Musavat.az
Musavat.az




Müsavat » Xeberler» Xeber

“Horizon-2020” çerçive proqramına hesr olunan konfrans öz işine başlayıb

15 Eylül 2016

3:20 pm


15/09/2016 [19:19]: xeber –
Sentyabrın 15-də Azərbaycan Dövlət Neft və Sənaye Universitetində (ADNSU) Avropa İttifaqının “Horizon-2020” Tədqiqat və İnnovasiya proqramı çərçivəsində iki günlük konfransöz işinə başlayıb. Konfransda İsrail, Fransa, Macarıstan, Latviya, Ukrayna və Gürcüstanlı ekspertlər, eləcə də ADNSU-nun professor və müəllim heyəti və digər ali məktəblərin nümayəndələri iştirak edib.Konfransı giriş sözü ilə açan Avropa Birliyinin HORİZON2020 Elmi Tədqiqat və İnnovasiya proqramının Azərbaycanda İKT və FET (Gələcəyin Qabaqcıl Texnologiyaları) üzrə milli təmsilçisi, texniki elmlər namizədi Tofiq Babayev ADNSU-nun rektoru prof M.Babanlıya universitetdə layihələrə dəstək verdiyi üçün təşəkkürünü bildirib. Daha sonra proqram haqqında iştirakçılara məlumat verib. Avropa Birliyinin bu proqramlarının Azərbaycan tədqiqatçıları üçün böyük imkanlar açdığını diqqətə çatdırıb.ADNSU-nun rektoru professoru Mustafa Babanlı qonaqları salamlayaraq “Horizon-2020”-nin üstünlüklərindən danışıb.“Horizon-2020” çərçivə proqramına ev sahibliyi etmək bizim üçün çox əhəmiyyətlidir. Bu səbəbdən də Tofiq müəllimə baza kimi bizim universiteti seçdiyi üçün təşəkkür edirəm. Ikili proqramların həyata keçirildiyi, xarici universitetlərlə elmi əməkdaşlığın qurulduğu bir vaxtda bu cür layihələrin üzərində işləmək lazımdır. Bu sahədə hər kəsə uğurlar arzu edirəm”-deyə rektor prof M. Babanlı bildirib.Konfransda iştirak edən “Horizon-2020” Tədqiqat və İnnovasiya proqramının iştirakçısı olan İsrail, Fransa, Macarıstan, Latviya, Ukrayna və Gürcüstanlı ekspertləröz ölkələrində proqram çərçivəsində həyata keçirilən işlərdən və layihələrdən danışıblar. Onlar Proqramın ölkələrindəki tarixi və fəaliyyət istiqamətləri, bu günə kimi qəbul olunan layihələr haqqında məlumat veriblər. “Horizon-2020”-nin beynəlxlaq əməkdaşlıq layihəsi olduğunu diqqətə çatdıran nümayəndələr bu proqqramın bütün dünyada tətbiq olunduğunu deyiblər. Konfrans ümumi müzakirələr və nümayəndələrin layihədə iştirak etməklə bağlı təcrübə mübadiləsi ilə davam edib.Qeyd edək ki, konfransın keçirilməsində əsas məqsəd ADNSU-nun bu proqrama qoşulması və əməkdaşlıq əlaqələrinin qurulmasıdır. “Horizon-2020” və ya Avropa İttifaqının Elmi tədqiqatların və texnologiyaların inkişafı üzrə səkkizinci çərçivə proqramı Avropa tədqiqat məkanında elmi axtarışların dəstəklənməsi və təşviq olunması üçün Avropa Birliyinin yeddillik maliyyələşmə proqramıdır. 2014-2020-ci illəri əhatə edən Proqramın büdcəsi 80 milyard avrodur.


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler