Musavat.az
Musavat.az




Müsavat » Xeberler» Xeber

Gencede “Qanun”neşriyyatına hörmetsizlik: “Bizi aldatdılar”

15 Temmuz 2016

9:48 am


15/07/2016 [13:45]: xeber –
sayt xəbər verir ki, bu barədə “Qanun”nəşrlər evinin təsisçisi Şahbaz Xuduoğlu özünün şəxsi “facebook” səhifəsində yazıb. Qeyd edək ki, Avropanın “Gənclər şəhəri” seçilən Gəncəyə kitab yarmarkası təşkil etmək üçün 3 yük maşını ilə yollanan nəşriyyat orada xoş olmayan münasibətlə məruz qalıb. Bu barədə Şahbaz Xuduoğlu daha geniş danışıb:“Məndən soruşurlar Gəncə yarmarkası niyə baş tutmadı. Əvvəl cavab vermək istəmirdim, həm vaxt yoxdur, həm də adam sənə qarşı baş verən pis bir hərəkətə cavab verəndə qarşı tərəflə eyniləşmiş olursan. Amma bir halda bu sual kitabsevərlər cəbhəsini maraqlandırır, gərək mütləq cavab verim:Əzizlərim, cavab belədir: Bizi aldatdılar. Dedilər, təki kitabları və kitabçıları gətirin, yer, stollar və çətirlər bizdən olacaq. Biz 3 maşın yola düşdük- biri kitabı daşıyan yük maşını, digərləri kitabçıları. Səhər 12-dən axşam 9-dək başda başçının müavini Sevda xanım, onun təhkim etdiyi Yadigar müəllim, Gəncə mərkəzi kitabxanasının rəhbəri olmaqla bizim kitabları boşaldası bir yer, kitabları düzməyə stollar tapa bilmədilər. Belə biabırçı münasibəti görəndən sonra geri dönməyə məcbur olduq. Biz bu vaxta qədər heç kəsdən yardım istəməmişik. Sovet vaxtı kitab yarmarkasını təşkil edənlərin rayonlarda bütün xərcləri çəkilirdi. Amma biz bu qədər xərc çəkib gəlirik, heç olmasa öz hesabımıza uyğun şərait yaradın. Heç olmasa əvvəlcədən verdiyiniz sözün üstündə durun. Heç olmasa biz qonaqpərvərik deyib bu sözü də gözdən salmayın. Sevda xanım, Yadigar müəllim gedəcək, Gəncəni Gəncə edənlər, Gəncəyə hörmət qazandıranlar orda qalacaqlar, heç olmasa yerli camaat haqqında mənfi rəy yaratmayın. Harda istəyirsiniz, nə edirsiniz edin- Yardımlıda edin, Cəlilabadda, Ağdaşda, Göyçayda, İmişlidə, Beyləqanda, Tovuzda və sair rayonlarımızın hamısında kitabı qadağan edin, kitab oxuyanı həbsə atın, lənətləyin, mürdəşir adlandırın, amma Gəncəyə dəyməyin. Ya da, Gəncənin adını dəyişin. Yelizavetpol qoyun ya da Kəlbeyibasar, fərq etməz. Nizaminin yurdunda kitaba qarşı qurbanəlibəylik etməzlər. Nizaminin məqbərəsini ucaldıb kitabını yasaq edirsiz. Gəncənin 5 min illiyini qeyd edib, Gəncəni Avropa gənclərinin paytaxtı elan eləyib sonra da gənclərin xahişi ilə Gəncəyə gələn kitabçıları barmağa dolamazlar. Bir əcnəbi gələndə qarşısında beşqat əyilirsiz, sizin qarşınıza Azərbaycan kitabı gəlib, ona arxa çevirirsiz. Onu görməzdən gəlirsiz. Məktubumuza başçı dərkənar qoyur, razılıq verir. Özünüz bizi dəvət edirsiz. “Gəlin bütün şərait yaranacaq” deyirsiz. Sonra müavin Sevda xanım Yadigar müəllimin, Yadigar müəllim Leyla xanımın üstünə atıb ötür-ötür oynayırsız. Özünüzü təmizə çıxarmaq üçün bir-birinizi söyürsüz, təhqir edirsiz. Guya siz mələksiz, günah sizdən kənarda olanlardadır. Günah sizin on beş masa ayırmağınıza mane olan şeytani qüvvələrdir. Daha özünüz bilərsiz, o Gəncə, o da siz”. Elmin Nuri




Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler