Musavat.az
Musavat.az




Müsavat » Xeberler» Xeber

“Hetta Elçibeyin Defn Komissiyasının sedri de müeyyenleşmişdi” Eks prezidentin kömekçisinden şok açıqlama

Genel 18 Haziran 2016

12:24 pm


18/06/2016 [16:23]: xeber –
4 iyun qiyamının 23 cü ildönümü əvvəlki ildönümlərdən xeyli fərqləndi və demək olar ki, həmin hadisələrin bütün iştirakçıları məhz tanınmış hüquqşünas, vaxtilə həmin hadisələrin istintaqına cəlb olunmuş Aslan İsmayılovun sayt-a sensasion müsahibəsindən sonra məsələyə münasibət bildirdilər. İyunun 17-si Milli Qvardiyanın komandiri olmuş və həmin vaxt xəyanət nəticəsində aldadılaraq Surət Hüseynovun adamlarına təhvil verildiyindən, bir müddət Gəncədə girovluqda saxlanılan Əzizağa Süleymanov da sayt -a yazı göndərərək həmin hadisə iştirakçılarının açıqlamalarına münasibət bildirmişdi.Eks prezident Əbülfəz Elçibəyin köməkçisi Oqtay Qasımov Milli Qvardiyanın komandiri olmuş, polkovnik Əzizağa Süleymanovun yazısında adının çəkildiyi və bəzi məqamlarda ciddi təhriflərə yol verildiyini iddia edərək həmin fikirlərə sayt vasitəsilə münasibət bildirib:”Saytınızın 17 iyun tarixli buraxılışında istefada olan polkovnik Əzizağa Süleymanovun məqaləsini oxudum. Qeyd olunan hadisələrin baş verdiyi zaman  Gəncədə Surət Hüseynovun girovluğunda olan Əzizağa müəllimin  yazısında  adım çəkildiyi və bəzi məqamlarda ciddi təhriflərə yol verildiyi  üçün polemika açmaq niyyətində olmadan həmin fikirlərə qısa münasibət bildirməyi məqsədə uyğun saydım. 1. Prezidentə sui-qəsd ediləcəyi ilə bağlı məlumatlar müvafiq orqanlara, o cümlədən Mühafizə Xidmətinə də daxil olurdu. Vəziyyət kifayət qədər ciddi idi və hətta Dəfn Komissiyasının sədri də müəyyənləşmişdi. Mühafizə Xidməti prezidenti qorumağa dediyiniz kimi “başı ilə cavabdehdir”. Xidmət əməkdaşları arasında belələri kifayət qədər olsa da, 1992-ci ilin mayında bildiyimiz fərqli mənzərəni də unutmaq olmaz.2. Rəhmətlik Məzahir Bağırov AXC Rəyasət Heyətinin üzvü olmayıb, Milli Qvardiya Komandanının köməkçisi yox, müavini idi. Digər müavin səhv etmirəmsə T. Nəsirov idi.3. M.Bağırovun təyinatına gəlincə, Əzizağa müəllim bilməmiş olmaz ki, prezidentin köməkçisi kadr təyinatı ilə məşğul olmur, sərəncam-fərman hazırlamır. Bununla siyasi rəhbərlikdəki şəxslər və müvafiq şöbələr məşğul olur.  M.Bağırovun təyinatı da bu qəbildəndir və həm də müvəqqəti xarakter daşıyıb. 5. Ən qəribəsi Prezidentin Şəxsi Mühafizə Xidmətinin rəisi polkovnik Oqtay Məmmədovla birbaşa iştirakçısı olduğumuz hadisə yumşaq desək “təhrif” edilib. Guya həmin gecə Prezidenti Kələkiyə Milli Məclis sədrinin mühafizə xidmətinin rəisi Sabir Byramov və MX-nin peşəkar əməkdaşları müşayət edib, 3 gün sonra Bakıya qayıdıblar. Bu məlumatı cənab polkovnikin haradan alması məlum deyil,amma bunun absurd yalan olduğunu bildirirəm. Elçibəyi Kələkiyə müşayət edənlər-MX-nin rəisi polkovnik Oqtay Məmmədov, mühafizəçi Ədalət Məmmədov (qardaşı oğlu), mühafizəçi İlqar Qədirquluyev  və sürücüsü Xəlil Qəniyev olub. Sabahı gün 18 iyun saat 13-də mən Kələkidə olmuşam. 6. Əzizağa müəllim yazır ki, Naxçıvanda prezidentin təyyarəsi enəndən sonra onu  mühafizə edən Elçibəyin yaxın qohumunun əlindəki avtomatdan açılan müəmmalı atəşdən təyyarənin qanadı deşilib. Nəzərinizə çatdırım ki, təyyarənin mühafizəsi ilə Elçibəyin qohumları yox, Naxçıvan aeroportunun Hərbiləşdirilmiş Mühafizə Dəstəsi məşğul olub və atəş də onların əməkdaşlarından birinin silahından açılmışdı. Elçibəyin bu qurumda heç bir qohumu işləməyib. Atəş isə 7 iyul 1993-cü ildə Elçibəyin yaxın günlərdə Bakıya dönmək istədiyi haqda verdiyi bəyanatdan sonra açılıb.Əvvəlcədən təşəkkür edirəm.”




Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler