Musavat.az
Musavat.az




Müsavat » Xeberler» Xeber

“Gözellikle bütün bağlı qapıları açmaq olar, ancaq…”

21 Ekim 2016

11:28 am


21/10/2016 [15:24]: xeber –
sayt  gənc bəstəkar, ifaçı Çilənay Hüseynova ilə müsahibəni təqdim edir. Qeyd edək ki, Ç.Hüseynova əməkdar artist Nuriyyə Hüseynovanın qızıdır.- Çilənay xanım, Nuriyyə Hüseynovanın övladı olmaq musiqi sahəsində olmaq üçün bir avantajdırmı, yoxsa heç zaman ananızın adından istifadə etməmisiniz?- Əlbəttə ki, cəmiyyətdə öz sənəti, peşəsi ilə öz sözünü demiş, ictimai bir insanın övladı olmaq bir addım öndə olmaq deməkdir. Amma tam səmimi deyirəm ki, bundan heç zaman istifadə etməmişəm. Bunu məni yaxından tanıyanlar da təsdiqləyə bilər. Nə məktəb illərində, nə akademiyada oxuduğum illərdə,  nə də yaşadığım sadə həyatda anamın adından istifadə etməyi ağlıma gətirməmişəm. Elə insanlar var ki, illərdir tanıyıram, salamım var, ancaq kimin övladı olduğumu bilmirəm. Demək istədiyim odur ki, Nuriyyə Hüseynovanın adından istifadə edib hansısa bir işimi həyata keçirməmişəm. Çünki valideynlərimə maraqlarım dairəsində baxmıram. – Bəs gözəlliyiniz  necə? Bircə dəfə olsun belə “Gözəlliyimlə bütün bağlı qapıları açaram” deyə düşünmüsünüzmü heç?- Hər zaman düşünmüşəm ki, gözəllik birtərəfli olmamalıdır. Belə bir məsəl var: “İnsanı gözəlliyinə görə qarşılayıb, ağlına görə yola salarlar”. Səmimi deyim ki, gözəlliklə bütün qapıları açmaq mümkün olmasa da, bir çox qapıları açmaq mümkün olar. Ancaq bu o zaman baş verər ki, həm də sənətimi layiqli şəkildə təqdim edə bilim. Baxın, o zaman hər ikisi, gözəl sənət və gözəllik birləşib çox gözəl bir tablo yaradar. Və bu tablo da gözəlliyə, sənətə, musiqiyə ximdət edər, zövləri, könülləri oxşayar.- Ananız kimi, ananız qədər sevilməyə  bunlar kifayət edərmi sizcə? – Doğru deyirsiniz ki, anam çox sevilir, çox tanınır və bu sevgiyə layiddir də. Anamın tam fərqli bir dəsti xətti, özünəməxsus tərzi, cəmiyyətdə bəlli bir yeri var. Və bu sevgini də zəhmətiylə, öz səsiylə, xarakteri ilə qazanıb. Amma mən hələ anam qədər sevilmək barəsində düşünmürəm. Çünki sevgi planlı bir şey deyil. Sevilmək üçün istedadla, sənətlə yanaşı zaman da lazımdır. Yəqin məni də zamanla bir ifaçı kimi, bəstəkar kimi qəbul edərlər, sevərlər, sevə-sevə dinləyərlər. Zamanla sənətimlə qəlblərə yol tapmağı bacararam. – Zaman lazımdır deyirsiniz,  halbuki ananız siz yaşda olanda artıq tanınırdı və sevilirdi… – Bilirsiniz, tanınmamağım tanınmamaq üçün can atmadığımdan irəli gəlir. Bu, həm də ailə, məişət qayğıları ilə bağlıdır. Bəli, anam mənim yaşda olanda artıq kifayət qədər pərəstişkarı, tamaşaçısı var idi. Çünki o zaman indikindən xeyli fərqlənirdi, onda indiki kimi ifaçı, bəstəçi bolluğu yox idi. İfaçılar barmaqla sayılası qədər idi. Televiziyaya hər əlinə mikrofon götürəni çıxartmırdılar. İndiki kimi restoran bolluğu yox idi və insanlar da ancaq sənəti, səsi olan ifaçıları məclislərinə dəvət edirdilər. O üzdən də ancaq  könülləri oxşaya bilən ifaçılar sənətdə qalırdılar, tanınırdılar, sevilirdilər. İndi isə səhnə sanki bir okeandır, qorxursan ki, içinə düşsən, itib batarsan. – Niyə tanınmaq, önə çıxmaq istəmirsiniz  axı? Buna ananız imkan vermir, yoxsa ailəniz?- Səmimiyyətimə inanın ki, tanınmağıma heç bir mane yoxdur. Əksinə mənim musiqiçi olmağımı anam istəyib. 6 yaşım olanda məni öz istəyi ilə Bülbül adına musiqi məktəbinin fortopeano snfinə yazdırıb. Musiqiçi olmağımı çox arzulayıb və indi də mənə bu sahədə çox dəstəkdir. Ailəmə gəldikdə isə, həyat yoldaşım da sənətimi xoş qarşılayır və dəstək olur. Dediyim kimi, tanınmağıma mane olacaq kimsə, nəsə yoxdur. Yəqin ki, hələ özümü buna tam hazır hiss etmirəm.- Ailə, övlad və musiqi. Bunların hansının öhdəsindən gəlmək daha çətindir, hansı daha çox məsuliyyət tələb edir sizinçün?- Ailə ilə övladı heç zaman musiqiylə, sənətlə bir səviyyədə tutmuram. Mənimçün ilk öncə ailə, övlad gəlir, daha sonra musiqi. Heç bir sənət, karyera, populyarlıq övladdan önə keçə bilməz. “Ailəmi sənətimə qurban verdim” deyənləri də bu üzdən anlaya bilmirəm. Çətinliyə gəldikdə isə, hər bir işin özünə görə çətinliyi var. Amma bunlara sevgi qatanda su kimi içilib gedir. Istənilən işin uğurlu olması üçün məsuliyyət başlanğıc şərtdir. Məsuliyyətsiz görülən işin uğurlu nəticəsi ola bilməz. – “Eşq bir sirrdir” adlı çox gözəl bir bəstəniz var. Nuriyyə xanım da möhtəşəm səsiylə ölməzlik verib əsərinizə. Bu mahnının sirrini açasınız bəlkə? – Bu mahnı neçə ildir yaranmasına baxmayaraq hələ də dinlənilir. Mənə indi də bu mahnıyla bağlı çox xoş mesajlar yazırlar. Mahnının sözlərinin, musiqisinin və əlbəttə ki, ifanın birlikdə xoş bir uyumu var. Sanki üçü də bir-biri üçün yaranıb. Mahnının sirrinə gəlincə isə, elə bir sirri yoxdur. Ancaq onu qeyd edim ki, adətən musiqi sözlərə uyğun yazılır. Bu mahnıda isə əksi olub, yəni musiqi sözlərdən öncə yaranıb. Musiqi içdən gəlib, yazıb saxlamışam, sonra ona uyğun sözləri tapanda üstünə qoymuşam. Mahnının sirri sözlərində, daha doğrusu şairdə ola bilər, çünki sözləri çox aktualdır. Çox insanın ürəyindən keçib, ancaq dilinə gətirə bilmədiyi sözlərdir. Siz bir də bu sualı sözlərin müəllifi Nizami Muradoğluna verəsiniz. Bəlkə sirrini açdı. – Bəlkə də çoxları bilmir ki, sizin ananızın səsi kimi məlahətli, ürəyəyatımlı səsiniz var. Çünki nədənsə çox ifa etmirsiniz. Olmaya səsinizi ananızın səsindən zəif hesab edirsiniz? Yoxsa başqa səbəbləri var?- Bəli, doğrudur, ara-sıra mahnı da ifa edirəm. Hətta yeni zapislərim də var, ancaq buna solo kariyera demək olmaz. Bu, bir növ həvəskar ifaya bənzəyir, amma həvəskar ifa olsa da çalışıram ki, ifam da səhvsiz olsun, könülləri oxşamağı bacarsın.  Səsimi, ifamı anamın ifasıyla, səsiylə müqayisəyə qoymuram. Çünki anam muğam ifaçısı, həm də lirik mahnıların mahir ifaçısıdır. Mənim ifam isə bir qədər qərb üslubundadır. Yəni tərz, yol tamam ayrıdır.- Çilənay xanım gələcəkdə hansı mövqeyin arzusundadır? Yoxsa çox da yüksəkliklərdə gözünüz yoxdur? – Əlbəttə ki, sənətimi davam etdirməklə bu yolda irəliləmək arzusundayam. Yüksəkliyə də pillə-pillə qalxmaq lazımdır ki, uzunömürlü olsun. Mən sərhədlər çərçivəsində bir sənətçi olmaq istəmirəm. Sərhədsiz olmağı arzulayıram. Yüksəklik dediyimiz də bu olsa gərək. – Hazırkı fəaliyyətinizdə vəziyyət necədir? Nə kimi yeniliklər var? – Hal-hazırda gördüyüm işlər, üzərində işlədiyim mahnılar var. Ancaq gələcəklə bağlı planlarım daha çoxdur. Ümid edirəm ki, zamanla bunları həyata keçirməyim mümkün olacaq. Rumiyyə MİRASLAN


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler