Musavat.az
Musavat.az




Müsavat » Xeberler» Xeber

“İndi bizim padşahımız sizsiniz…” – Vahid Mustafayev

02 Eylül 2016

1:08 pm


02/09/2016 [17:07]: xeber –
Bu gün 1 saylı Bakı İnzibati-İqtisad Məhkəməsində “ANS ÇM”in lisenziyasının ləğv edilməsi və ANS TV-nin fəaliyyətinin 1 ay müddətinə dayandırılması barədə Milli Televiziya və Radio Şurasının qərarlarından verilən şikayətə baxılır. Proses başlayıb. ANS rəhbərliyi Vahid Mustafayev və Mirşahin Ağayev başda olmaqla kanalın bir çox əməkdaşı iclasda iştirak edir.”ANS ÇM”in lisenziyasının ləğv edilməsi qərarından verilən şikayət üzrə keçirilən prosesdə iddiaçı tərəfin vəkili Raqib Mustafayev vəsatətlə çıxış edib. Bildirib ki, cavabdeh MTRŞ-nin hərəkətləri nəticəsində şirkətə külli-miqdarda maddi zərər dəyib: “Bizim 1000-ə yaxın əməkdaşımız işsiz qalaraq əmək haqqını ala bilmir. Biz işin Ali Məhkəməyə gedəcək müddətə dözmək fikrimiz yoxdur. Ona görə də xahiş edirik ki, müvəqqəti olaraq 18 iyul tarixli qərarın ləğv edilməsi və ANS ÇM-in fəaliyyətinin bərpa edilməsi ilə bağlı qərar qəbul edəsiniz”.MTRŞ-nin Aparat rəhbəri Toğrul Məmmıdov vəsatətə münasibət bildirərək təmin edilməməsini istəyib.V.Mustafayev deyib ki, onlara heç bir qərar təqdim edilmədən polislər binaya gələrək qapıları bağlayıb: “Biz bu gün binaya daxil ola bilmirik, avadanlıqlarımızı götürə, onlara qulluq edə bilmirik. Hətta xadimələrimiz belə ora girib təmizlik işi apara bilmir. Prezidentin 1 iyun 2016-cı il tarixli sərəncamı ilə lisenziyanın ləğv edilməsi səlahiyyətləri İqtisadiyyat Nazirliyinə verilib. Bu qurum necə ola bilər ki, bizim lisenziyanı ləğv etsin? Hər kəsə bildirirəm ki, bugünkü hərəkətlərinə görə ehtiyatlı olsunlar. Ki, sabah xalq onlardan hesab soranda, onun qarşısında utanmasınlar”.ANS ÇM-in lisenziyasının ləğv edilməsi barədə qərar məhkəmədə iddiaçı tərəfə təqdim edilib.Vəkil bildirib ki, “ANS Kommers” şirkəti ANS ÇM-in reklam işləri ilə məşğul olub və maddi tərəfdən təmin edib. “ANS Kommers” 18 iyul qərarından sonra reklamlar efirə verilə bilməyib və müştərilər qarşısında borclu qalıb.V.Mustafayev deyib ki, beynəlxalq şirkətlərin də hüquqları pozulub: “Biz hələ ki onların bu işə qarışmasının qarşısını alırıq və onlara deyirik ki, bizim dövlət bu işi həll edəcək. “ANS Kommers” şirkətinə yüz minlərlə dollar dəyərində ziyan dəyib”.İddiaçı tərəf “ANS Kommers” şirkətinin və “ANS ÇM”in təsisçisi “ANS Şirkətlər Qrupu”nun üçüncü şəxs qismində məhkəmə prosesinə cəlb edilməsi barədə vəsatət verib. Məhkəmə vəsatətləri təmin etməyib.Vəkil Raqif Mustafayev çıxış edərək deyib ki, məhkəmənin ədalətliliyinə, qərəzsizliyinə şübhə edirlər: “Xahiş edirik, sizə etiraz vermək üçün bizə vaxt verəsiniz”.V.Mustafayev çıxış edərək deyib ki, hakim vəsatətləri rədd edərkən heç bir izahat vermir: “Biz bilmək istəyirik hansı səbəblə vəsatətləri rədd edirsiz? Bizim günahımız nədir? Bu adam (MTRŞ aparat rəhbəri Toğrul Məmmədov – red.) ayağa durub nəsə deyir, ona deyirsiz düzdü. Biz deyirik, rədd edirsiz. O adam nə desə düz olur? Burada ciddi bir proses gedir. Siz dövlət imtahanı verirsiz. Biz xarici holdinqləri, “Proctel&Gembl”, “Mars”, “Snikers” kimi holdinqləri Azərbaycana dəvət etmişik, gəlib ölkəyə sərmayə qoyublar. İndi onlar bizdən pullarını tələb edirlər. Mən onlara nə cavab verim? Onlar sabah digər televiziyalardan, radiolardan da pullarını çəkəcəklər. Çünki artıq inanmırlar. Bizə deyirlər ki, necə ola bilər bir günün içində televiziya bağlansın? Bizə kömək edin, onlara bir cavab verək. Heç kim bizi öldürmək istəmir, olsaydı indi ikimiz də türmədəydik. Bizim digər şirkətlərimiz işləyir, hər şey də yaxşıdı. Bu ölkədə bizim düşmənimiz yoxdur. Amma əməkdaşlarımız arasında ailə üzvləri xəstə olanlar var. Sevda xanımın anası xərçəng xəstəsidir, hər gün onun qanını dəyişirik. Cənab hakim, indi bizim padşahımız sizsiniz. Bizi öldürməyin, sabah yenə bizə ehtiyacınız ola bilər. Çingiz Mustafayevin oğlu Fuad Musyafayev burdadı, ona deyin görək, radio niyə bağlanıb?”.İddiaçı tərəf bu gün əldə etdikləri qərarla tanış olmaq, həmin qərarla bağlı əlavə sənədlər təqdim etmək üçün vaxt istəyib.”ANS ÇM” onlara dəyən maddi ziyanla bağlı MTRŞ-dən 1 milyon manat tutulub onlara verilməsi ilə bağlı iddia qaldırıb. MTRŞ iddiadan etiraz verib. “ANS ÇM” nümayəndəsi etirazla tanış olmaq üçün vaxt istəyib.(Qafqazinfo)


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler