Musavat.az
Musavat.az




Müsavat » Xeberler» Xeber

İlahiyyatçı Ayetullah Xameneyinin fetvasını ele saldı…

15 Eylül 2016

6:52 am


15/09/2016 [10:49]: xeber –
İranla Səudiyyə Ərəbistanı arasındakı ötən ilki Həcc ziyarətindən başlanan qarşıdurma, ədavət özünü daha eybəcər formada göstərməyə başlayıb. Belə ki, İranın dini lideri Ayətullah Xameneyi ölkə əhalisinin Kəbəyə deyil, Kərbalaya gedərkən də Həcc ziyarətini yerinə yetirmiş olduqları barədə anormal fətva verib. Müqəddəs Qurani-Kərimdə Kəbə evinin ziyarəti haqqında çoxlu sayda ayə varkən ali dini liderin bu fətvanı verməsi birmənalı qarşılanmayıb. Mövzu ilə əlaqədar ilhayiyyat üzrə fəlsəfə doktoru Əkrəm Həsənov sayt-a aşağıdakıları bildirib: “İslam dini mənbələri ilə birlikdə təhrifdən uzaq, buna baxmayaraq dinamik, adət-ənənələrə hörmət göstərən bir dindir. Məhəmməd peyğəmbərin (s.ə.s) vaxtından islam dini yayıldıqca adət-ənənəyə hörmətlə yanaşırdı. Hətta Peyğəmbərdən sonrakı xəlifələrin vaxtında belə din bütün dünyaya yayılırdı, buna baxmayaraq yayıldığı ərazilərin adət-ənənələrinə toxunmurdu. Yanlışları düzəldir, düz olanları isə sabit saxlayırdı. Beləliklə də bütün dünyada müxtəlif mədəniyyətlər islama qarışaraq islam mədəniyyəti yer üzərinə yayıldı və hələ də yayılmaqda davam edir. Dinimizdə ibadət məsələləri dəyişməz və təhrif edilməzdir. Ancaq müamilət deyilən adət – ənənə və müxtəlif mədəniyyətlər zaman-zaman dəyişkənliyə məruz qalmışdır. Buna baxmayaraq dinimiz öz ibadət və ayin formalarında heç bir dəyişikliyə, təhrifə məruz qalmamışdır. Bunu etməyə cəhd edənlər isə buna nail ola bilməmişlər. İslamda olan ibadətlərin əsası üç böyük qaynaq olan Qurani Kərim, hədislər və alimlərin icmasından götürülmüşdür. Bir ibadəti icra etmək üçün o ibadətin Allahın əmr etməsi, daha sonra Peyğəmbərimizin onu icra etmə şəkli və alimlərin bunu açıqlaması formasında təzahür etmişdir. Islam dini möhkəm ibadətləri ilə yaşanan din halına gəlmişdir. İbadətlər insanların mədəniyyətinə, mənəviyyatına böyük güc qatmışdır. Dini ibadətlərdə edilən artıqlıqlar dindən hesab edilməmişdir. Həm Quran ayələrində mövcud olmayan, həm də Peyğəmbərin demədiyi, etmədiyi heç bir ibadət növü mənbələrdə bildirilməmişdir. Şəhadət kəliməsindən tutmuş, namaz qılmaq, zəkat vermək, oruc tutmaq, qurban kəsmək, həccə getmək və s. kimi vacib ibadətlərin hamısı Qurani Kərimdə Allah təala tərəfindən əmr olunmuş və Məhəmməd peyğəmbərin hədislərdində və alimlərin açıqlamaları ilə o ibadətlərin keyfiyyəti əyani şəkildə göstərilmişdir. Bu ibadətlərdən biri də həcc ibadətidir. Allah Təala Qurani Kərimdə həccə getməyi əmr etmiş, Məhəmməd peyğəmbər (s.ə.s) Həccin bütün ayinlərini öz səhabələrinə göstərək öyrətmişdir. Qurani Kərimdə Məkkə ibadət yeri olaraq göstərilmişdir. Allahu Təala Ali İmran surəsinin 97-ci ayəsində belə buyurub: “Onun yoluna (ərzaq, minik və sağlamlıq baxımından) gücü çatan hər bir kəsin Həccə gedib o evi ziyarət etməsi insanların Allah qarşısında borcudur. Kim bunu (bu borcu) inkar edərsə (özünə zülm etmiş olar). Əlbəttə, Allah aləmlərə (heç kəsə) möhtac deyildir!”. Peyğəmbərimiz də (s.a.s) belə buyurub: “Allahu Təala sizə həcc etməyi fərz buyurub, həcc edin!”. Həmçinin hamı bilir ki, həcc ibadətini etmək üçün Məkkəyə getmək lazımdır. Çünki, mübarək hesab edilən Həcərül Əsvəd, yəni Qara Daş məhz Məkkədədir. Həmçinin Məkkə Adəm peyğəmbərin vaxtından ibadətgah olmuşdur. Məkkənin həcc üçün olması Quran ayələri, hədislərlə sabitdir. Hansısa başqa ölkənin şəhərini Məkkə kimi qəbul etmək, başqa diyarda həcc ibadəti təşkil etmək dinimizə görə qadağandır, eyni zamanda bu əsl ibadət sayılmır. Belə edənlər dində yeni bir yer və yeni bir ayin forması uydurmuş olurlar ki, Allahın elçisi dində yeni uydurulan ibadət formasının və ayinin qəbul olunmayacağını bir hədisində xəbər vermişdir. Peyğəmbərimiz buyurub ki, “kim bizim bu islam dinimizdə bir yenilik, din adı altında bir yer, bir ibadət forması çıxararsa onun etdiyi ayin və ibadət Allah tərəfindən qəbul olunmaz və geri qaytarılar”. Beləliklə həmin şəxs boş və mənasız bir iş tutmuş olar. Həmçinin Peyğəmbərimiz hər bir dini yeniliyin bidət olduğunu, hər bir bidətin, dini yeniliyin zəlalət olduğunu və hər zəlalətin Cəhənnəmdə olduğunu xəbər vermişdir. Ona görə də çalışmaq lazımdır ki, islam dinində ibadətlərdə yeniliklərdən uzaq qalaq. Belə əməl edənlərin də əməllərinin Allah tərəfindən qəbul olunmadığını onlara izah etmək lazımdır”.Mehman Nəbiyev


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler