Musavat.az
Musavat.az




Müsavat » Xeberler» Xeber

“İntellektual seviyyesi sıfır olan insanları aparıcı qoyurlar”

15 Ekim 2016

8:48 pm


16/10/2016 [00:47]: xeber –
İnternet dövrünün gəlməsi ilə insanların həyatında yeni bir mərhələ başlandı. Sosial şəbəkələr insanları o qədər çox təsir altına qoyur ki,  istər-istəməz televiziyalar öz funksiyalarını dəyişib internet ilə rəqabət aparmağa cəhd göstərirlər. Bütün dünyada televiziyalar artıq ixtisaslaşmış bir tv kanallarına çevirilib, ancaq müəyyən sahələr üzrə verilişlər hazırlayırlar. İxtisaslaşmamış kanallarda isə günün müəyyən bir hissəsində şou,  film,  elmi, bədii verilişlər və s. verirlər. Məsələn, filan kanalda elmi veriliş nümayiş olunursa, digər kanallarda şou verilişi göstərilir. Amma bizdə mənzərə tam başqadır. Bəlkə də dünyada öz kanallarına baxmayan, öz verilişlərinə nifrət edən yeganə bir toplum bizik. Bütün günü şou, bayağı mahnılar, bayağı seriallar göstərən,  heç bir elmi, bədii, dini verilişlərə vaxt ayırmayan millətin deyib-gülmək, çalıb-oynamaq ilə başını qatıb özləri kimi bəsit insanlar formalaşdıran kanalları varkən rus, türk kanallarına baxanların sayı daha da çoxalacaq. “Nəyə görə kanallarımız bu cür bərbad gündədir?”- sualına cavab tapmaq üçün kiçik araşdırma aparıb həqiqəti üzə çıxartmaq istədik.  Hər bir özəl telekanal özünü ayaqda tutmaq üçün  hansısa markaların mallarının reklamını etmək və onun müqabilində pul qazanmaq istəyir. Özəl kanalların varolma səbəbi xalqa verilişlər təqdim edib reytinq qazanmaq və onun nəticəsində verilişə daha çox tamaşaçı çəkməklə hansısa məhsulu reklam edib onu daha çox insana nümayiş etdirməkdir.Reytinq agentliyi bu işi öz üzərinə götürüb kanallardakı  verilişlərə reytinq verir. Hansısa şirkət bu şirkətdən reytinqi çox olan verilişlərin siyahısını alır və öz məhsullarını o verilişdə reklam edir. Əgər hansısa kanal elmi veriliş verərsə,( məsələn keçmiş ans tvdə şəxsiyyət vəsiqəsi) bu reytinq ölçən şirkətlər bu tipdə olan verilişlərə ən aşağı reytinq tərtib edib, reklamı o verilişlərdən kənar edir. Verilişi saxlamaq üçün reklam gəlirindən istifadə edildiyindən reklam olmadığı halda həmin veriliş səmərəsiz sayılır və bağlanır. Amma şou verilişləri ən yüksək reytinq səviyyəsində qiymətləndirildiyi üçün elə təsəvvür yaradılır ki, bütün millət bunlara tamaşa edir. Beləliklə o verilişlərə çoxlu reklam cəlb edilir və sayları artıb bütün lazımlı proqramları sıxışdırır. Bütün bunlar artıq bizdə tam yerinə yetirilmiş vəziyyətdədir. Heç təsadüfi deyildir ki, Bakıda ilk Avropa çempionatı keçiriləndə bu yalançı reytinq şirkəti idman icmalını verən  AzTV və “İdman Azərbaycan” kanalına ən aşağı reyntiq vermişdir. Səbəb çox sadə idi. Qərbin ölkəmizdəki idmanını baykot etməsininin tərkib hissəsi kimi bu agentliklər guya Azərbaycanda heç kim bu oyunlara baxmır mesajin vermək istəyirdilər. Halbuki, hamı bir nəfər kimi Avropa Çempionatını izləyirdi.  Məqsəd əvvəldən, yavaş-yavaş insanların başını şou, bəsit verilişlər ilə aldadıb insanları düşünməyə, fikirləşməyə, təfəkkür etməyə qoymamaq idi. Öz tarixini, keçmişini, adət-ənənəsini, dinini sevməyən, tarixi qəhrəmanlarında daima nöqsan axtaran, onları müzakirə obyektinə çevirib mənfi tərəflərini önə çıxaran bir toplum halına gətirmək istəyirlər.Deyərdim ki, nail də olublar. Bu yalançı reytinq verən şirkətlər xalqı mənəvi cəhətdən deqradasiyaya uğradib, “Pampers”, “Always” kimi məhsulları xalqa açıq-aşkar reklam edirlər. 15  il əvvəl bu tip məhsullar reklam oluna bilmirdi.                         İnsanları özlərinin daimi müştərisi edib əslində ehtiyacı olmayan məhsulları onlara aldırır, marketinq reklam, psixoloji təsirlər, subliminal mesajlar vasitəsi ilə hər cür işləri məhz televiziyalar vasitəsi ilə həyata keçirirlər. Hal-hazırda tv kanallarımız elə bir gündədir ki,  sanki heç bir dərdimiz yoxdur, torpaqlarımızın 20 faizi işğal altında deyil.                         İntellektual səviyyəsi sıfır olan, ömründə bir kitab açıb oxumayan, faydalı bir fikir irəli sürməyən, ancaq güldürən, anında söz tapıb deyə bilən insanları aparıcı qoyurlar. İnsanların həyatlarını müzakirə obyektinə çevirməklə guya kömək edirlərmiş kimi ölkədə böyük reytinq qazanıb reklamdan çoxlu pul qazanırlar. Məqsəd xalqa xidmət etməkdən tamamilə uzaqdır. Axı biz şərəfli bir tarixi olan millətik, nə üçün bu xalqı bu qədər bəsit, səviyyəsiz verilişlər ilə bütün dünyada rüsvay edirlər? Nə üçün ölkəmizin insanları başqa ölkələrin verilişlərini izləməli,  balaca uşaqlar öz kanallarımızda olan cizgi filmlərinə yox, xarici kanalların filmlərinə baxmalıdır? Uşaqların bir çoxu artıq Anadolu ləhcəsi ilə danışır, çoxu evdə rus kanallarını izləyir. Əhalisinin 99 faizi müsəlman olan bir ölkənin bir dənə də olsun dini verilişinin olmaması sualına bir müsəlman olaraq cavab tapmaqda çətinlik çəkirəmQardaş Türkiyədə çoxlu sayda elmi, bədii, tarixi, dini verilişlər var. Canlı yayımda efirə çıxıb hər həftə bir maraqlı mövzu ilə  gündəmə gəlirlər. Qonaq qismində iştirak eden alimlər, yazarlar mövzu ilə bağlı danışıb xalqı maarifləndirir, sosial şəbəkələrdə tamaşaçılar öz suallarını verirlər. Ən diqqətəlayiq cəhət isə qonaq çağırılan şəxslərin kitablarını göstərməklə bir növ oxumağa maraq yaratmaqdır. Ümid edirik ki , bizim kanallar bu biabırçı vəziyyətdən çıxıb,xalqa xidmət etmək üçün bütün qüvvələrini səfərbər edəcəklər. Necə deyərlər sən xalqa görə iş gör, xalq səni ac qoymaz.Osman Eminov


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler