09/2016 [22:44]: xeber –
Sabah doğum günümdü. Otuz bir yaşımı qeyd edəcəm. Amma, doğum günümü qeyd etməyə nə həvəs var, nə də adam. İndi bu yazını kəndimizdəki ata evimizdən yazıram. O ata evimizdən ki, anam həyətimizin başındakı qəbristanlıqda yatıb, şikəst atam isə evimizin bir otağında. Anamdan sonra elə olub ki, atam heç kimlə oturub söhbət eləmir. Axşama kimi yerinin içində uzanır, amma bilmirəm nə fikirləşir.Heç vaxt doğum günümü belə qarşılayan olmamışdı. Evin ilk uşağı olduğuma görə hər il sentyabrın 25 – də nəsə qazanımızda qaynayırdı. Səhər açılan kimi isə ilk olaraq anam mənə zəng vurub təbrik edirdi. Ümumiyyətlə anam mənə ən çox problem olanda zəng vururdu. Hərdən özüm də gileylənirdim. Amma, bir gün anamdan mənə yenə zəng gəldi və telefonu açanda gördüm ki, bacımdı, ilk sözü isə bu oldu: “Mamaya nəsə olur, tez gəl”…Anamdan sonra ümumiyyətlə heç kimin gedişinə ağlaya bilmirəm. Bu gün gedib qəbrini də ziyarət etdim. Ən çox yağış yağanda pis oluram. Elə bilirəm ki, yağan yağışlar anamın canına keçir. Həmişə yuxuma girir. Yuxuluğu da o qədər yaxşıdı ki, həmin gün bütün işlərim uğurlu alınır.Kəndimizdə bir qıza vurulmuşdum. Amma, qıza elçi göndərməyi içimdə götür – qoy edirdim. Yatdım və anam yuxuma girdi. Dedi ki, dur, gəl kəndə. Oyanıb cibimə baxdım ki, cibimdə cəmi on manat pulum var. Bu pulla mən kəndə necə gedim… Üstündən bir az keçdi gördüm ki, baş redaktorum feysdə yazdı ki, gəl görüşək sonra kəndə gedərsən. Redaktorumla görüşüb çay içdik. Rayona getdiyimi bilib çıxardım cibimə pul qoydu. Həmin gün kəndə çox həvəslə getdim.Elə oldu ki, elçiliyim oldu və nişanlandım. Yenə anam yuxuma girdi. Gördüm ki, mən yerdə o, isə divanda yatıb. Dedim ki, ana, gəl yanımda yat. Düşüb yanımda yatdı. Sonra isə üzümdən öpüb getdi.O gün nişanlımın da yuxusuna girib. Nişanlımın qolundan tutub mənim yanıma gətirib. Deyib ki, heç vaxt ayrılmayın və nişanlıma bir parça çörək verib.İlahi, doğrudan da yuxular dəhşətdi. Bu gecə ata evimizdə yatacam. Elə istəyirəm ki, anam yuxuma girib məni təbrik eləyə. Başqa heç kimdən heç nə istəmirəm.Vasif Əlihüseyn


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler