Musavat.az
Musavat.az




Müsavat » Xeberler» Xeber

Herbi ekspert “İsgender” raketinden yazdı – Ermeni avantürası…

26 Eylül 2016

8:00 pm


26/09/2016 [23:56]: xeber –
Hərbi ekspert: “İskander” Ermənistan kimi eni-uzunu 100, 200 km olan ölkə ərazisində asanlıqla təsbit olunub, məhv edilir və müharibənin gedişinə təsir etmir”, “İskander” raket komplekslərinin Ermənistana verilməsi ətrafında erməni və bəzi rus mediaları qaldırdıqları süni, bəzən isə səmimi şadyanlıq ajiotajı azərbaycanlılara böyük təəsurat bağışlamadı.Xüsusən gənclər xəbərə hərbi bilincli və hazırlıqlı yanaşdılar. İnternet-məkanın bu sahədə fəal istifadəçisi kimi rast gəldiyim reaksiyalarda, oxuduğum şərhlərdə, iştirak etdiyim müzakirələrdə gənclərdə əvvəlki illərə, aylara nisbətdə diqqətəçarpıcı yüksək hərbi senz və kütləvilik müşahidə etdim. Proses yüksəliş tendensiyası ilə davam edir.Hərbi maariflənmə düşmənin informasiya və psixoloji təsirlərinə qarşı cəmiyətin imunitetini möhkəmləndirir, onu yersiz və əsassız təşvişlərə düşməkdən qoruyur. Bu isə müasir müharibələrin müstəqil növü olan informasiya müharibəsində cəmiyətə ən lazım olan və tərbiyə olunmalı keyfiyətdir. Operativ-taktiki raket kompleksi(OTRK)“İskander”in təyinatı, düşmən müdafiə sisteminin və ərazisinin dərinində yerləşən mühüm hərbi obyektləri və infrastruktur obyektlərini yüksək dəqiqli(“nöqtəvi”)zərbə ilə məhv etməkdir.Rusiya hərbi sənayəsinə bağlı internet-resurlsarın “qarşısıalınmaz” kimi “PR” etdikləri operativ-taktiki raket kompleksi(OTRK) “İskander”, sovet raket konstruktorların 80-ci illərdə “hazırlıqlarındandır”. Kompleks ilk dəfə 1999 ildə nümayiş etdirilmişdi. “İskander” döyüş tətbiqini keçməyib(Gürcüstanla bağlı (yeganə)fakt təsdiq olunmayıb və zəif dəlilərə söykənir). Təlim tətbiqlərində göstərdiyi nəticələr tam açıqlanmır. Döyüşün fəal əks-təsir şəraitində özünü necə göstərəcək, naməlumdu. Buna görə “İskander”lərdən danışarkən, onun bəyan olunmuş taktiki-texniki göstəriciləri və silahlanmada əvəzlədiyi raketlərin (olubsa)döyüş tətbiqinin nəticələri və imkanları əsasında təxmini fikir yürüdülür. “İskander” barədə yüksək fikirlər geniş yayılsa da, tənqidi fikirdə olan bir sıra Rusiyalı və digər ölkələrin raketçi-generalları var. Hərbi-texniki incəliklərə və mübahisələrə girməyə lüzum görmürəm. Düşmən onu əldə edibsə, belə yanaşaq ki, “İskander”-in bütün bəyan edilən göstəriciləri realda belədi. Hərbidən uzaq insanlarımızın əsas narahatçılığı erməni kriminal rejimin “İskander”lə bizim böyük şəhərləri, “Bakını vurmaq imkanı yaranırmı?” və genişlənirmi sualı ilə bağlı idi. Ermənilərin başında insanlıq əleyhinə və hərbi cinayətkarlar dursa da, “İskander” çox baha olduğuna və “nöqtəvi” təsirinə görə onunla məqsədyönlü şəkildə yaşayış məntəqələrimizi vurmaq qeyri-“effektivdi”. Erməni faşistlərinin yaşayış məntəqələrimizi atəşə tutacaqlarına yəqin ki, heç bir azərbaycanlıda şübhə yoxdu. Ancaq bunun üçün düşməndə başqa atəş sistemləri var. Hər bir halda yaşayış məntəqələrimizi atəşə tutan düşməni etibarlı şəkildə susdurmaq üçün ordumuzun gücü və vasitələri var. “İskander” barədə danışdıqda diqqətimizi onun atəş radiusunda yerləşən hərbi və infrastruktur obyektlərimizə mümkün təhlükədə cəmləşdirməliyik. Rusiya ordusunun silahlanmasında olan “İskander-M” atəş məsafəsi 500 km-ə qədərdir. “İskander-E”-in(Eksport)- maksimal atəş məsafəsi 280 km-dir(Rusiyanın da imzaladığı beynəlxalq sazişlərdə ixrac olunan raket komplekslərinə uçuş məsafəsi məhdudiyəti qoyulub- 300 km qədər). Fərq tək bunda deyil. “İskander-“E”-in qurğusunda bir raket olur, “M”-də iki raket. Tərəflərin raket-artilleriya vasitələrinin ümumi sayını və atəş qüdrətini müqayisə etsək, “İskander” ermənilərə nəinki üstünlük qazandırmır, bizimlə heç bərabərliyə də yaxınlaşdırmır. Bizim Hərbi Əməliyatlar Səhnəsində mümkün “raket müharibəsinin” gedişində ermənilərdə olan İskanderin “E” modifikasiyası sayına və atəş məsafəsinə görə nə aparıcı, nə həlledici atəş sistemi deyil. Komplekslərin sayın çoxaltmağa və onlara xidmət etməyə Ermənistanın nə maliyə, nə peşəkar kadr potensialı var. Mövcud olan “İskander”lərin müharibədə istifadəsi üçün Qarabağa gətiriləcəyi inandırıcı deyil çünki bizim vasitələr onları asanlıqla məhv edər. Deməli, Ermənistanın ərazisindən istifadə olunmalıdılar. Bunun siyasi nəticəsi müharibənin de-yure ölkələrarası müstəviyə keçməsi ola bilər. Ermənistan ərazisində qurğular atəş üçün sərhəddən ən yaxını 50-60 km geridə yerləşdiriləcəklər. Bununla raketin maksimal uçuş məsafəsinin 220-230 km-i bizim əraziyə düşəcək. Bu radiusda olan hərbi və infrastruktur(körpülər, qovşaqlar və s.)obyektlərimiz “İskander”-in zərbəsinə məruz qala bilərlər.Hərbi və mühüm infrastruktur obyektlər həmişə qarşı tərəflərin əsas hədəfləri olur. Onlar etibarlı şəkildə havadan və raket hücumlarından müdafiə sistemləriylə təmin olunublar. Ancaq hətta hər-hansı düşmən raketi hədəfinə çatsa belə, onun buraxılış yerinin(nöqtəsini) təsbit edilib, məhv edilməsi üçün Azərbaycanın geniş hərbi- texniki və coğrafi imkanları var. “İskander” kompleksi 6 ağır maşınlardan ibarətdir. Təkçə qurğu maşının çəkisi 43 tondu. OTRK-lar üçün sürətli manevr imkanları nəzərdə tutulmur. Onlar atıb, yerlərini tez dəyişə bilmirlər.“İskander”-in növbəti atəşi üçün 4-16 dəq. zaman tələb olunur. Bizim elektron və havadan müşahidə vasitələrimiz üçünsə kompleksin atəş mövqeyini təsbit etmək 3-4 saniyə tələb olunur. Bundan dərhal sonra OTRK-ı məhv edən vasitələrimiz işə salınır. Düşmən OTRK və reaktiv yayım atəş sistemlərini (RYAS) bizim elektron və hava vasitələrimiz daim müşayət edirlər. Onların bizim hərbi və infrastruktur obyektlərimizə müəyyən ziyan vuracağı istisna olunmasa da, böyük ehtimalla “İskander” və ermənilərdə olan digər OTRK-lar və uzaqvuran RYAS-i hələ döyüş mövqeyinə çıxarkən(hələ atəş açmadan)preventiv zərbələrimizlə məhv ediləcəklər. Bundan sonra sırada qalıb, atəş açmış komplekslər növbəti atəşə hazırlıq dəqiqələrində məhv ediləcəklər. Sual yarana bilər ki, bəs Rusiya öz silahlanmasına asanlıqla vurulacaq kompleksləri niyə qəbul edib? Cavab Rusiyanın malik olduğu kompleks sayında və coğrafiyasındadı. Bu silah Ermənistan kimi eni-uzunu 100, 200 km olan ölkə ərazisində asanlıqla təsbit olunub, məhv edilir və müharibənin gedişinə təsir etmir.Rusiya tərəfindən “heç kimə verilməmiş” “İskander”lərin Ermənistana verilməsinin hərbidən daha çox media əhəmiyəti, Ermənistan əhalisinə təsəlli təsiri və Rusiyanın Azərbaycana, məzmunca yeni olmayan, mesajı var. Bunlar doğru oxunarsa, “daşlar yerinə oturur”.Nazim Bayramov, Qarabağ müharibəsi iştirakçısı, ehtiyatda olan zabit


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler