Musavat.az
Musavat.az




Müsavat » Xeberler» Xeber

Güc nümayişi, yoxsa düşmene müharibe mesajı? – Ekspertlerden ilginc deyerlendirme…

20 Haziran 2016

6:32 am


20/06/2016 [10:29]: xeber –
Azərbaycan Silahlı Qüvvələri iyunun 19-dan 24-dək qoşunların idarəetmə orqanları, eləcə də birlik, birləşmə və hərbi hissələrin iştirakı ilə operativ-taktiki təlimlər keçirəcək. Bu barədə Müdafiə Nazirliyinin mətbuat xidməti məlumat yayıb. Məlumatda deyilir ki, müdafiə naziri Zakir Həsənovun rəhbərliyi altında keçiriləcək təlimlərə 25000 nəfərədək şəxsi heyət, 300-dən çox tank və zirehli döyüş maşını, 100-dən artıq raket və artilleriya qurğusu, 40-dək hərbi aviasiya və 30-dan çox hava hücumundan müdafiə sistemləri, Hərbi Dəniz Qüvvələrinin gəmi birləşməsi və Xüsusi Təyinatlı Qüvvələrin bölmələri cəlb olunacaq.Təlimlərin keçirilmə ərazisi olaraq cəbhəboyu zonada və Naxçıvan Muxtar Respublikasında yerləşən poliqonlar, eləcə də Xəzər dənizinin Azərbaycan sektoru müəyyən edilib. Mətbuat xidməti bildirir ki, təlimlərin əsas məqsədi birlik və birləşmə komandanlıqlarının qoşunların və döyüş sistemlərinin idarə edilməsi vərdişlərinin təkmilləşdirilməsindən, eləcə də ağır şəraitdə aparılan müasir ümumqoşun döyüşünün hərbi elementlərinin qarşılıqlı fəaliyyəti və döyüş uzlaşmasının səviyyəsinin artırılmasından ibarətdir. “Bu təlimlərin əsas xüsusiyyəti güclü müdafiəyə malik şərti düşmən nəzərə alınmaqla əməliyyatların silahlanmada olan yeni texnoloji vasitələrin və silahların geniş tətbiqi ilə keçirilməsidir. Təlimlər zamanı qoşunların yüksək döyüşə hazırolma səviyyəsinə gətirilmə qabiliyyəti, onların yenidən qruplaşması üzrə tədbirlərin keçirilməsi, həmçinin döyüş və maddi-texniki təminat məsələləri yoxlanılacaq. Təlimin mərhələlərindən birində döyüş atışları yerinə yetiriləcək” , – Müdafiə Nazirliyi bildirir.Azərbaycan Ordusunun təlimləri Azərbaycan və Ermənistan prezidentlərinin Sankt-Peterburq görüşünün keçirildiyi zamana təsadüf edir. Prezidentlər Sankt-Peterburqda iyunun 20-də görüşəcək. Yerli ekspertlər bu hərbi təlimləri həm də ehtimal edilən yeni hərbi əməliyyatlar qabağı bir mesaj kimi dəyərləndirirlər. Həmçinin təlimlər nəticə gözlənilməyən prezidentlərin görüşü ərəfəsində Rusiyaya mövqe nümayişi cəhdi kimi də dəyərləndirilir.Ekspert Elxan Şahinoğlu musavat.com-a bildirib ki, hərbi təlimlər əvvəldən planlaşdırıldığı kimi həyata keçirilir, ancaq burada bir mesaj da var: “Bu il üçün Müdafiə Nazirliyinin müəyyən planlaşdırması var, ona uyğun keçirilir. Amma buna baxmayaraq, düşünürəm ki, burada bir mesaj mahiyyəti də var. Yəni iyunun 20-də Azərbaycan və Ermənistan prezidentləri Rusiya prezidentinin vasitəçiliyi ilə Sankt-Peterburqda görüşəcəklər. Böyük ehtimalla, bu görüşdən də nəticə çıxmayacaq. Artıq Azərbaycan prezidenti İlham Əliyevin də bununla bağlı işartı xarakterli fikirləri olub. O bildirdi ki, biz daha iyirmi il danışıqlar aparası deyilik. Bu təlimlər bir növ mesajdır Rusiya prezidentinə, yəni biz uzun müddət bu şəkildə davam edə bilmərik. Yəni əgər Rusiya Ermənistan hakimiyyətinə təsir edərək Dağlıq Qarabağ ətrafındakı rayonların boşaldılmasını sürətləndirməyəcəksə, atəşkəs müvəqqəti xarakter daşıyacaq. Çünki yeni bir ideya yoxdur danışıqlarla bağlı. Yenə Kazan prinsiplərini masa üzərinə qoyacaqlar. Bu prinsiplər bizi tam olaraq razı salmır, orada referendumun tarixi ilə bağlı maddə var. Amma Putin aprel atəşkəsinin həm də memarıdır. Yəni sülhə nail olunmasa belə, çalışacaq ki, atəşkəs qorunsun. Çünki atəşkəs pozulsa, Putin simasını itirəcək. Ona görə çalışılır ki, atəşkəs uzun müddət davam etsin. Bu da bizim maraqlarımıza cavab vermir. Ona görə bu hərbi təlimlər vasitəsi ilə bir növ Rusiya hakimiyyətinə bir mesaj göndərilir ki, danışıqlarda nəticə olmazsa, növbəti aylarda atəşkəsin pozulması ehtimalı arta bilər”.Ekspert Üzeyir Cəfərov da musavat.com-a açıqlamasında qeyd edib ki, təlimlər əvvəlcədən planlaşdırılsa da, həm də güc nümayişidir: “Prezidentlərin görüşü ilə birbaşa əlaqəsi yoxdur. Hər bir hərbi təlim ölkənin gücünün və qüdrətinin göstəricisidir. Bu təlimlər ötən ildən planlaşdırılıb. Aprel hadisələrindən sonra prezidentlərin görüşü iyunun sonlarına razılaşdırıldı. Təlimlər də bu ərəfəyə düşdü. İyunun 26-sı silahlı qüvvələr günüdür. Bizdə bir qayda formalaşıb ki, təlimlər keçirilir, hətta ölkə başçısı bu təlimlərdə iştirak edir. Amma 25 min şəxsi heyət, yüzdən artıq artilleriya qurğusu böyük rəqəmdir. Ruslar bunu Azərbaycan tarixinin ən böyük hərbi təlimi kimi qeyd edirlər. Amma Azərbaycan say etibarı ilə bundan da möhtəşəm təlimlər keçirib. Əlbəttə, bu, beynəlxalq qurumlar üçün, xüsusən Rusiya üçün bir siqnal olmalıdır ki, Azərbaycan silahlı qüvvələri bu vəziyyətlə barışmaq niyyətində deyillər. Ölkə başçısı da Ramazanda iştirak etdiyi iftar süfrəsində bir daha açıq mesajla dedi ki, Azərbaycan bundan sonra daha iyirmi il dözmək niyyətində deyil. Bu, o deməkdir ki, tezliklə məsələ öz müsbət həllini tapmalıdır. Əgər tapmasa, sözsüz ki, Azərbaycan qərar qəbul edəcək”.Ekspertin sözlərinə görə, Dağlıq Qarabağla bağlı Azərbaycanın heç vaxt olmayan şansı var: “Yəni şans var ki, münaqişə hərbi baxımdan həllini tapsın. Çünki ATƏT bilir ki, yenə də Rusiya bu məsələni uzatmaq istəyir, bunun üçün ortaya hansısa planlar atacaq. Putinin hansısa planlarından danışılır. Əslinə qalsa, Putinin çox mühüm planı var. Mən ona görə mühüm adlandırıram ki, status-kvonun saxlanmasına hesablanmış addımlardır. Rusiyanın xarici işlər naziri Sergey Lavrov bu yaxınlarda yenə bəyan etdi ki, tərəflərə daha çox aprelin əvvəllərində baş verən hadisələr fonunda status-kvonun bu formada saxlanılması sərf edir. Bu da daha çox erməni və rus maraqlarına sərf edir. Azərbaycan bu vəziyyətlə barışmamalıdır. Hesab edirəm ki, bizim Xarici İşlər Nazirliyi daha sərt addımlar atmalıdır. Mən şəxsən çox narahatam, bu məsələni bu qədər uzatmaqla ortalıqda başqa niyyətlər var. Artıq ATƏT də başa düşür ki, Rusiya heç bir halda Dağlıq Qarabağ məsələsinin həllində maraqlı deyil. Aprel hadisələrindən iki aya vaxt keçib, Rusiya heç bir əməli addım atmaq istəmir. Əksinə, Ermənistanı şirnikləndirir, Ermənistana bəzi dəstəkləri var. Həm hərbi formada, həm diplomatik formada dəstək var. Xırda oyunlar ki, oynanılır, Rusiya qoşunları Ermənistandan çıxarılsın, yaxud başqa fikirlər, bunlar hamısı oyundur. Ermənistan da gözəl bilir ki, Rusiya olmasa, Ermənistan çökər. Rusiyanın da imkanları çox geniş deyil ki, özünə hansısa əlavə yük etsin. Təlimlər bu nöqteyi-nəzərdən mesaj olmalıdır ki, təsirli addımlar atsınlar. Təsirli addımlar atmasalar, ordu artıq gözləməkdən yorulub və vəziyyət yaxşı olmayacaq. Hərbi təlimlərin praktik tətbiqi ola bilər. Danışıqlar nəticə verməyəcək. Ermənilər növbəti təxribata can atacaq, Azərbaycan da bunun qarşılığında məcbur qalacaq ki, müəyyən addımlar atsın. Addımların da adı çox ağır silahlı toqquşmadır”.




Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler