Musavat.az
Musavat.az




Müsavat » Xeberler» Xeber

Hüseyn xan Naxçıvanskinin heykelinin temel daşının qoyma merasimi keçirildi – Fotolar

25 Ekim 2016

10:04 am


25/10/2016 [14:03]: xeber –
21 oktyabrda Rusiyanın Sankt-Peterburq şəhərində Rusiya imperiyasının azərbaycan əsilli hərbi xadimi Hüseyn xan Naxçıvanskinin heykəlinin təməl daşının qoyma mərasimi keçirilib. Hüseyn xan Naxçıvanskinin heykəlinin Sankt-Peterburqda ucaldılmasının layihəsini şəhər administrasiyasının dəstəyi ilə “azərbaycanlıların dostları”Naxçıvan”cəmiyyəti” adlı regional ictimai təşkilatı həyata keçirir. Heykəlin ucaldılması ilə bağlı qətnamə 2015-ci ilin 16 noyabr tarixində Sankt-Peterburqun qubernatoru Qeorqi Poltavçenko tərəfindən imzalanmışdır. Abidənin müəllifləri heykəltəraş Boris Petrov və memar Qenadi Peyçevdir. Abidənin təməl daşının qoyma mərasimində Sankt-Peterburqun ictimai və mədəniyyət xadimləri, ziyalılar, ukrayna, belorus, tacik, özbəy və digər diaspor təşkilatlarının nümayəndələri iştirak ediblər. “Azərbaycanlıların dostları”Naxçıvan”cəmiyyəti”nin sədri İdris Qəhrəmanov layihənin vacibliyini vurğulayıb:”Ədalətsiz unudulmuş bütün qəhramanların tapmaq, onların adlarını əbədiləşdirmək bizim borcumuzdur. Gələcək nəsillər öz qəhəmanlarını tanımalı və yaşadığımız əmin-amanlığı qorumaq üçün vətənpərvərliyin qiymətini bilməlidirlər”- deyə İ.Qəhrəmanov bildirib. Tədbirin aparıcısı Viktor Konetski adına Dəniz Fondunun baş direktoru Tatyana Akulova-Konetskaya iştirakçılara Hüseyn xan Naxçıvanskinin böyük döyüş xidmətlərindən danışıb. O qeyd edib ki, Hüseyn xan Naxçıvanskinin yaddaşının əbədiləşdirilməsi fikri öncə Rus pravoslav kilsəsinin Sankt-Peterburq Yeparxiyasının tərəfindən söylənmişdi. Sankt-Peterburqun və Rusiyanın Şimalı-Qərb regionunun müftisi Ravil Pançeyev çıxışında bildirib ki, Rusiya hər zaman öz qəhramanları ilə tanınıb: “Bu abidə şanlı döyüşçüyə, dincə bir müsəlmana həsr olunmuşdur. Hüseyn xan Naxçıvanski şərəflə, inamla və həqiqətlə Rusiya taxtına və Rusiya dövlətinə xidmət edirdi. Bu açıq nümunədir ki, Rusiyanın ənənəvi dinlərinin, o cümlədən islamın, mənəvi dəyərləri həmişə bizim milli şüurumuzun əsasını təşkil edib. Bu gün bu dəyərlər Rusiya cəmiyyətinin mənəvi-əxlaqi yenilməsinə xidmət edir,”- deyə R.Pançeyev qeyd edib. General-leytenant Aleksandr Volox qeyd edib ki, Hüseyn xan Naxçıvanskinin həyatı sücaət, vətənə sədaqətli xidmətin nümunəsidir. “Belə nümunələr gənc kursantlar və zabitlərə əllərində silahla vətənin müdafiəsi üçün daşıdığı şəxsi məsuliyyəti daha dərin dərk etməyə icazə verir, “- deyə general-leytenant bildirib. Tanınmış rus yazıçı-publisist, Sankt-Peterburq mədəniyyət və incəsənət universitetinin professoru, məşhur “Qarabağ gündəliyi” və “Qarabağ qan girdabında” kitablarının müəllifi Yuriy Pompeyev abidənin ucaldılmasının tarixi vacibliyini vurğulayıb:”Rusiya dövlətinin tarixi hərbi yaddaşını qoruyub saxlamaq və haqsız unudulmuş qəhrəmanların adlarını dirçəltmək çox əhəmiyyətlidir. Belə qəhramanlardan biri şübhəsiz Azərbaycan xalqının şanlı oğlu Hüseyn xan Naxçıvanski olub,”- deyə Pompeyev qeyd edib. Tarixçı, Aleksandr Tarixi cəmiyyətinin sədri Dmitri Matlin, rejiser və kinodramaturq, Hüseyn xan Naxçıvanskiyə həsr olunmuş “Şərəf adamı” sənədli filmin müəllifi Valentina Qurkalenko, Rus pravoslav kilsəsinin Sankt-Peterburq Yeparxiyasının nümayəndəsi Aleksandr Pelin ata, Sankt-Peterburqun Petroqrad rayonun və Knyaz-Vladimir kilsəsinin baş keşişi Vladimir Sorokin ata çıxışlarında layihənin əhəmiyyətini qeyd edib, abidənin hazırlanması, ucaldılması üçün “Azərbaycanlıların dostları”Naxçıvan”cəmiyyəti”nin sədri İdris Qəhrəmanova təşəkkürlərini bildiriblər. Sonra təməl daşının təntənəli açılış mərasimi baş tutub. Daşın üstündə yazılıb: “Bu yerdə Rus-Yapon və Birinci dünya müharibələrin qəhrəmanı, süvari qoşunlar generalı, general-adyutant, Rusiya İmperatorunun son cəngavərlərindən biri, döyüşçü Hüsüyn xan Naxçıvanskinin abidəsi ucaldılacaqdır, hansı ki şərəflə, inamla və həqiqətlə Taxta və Vətənə xidmət edirdi”. Qeyd edək ki, təməl daşı Əlövsət Mövsümov tərəfindən hazırlanıb və Sankt-Peterburqun Malaya Posadskaya küçəsində yerləşən bağçada qoyulub.


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler