Musavat.az
Musavat.az




Müsavat » Xeberler» Xeber

Kamal da ali tehsil almaq isteyir…

04 Ekim 2016

6:20 pm


04/10/2016 [22:17]: xeber –
Kamal kimi görmə qabiliyyəti olmayan 1-ci qrup əlil gənclərimizin mütləq ödənişli ali təhsildən azad olunmaları lazımdır. Çünki ödəniş etməkdə çətinliklə üzləşdiklərinə görə təhsili başa vura bilmirlər. Kamal Hüseynov 1-ci qrup gözdən əlildir. Amma hər kəsə görmədən də yaxşı oxuya bilməyin mümkünlüyünü isbat edən dəyərli gənclərdən biridir. Ailəsinin, müəllimlərinin dəstəyi və əzmi ilə biliklərini daha da gücləndirərək Bakı Dövlət Universitetinin filalogiya fakültəsinin alman dili müəllimi ixtisasına daxil olub. Gəncədə anadan olan Kamal sadə bir ailənin övladıdır. Ailəsi çətinliklərlə də olsa onun təhsil haqqına dəstək olmağa çalışıb ki, böyük zəhmətlə universitetə daxil olan övladları oxusun. Amma 3-cü kursa gəldiyində ailənin təhsil haqqını ödəmək imkanları olmayıb. Kamal artıq 4-cü kursdadır. Təhsil haqqını ödəyə bilmədiyi üçün dövlət imtahanına buraxılmadığını üzüntü ilə söylədiyində çox üzüldüm. Çox kədərli idi. İmtahana girərək təhsilini bitirib çalışmaq, ailəsinə dəstək olmaq istəyir. Bakı Dövlət Universitetinin prorektoru Aydın müəllimlə danışdıq və Kamala universitetin daxili imkanları hesabına kömək etmələrini xahiş etdik. Sabah rektor, hörmətli Abel müəllimlə bu məsələni danışacağını bildirdi. Bu gün Abel müəllimə bununla bağlı rəsmi xahiş məktubu da göndərdik və ümid edirəm ki, universitetin rektoru Kamalın məsələsini öyrəndiyi zaman ona kömək etməyə çalışacaq, sabah müsbət xəbər ala biləcəyik. Sentyabrın 30-da Milli Məclisdə də qaldırdıq bu məsələni. 1-ci qrup əlillərin ödənişli ali təhsildən azad olması lazımdır və inanırıq ki, dövlətimiz bu istiqamətdə onlara dəstək olacaq. Qanunvericilikdə bu məsələnin öz həllini tapmasına qədər isə universitetlərimizin bu məsələdə daha həssas olacağına ümid edirik. Hər bir universitetimizdə bu cür tələbələrin sayı 2-3 nəfəri keçmir. Düşünürəm ki, universitetlərimiz də daxili imkanları hesabına onlara dəstək olmağa çalışsalar, görmə imkanları məhdud gənclər üçün böyük bir stimul olar.Qənirə Paşayeva, millət vəkili 


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler