Musavat.az
Musavat.az




Müsavat » Xeberler» Xeber

İşğalçı ölkenin qorxduğu esas sürpriz – Türkiye amili

16 Temmuz 2016

6:32 am


16/07/2016 [10:29]: xeber –
Qardaş ölkənin Qarabağa dair yeni sülh prosesində yer almağa başlaması düşmən tərəfi təşvişə salıb; Moskva ilə barışan Ankara etimad və anlaşma prosesinə böyük töhfə verə bilər… Qarabağ problemi ətrafında diplomatik fəallıq hələ ki real nəticəyə gətirməyib. Hələ ki hansısa proses gedirsə də bağlı qapılar arxasında gedir. O üzdən ortalıqda cavablardan çox suallar var. Bakıya xarici emissar axınının güclənməsi də sualların sayını azaltmayıb.Bu xüsusda Rusiya xarici işlər naziri Sergey Lavrovun Bakı səfərindən dərhal sonra Türkiyə xarici siyasət idarəsinin başçısı Mövlud Çavuşoğlunun ölkəmizə başlayan səfəri və bu səfər çərçivəsində Qarabağ məsələsinin müzakirə olunması ikiqat diqqət çəkir.Şübhə yox ki, rəsmi Bakı qardaş ölkəni də hazırda davam edən Qarabağ danışıqları barədə kursda saxlamaq istəyir. Böyük ehtimalla, Çavuşoğlunun Azərbaycan səfəri həm də bununla bağlıdır. Yada salaq ki, az öncə nüfuzlu Rusiya nəşrlərindən biri Lavrovun son İrəvan səfəri barədə yazmışdı ki, Kreml Türkiyəni də Qarabağa dair həll planına qoşmaq istəyir və gündəlikdə Ermənistanla sərhədlərin açılması da var.Bu arada Türkiyə baş nazirinin müavini Numan Qurtulmuş Konyada təşkil edilən Beynəlxalq Mədəniyyət Turizmi və Media konfransında  çıxışı zamanı deyib ki, Türkiyə ölkə və millət olaraq Qarabağın ermənilər tərəfindən işğal edilməsini heç bir şəkildə qəbul etməyəcək. “Qarabağ Azərbaycanın tərkib hissəsidir. Ölkə və millət olaraq, Qarabağın ermənilər tərəfindən işğalı ilə barışmayacağıq. Bu həqiqət dünya birliyi tərəfindən qəbul olunmalıdır. Biz bu məsələni istənilən platformada ifadə edirik”, – Qurtulmuş bildirib.Politoloq Qabil Hüseynli isə hesab edir ki, Rusiya-Türkiyə münasibətlərinin qaydaya düşməsi ilə Dağlıq Qarabağ prosesində açılan yeni mərhələ problemin həllini bu iki dövlətin inhisarına vermiş olacaq (Axar.az). Sabiq dövlət müşaviri bildirib ki, indiki həssas məqamda Türkiyənin Qarabağla bağlı mövqeyinin əvvəlki kimi prinsipial olması mühümdür.“Rusiyanın məsələ ilə bağlı təklif etdiyi həll variantları Azərbaycanın tələblərinə uyğun gəlmir. Bu kontekstdə Türkiyənin bölgədə münasibətlərin qaydaya düşməsində maraqlı olması prosesdə böyük rol oyanacaq. Ankaranın strateji maraqları Ermənistanla da münasibətləri yaxşılaşdırmağı, hətta lazım gələrsə, Qars müqaviləsini işə salmağı tələb edir. Azərbaycanla münasibətlər onsuz da yüksək səviyyədədir. Sözsüz ki, prosesdə həlledici rol Azərbaycana məxsusdur. Bakının kompromis limiti çoxdan bitib. Azərbaycanın qarşısında duran əsas məsələ çox uzanmadan işğal edilmiş ərazilərdən ermənilərin çıxarılmasıdır. Bu, ermənilərə yüksək status vəd edir və məsələni danışıqlar prosesində həll etmək niyyətindəyik. Çavuşoğlunun Bakı səfərində Azərbaycan və Türkiyə ortaq strategiya formalaşdıracaq. Sözügedən strategiya isə danışıqlar prosesində masaya yatırılacaq”.Politoloqa görə, Türkiyə Rusiya və Ermənistanı danışıqların beynəlxalq hüquq normaları çərçivəsində aparılmasına yönləndirə bilər: “Ankara bunun əvəzində sülh yarandıqdan sonra həmin dövlətlərin iqtisadi inkişafına verəcəyi töhfələrindən istifadə edəcək. Bu isə sülhyaratma prosesində inkişaf edəcək, blokada aradan götürüləcək, diplomatik münasibətlər yaradılacaq, ermənilərə Türkiyədə hər cür imkan veriləcək. Bütün bunlar o zaman baş tutacaq ki, Ermənistan Qarabağa olan cəfəng ərazi iddialarından əl çəkəcək. Güman edirəm ki, Türkiyə danışıqlar prosesinə böyük töhfələr verə, vəziyyəti yumşalda bilər. Türkiyə xarici işlər naziri  Bakıya xeyli maraqlı, konstruktiv və bölgədə müharibə vəziyyətinin aradan qaldırılmasına kömək edəcək təkliflərlə gəlir. Bu təkliflər isə Bakı tərəfindən çox müsbət qarşılanacaq”.***Lakin hələ ki sülh danışıqları konfidensial aparılır. Bu da sövq-təbii Azərbaycanda müəyyən nigarançılıq yaradıb. Ermənistanda isə əsl narahatlıq və təlaş atmosferi hökm sürməkdədir. İşğalçı ölkədə həm də hansısa sürprizlərin olacağından danışmağa başlayıblar. Hərçənd, işin içində olan Rusiya rəsmiləri buna əsas görmürlər. Bu da anlaşılandır. Ortaya real nəticə qoyulmayınca, Rusiya izafi gərginlik yaradacaq bəyanat və açıqlamalar verməyəcək.“Qarabağ münaqişəsinin nizamlanması ilə bağlı danışıqlarda hansısa xoşagəlməz sürprizin olacağından söhbət gedə bilməz”. Bunu keçirdiyi son brifinqdə Rusiya Xarici İşlər Nazirliyinin xüsusi nümayəndəsi Mariya Zaxarova deyib. Jurnalistin münaqişənin nizamlanması ilə bağlı danışıqlar prosesinin gizli saxlanılmasının Ermənistan və Azərbaycan cəmiyyətləri üçün xoşagəlməz sürprizlə nəticələnə biləcəyi və bunun təhlükəli olması ilə bağlı sualını cavablandıran Rusiya XİN sözçüsü qeyd edib ki, müzakirə olunan məsələlərin gizli saxlanılmasında qorxulu heç nə yoxdur.“Əgər danışıqlar prosesi tərəflərin iştirakı ilə getməsəydi, o zaman sizin dediyiniz kimi, təhlükəli olardı. Danışıqlar prosesində dövlət başçıları, nazirlər, hər iki tərəfdən ekspertlər iştirak edir. Onların hər şeydən xəbəri var. Ona görə də, bu prosesdə xoşagəlməz sürprizdən söhbət gedə bilməz” – XİN rəsmisi bildirib. Mariya Zaxarova deyib ki, qorxulu məqam danışıqlar prosesinin razılıq olmadan nəticələnməsi olardı: “İndi fəal danışıqlar gedir. Bu, uzun sürən bir prosesdir. Qorxulu məqam danışıqlar prosesinin pozulmasıdır. İndi çox vacib məqamdır. Bütün komanda ümumi nəticənin əldə edilməsinə nail olmalıdır. Biz Bakıda və İrəvanda olduq. Küçədə sadə insanlar bizə yaxınlaşıb, fikirlərini bildirirdilər, onlar daha qan tökülməsini, insan itkilərinin olmasını istəmirlər. Bizim də əsas məqsədimiz məhz budur”.Erməni jurnalistin Türkiyənin xarici işlər naziri Mövlud Çavuşoğlunun Bakıya səfəri zamanı Dağlıq Qarabağ münaqişəsinin müzakirəsinin danışıqlar prosesinə necə təsir edəcəyi ilə bağlı sualına M.Zaxarova belə cavab verib: “Bu sualın çox asan bir cavabı var. Hər hansı konstruktiv kömək Dağlıq Qarabağ münaqişəsinin nizamlanması prosesinin xeyrinədir”.***Erməni jurnalistin də sualından göründüyü kimi, düşmən ölkə prosesdə Türkiyənin iştirakından da ciddi narahatlıq keçirir. Amma təbii ki, prosesdə Rusiya ən əvvəl özünün maraqlarını güdür. Bu maraqların qayəsində isə hansı həll variantı olur-olsun, Azərbaycanla Ermənistanı öz təsir dairəsində saxlamaq, Ermənistanla yanaşı, Azərbaycanda da hərbi cəhətdən möhkəmlənmək məramı durur. Moskva bu hədəflərə nail olacaqmı və necə nail olacaq? Bunu yəqin ki, yaxın zaman göstərəcək.“İşğalçı əsgərlər təmas xəttində durduqca…”“Danışıqları daha çox intensviləşdirməliyik”. Bunu Azərbaycanın xarici işlər naziri Elmar Mmmədyarov türkiyəli həmkarı Mövlud Çavuşoğlu ilə dünən keçirdiyi birgə mətbuat konfransında sualları cavablandırarkən deyib. O bildirib ki, Ermənistan yenə təmas xəttində təxribatlar törətməyə çalışır.“Bu hadisələrə son qoymaq üçün diplomatik vasitələrdən istifadə etmək lazımdır. Çünki baş verən xoşagəlməz hadisələr göstərir ki, danışıqların intensivləşməsini istəməyən qüvvələr mövcuddur. Ermənistan əsgərləri təmas xəttində qaldıqca, bu cür xoşagəlməz hadisələr baş verməyə davam edəcək” – Azərbaycan XİN başçısı qeyd edib.




Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler