Musavat.az
Musavat.az




Müsavat » Xeberler» Xeber

“Her zaman bestekarlarımızın müdafiesinde durmuşuq”

07 Kasım 2016

9:28 am


07/11/2016 [13:27]: xeber –
Bu günlərdə bəstəkar Aygün Səmədzadənin məşhur “Tut ağacı” mahnısı Türkiyənin “O səs Türkiyə” musiqi yarışmasında anonim kimi təqdim edildi. Hələ üstəlik mahnı məşhur “Tut ağacı boyunca” xalq mahnımızla qarışdırıldı. Mahnının müəllifi Aygün Səmədzadə də haqlı olaraq bu vəziyyəti xoş qarşılamadığını bildirdi.  Qeyd edək ki, belə hal ilk dəfə deyil ki, baş verir. Bundan əvvəllər də həm “O səs Türkiyə” yarışmasında, həm də digər proqramlarda dəfələrlə olub ki, Azərbaycan mahnıları anonim kimi təqdim edilib. Düzdür, qardaş ölkədə eyni qanı daşıdığımız Türk qardaşlarımızın bizim xalq və bəstəkar mahnılarımızı səsləndirməsi çox xoş hadisədir. Ancaq mahnılarımızın müəlliflərinin adının çəkilməməsi, həmçinin Azərbaycan xalq mahnısı olduğu qeyd edilməməsi heç də xoş deyil. Bu məsələdə düşmən xalqlardan gördüyümüz rəftarın eynisini qardaşlarımızdan görmək daha ağırdır.Maraqlıdır, aidiyyati qurumlar, əsasən də Azərbaycan Müəllif Hüquqları Agentliyi bu istiqamətdə hansısa işlər görürmü? sayt-ın bununla bağlı sualını Müəllif Hüquqları Agentliyinin sədri, professor Kamran İmanov cavablandırıb. Kamran İmanov bildirib ki, bununla bağlı tədbir görülür: “Türkiyənin Mədəniyyət Nazirliyinin nəzdində Telif Hakları Genel Müdürlüğü ilə sıx əlaqəmiz var. Bir dəfə bundan əvvəl bir mahnımızı anonim olaraq təqdim etmələrinə görə həmin idarəyə müraciət göndərmişdik. İndi də Aygün Səmədzadənin mahnısının anonim kimi təqdim edilməsindən xəbərimiz var və bununla bağlı da məktub hazırlanır. Belə faktlar əlbəttə ki, qəbuledilməzdir. Biz hər zaman öz bəstəkarlarımızın müdafiəsində durmuşuq və indi də axıra qədər də gedəcəyik”.Rumiyyə 


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler