Musavat.az
Musavat.az




Müsavat » Xeberler» Xeber

“Hacıbaladan xahiş edirem ki, mene 10 dene vedre bağışlasın”

30 Eylül 2016

10:44 am


30/09/2016 [14:41]: xeber –
“Gəlib bizim evimizin halını görsəz, həm gülərsiz, həm də ağlayarsız. İşlədiyim otağın pəncərəsinin arası belə uçub dağılmışdı, məcbur olub kleylə birtəhər yapışdırmışdım. Yağış yağdıqca kley də tab gətirmədi, indi yağış birbaşa içəri, düz kitablarımın üstünə yağır. Bununla bağlı prezidentə konkret faktlarla, səbəblərlə açıq müraciət edəcəm. Ancaq hələ ki, Hacıbaladan xahiş edirəm mənə bir 10 dənə vedrə alıb bağışlasın. Ev yüz yerdən damır deyə vedrə çatışmır. Mənə heç olmazsa vedrə versin nə olar… Deməkdən, danışmaqdan yorulmuşam artıq. İndi ancaq daman yerlərə vedrə düzməyə gücüm çatır.”Bu sözləri sayta açıqlamasında əməkdar incəsənət xadimi, kinorejissor Şeyx Əbdül Mahmudbəyli deyib.Paytaxta son günlər yağan yağışlardan sonra evində yaşamağın mümkünsüz olduğunu bildirən kinorejissor Bakı şəhər merindən ona vedrə göndərməsini xahiş edib: “Dünən ATV kanalında bir verilişdə idim. Bir xanım mənə yaxınlaşıb APU-nun psixologiya kafedrasının professoru olduğunu bildirdi. Dedi ki, hər ay tələbələr arasında sorğu keçiririk ki, Azərbaycanın tarixi, milli-mənəvi dəyərləri, milli əxlaqı və s. ilə bağlı iş görən, zəhmət çəkən ən yaxşı ziyalı kimdir. Bütün tələbələr həmin sorğuya cavab olaraq sizin adınızı yazıblar. Xanımın dediklərini ilk dəfəydi ki, eşidirdim, xəbərim yox idi bundan. Təşəkkür etdim, dedim ki, əlbəttə bu mənimçün xoşdur, ancaq mən gördüyüm işin müqabilində heç bir sağol, tərif gözləmirəm. Bu, mənim əxlaqımdan, genimdən gəlir. İndi bizim Hacıbala müəllimdən heç olmazsa bu tələbələrə xatir, onların rəyinə, fikirlərinə xatir mənə 5-10 vedrə alıb göndərməyini xahiş edirəm”.  Şeyx Əbdül Mahmudbəyli daha sonra bunları əlavə edib: “Bakının son iki gündə düşdüyü vəziyyət Hacıbalanın necə işlədiyini göstərdi. Konkret iki faktı deyəcəm: Birincisi, evimizin yanında tikilən yeraltı qarajda dəhşətli vəziyyət yaranmışdı, su boğaza qədər idi. İkincisi, srağagün axşam “Su səsi” deyilən məkanda toyda idim. İnanın ki, toy məkanından insanları hündür maşınlarla daşıyırdılar, su qurşaqdan yuxarı idi deyə adi maşınlar əraziyə girə bimirdi. Ən gülməlisi də odur ki, etdikləri bütün eybəcərlikləri, murdar niyyətlərini gətirib ulu öndərin adına bağlayırlar, biz də danışammırıq. Axı ulu öndər onlara deməyib ki, başdansovdu iş görün, sonra da mənim adımdan “xaltura” edin. Axı nə qədər bu addan istifadə etmək olar, bunun bir axırı olacaqmı? Bu Bakının nə günahı var ki, Hacıbala kimi bir adam neçə ildir Bakını rüsvay etməklə məşğuldur. Şəhərin mərkəzini nə qədər yükləmək olar? Qurduğu eskalatorlar işləmir, su, palçıq basır yeraltı keçidləri, camaat da bu keçidlərindən istifadə edə bilmir. Yolun üstündən də keçəndə polislər də tutub haqlı olaraq cərimə edirlər. Hacıbalanın bu xalqın üstündə hansı haqqı, hansı ixtiyarı var ki, başımıza bu oyunları açır? Bunu bir ağıllı adam mənə izah eləsin və mən də deyim ki, səhv eləmişəm, Hacıbala müəllim, məni bağışla. Kimin haqq, kimin nahaq olmasına gəldikdə, bu, haqq divanında aydın olacaq. Orada Hacıbalanın kreslosu ona kömək etməyəcək. Məni yandıran odur ki, bunlar kişilik etmir. Kişi olan şəxs vəzifə hesabına səbəbsiz yerə düşmənçilik, belə Allahsızlıq, haqsızlıq etməz. Hacıbala mənim üçün heç kimdir, oturduğu kreslodan onu tutub bayıra atsalar, heç kim ona salam verməz”. Rumiyyə


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler