Musavat.az
Musavat.az




Müsavat » Xeberler» Xeber

İnsanda mütalie verdişi yaradacaq 5 kitab -MARAQLI

30 Eylül 2016

11:20 am


30/09/2016 [15:16]: xeber –
Adətən insanları kitaba, mütaliəyə az maraq göstərmələri və ümumiyyətlə kitab oxumadıqları üçün çox qınayırlar. Haqlı qınaq olsa da, burada qarşı tərəfi də nəzərə almaq lazımdır. Çünki çox az sayda adam var ki, onlarda kitaba-bədii ədəbiyyat, elmi-kütləvi buraxılışlara maraq anadangəlmə, fitrən olur. Əksər insanları isə buna aşılamaq lazımdır. Psixoloqlar insanı mütaliəyə köklədəcək, onda kitab oxuma vərdişini yarada biləcək kitabların siyahısını tərtib ediblər. sayt onlardan beşini təqdim edir:1-“Dorian Qreyin portreti” (Oskar Vayld) – Məşhur ingilis yazıçısı Oskar Vayldın yeganə romanında insan saflığı ilə reallıqların doğurduğu zülmət qarşı qarşıya qoyulur. Əsər üç insanın – Basil Halvard, Lord Henri və Dorian Qretin qarşılıqlı münasibətləri səpkisində davam edir. Yazıçı hər üç insanda məhz özünü təsvir edib. Yazıçının fikrincə, Basin Halvard özü –özünü oxşatdığı adam, Lord Henri isə dünyanın onu necə gördüyü bir adamdır. Dorian Qrey isə hər zaman xəyalında olduğu, olmaq istədiyi bir personajdır. Oxucu da, romanı oxuyan zaman hər üç personanın qiyafəsində özünü görə bilir. Məhz bu səbəbdən də mütaliə prosesi maraqlı gəlir və başqa kitabın oxusuna zəmin yaradır;2-“Mənim universitetlərim” (Maksim Qorki)- Çağdaş rus ədəbiyyatının banilərindən sayılan Maksim Qorkinin bu əsəri avtobioqrafik əsərdi. Bir gəncin çətinliklərə rəğmən, oxumaq sevdasından, kitaba olan aşırı sevdasından çox böyük ürək yanğısı ilə bəhs olunur. Bu səbəbdən də “Mənim universitetlərim”i oxuyanlar kitabı ikiqat sevəcəklər.3- “Boyalı quş” – Polyak əsilli yazıçı Jorzi Kosinskinin yazdığı roman da insan həyatının əzablı mərhələləri, addımbaşı qarşılaşdığı, biri-birini əvəz edən çətinliklər oxucuda təşviş, narahatlıq yaradır. Oxucu II Dünya Müharibəsi zamanı valideynlərini itirən, nə yolla olursa, olsun özünün sağ qalmasına çalışan uşağın yaşantılarından qətiyyən də olsa, ayrılmaqistəmir. Psixoloji təsirə uğrayan oxucu insan taleyinin çoxrəngliliyi ilə yenidən tanış olmaq üçün bu romandan sonra kitablara müraciət edir;4-“Çərpələng uçuran” – son illərin bestsellerlərindən olan, əfqan əsilli yazıçı Xalid Hüseyninin qələmə aldığı roman bədii keyfiyyət cəhətdən o qədər də güclü əsər sayılmasa da, insan yaşantılarının, məhv olmuş cəmiyyətin faciəsini ustalıqla əks etdirir. Romanın özəlliyi odur ki, insan özünün hadisələrin içində hiss edə bilir, oxucu faciənin tərkib hissəsindən birinə çevrilir. Bu səbəbdən də “Çərpələng uçuran”ın dünya bestselleri olması təəccüblə qarşılanmamalıdır. Bir xalqın acı taleyindən bəhs edən romanın təsiri başqa kitabların da mütaliəsinə yol açır;5.”Şəkərli portağal”- 1968-ci ildə yazıçı Xose Vaskonselos tərəfindən qələmə alınan roman bir uşağın nağıl dünyasının təsvirindən başqa bir şey deyil. Uşaq özünün sağ, təmiz nağıl dili ilə romanı təsvir edir. Oxucu romana varanda özünün nağıllar dünyasında hiss edir. Bir növ şüuraltı zonasına səyahət etmiş olur. Bu səbəbdən də insan özünün axtardığı nağılları dünyasına yenidən baş vurmaq üçün başqa kitablara müraciət etməli olur.Elmin Nuri


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler