Musavat.az
Musavat.az




Müsavat » Xeberler» Xeber

Geleceyin hekimleri universitet heyatı ile vidalaşdılar

30 Haziran 2016

1:20 pm


30/06/2016 [17:18]: xeber –
Səhiyyə naziri Oqtay Şirəliyev Tibb Universitetinin məzunlarını təbrik etdiİyunun 29-da “Gülüstan” sarayında Azərbaycan Tibb Universitetinin (ATU) tələbələrinin “Məzun Günü” keçirildi. Təntənəli mərasimdə səhiyyə naziri Oqtay Şirəliyev, ATU rektoru, professor Gəray Gəraybəyli, millət vəkilləri, tanınmış ictimai-siyasi xadimlər və səhiyyə işçiləri və digər qonaqlar iştirak edirdilər.Təbrik nitqi ilə çıxış edən səhiyyə naziri Oqtay Şirəliyev bu günün gələcəyin həkimlərinin yaddaşında gözəl bir gün kimi qalacağını bildirdi: “Həyatınızın ən yadda qalan dövrü – tələbəlik illəri bitir, özünüz seçdiyiniz sevimli sənətlə məşğul olmaq üçün sərbəst həyata addım atırsınız. Hər kəs üçün seçdiyi sənət, peşə maraqlıdır. Amma həkim diplomunu almaq daha məsuliyyətlidir. Çünki insanlar ən qiymətli nemətlərini – sağlamlıqlarını, çox vaxt həyatlarını həkimlərə etibar edirlər”.Nazir O.Şirəliyev Azərbaycanda səhiyyə sahəsindəki problemlərinə həmişə dövlət səviyyəsində böyük diqqət yetirildiyini xatırlardı. Qeyd etdi ki, Azərbaycan Respublikasının prezidenti, cənab İlham Əliyev insanların sağlamlığının qorunmasının ölkəmiz üçün ən vacib prioritet məsələlərdən biri kimi müəyyən edib: “Cənab prezident İlham Əliyevin təşəbbüsü ilə yüzlərlə yeni xəstəxanalar, tibb müəssisələri, o cümlədən tədris binaları tikilib, bu müəssisələr unikal avadanlıqlarla təchiz olunub. Bu gün bizim həkimlər Avropada və digər ölkələrdə keçirilən müxtəlif simpoziumlarda, tədbirlərdə iştirak edirlər”.Azərbaycanda həmişə ziyalılara, alimlərə hörmətlə yanaşıldığını bildirən nazir gəncləri tibb sahəsindəki görkəmli alimlərimiz və mütəxəssislərimizin təcrübəsindən yararlanmağa çağırdı. Nazir O.Şirəliyev “Siz bu gün böyük həkim ailəsinə qoşulursuz. Seçdiyiniz sənət bəzən ağır, çətin olacaq, amma daim xeyirxah olacaq. İlk addımlarınız uğurlu olsun” deyərək məzunları təbrik etdi.Milli Məclisin Səhiyyə komitəsinin sədri Əhliman Əmiraslanov ATU-nun bu tədbirdəki hər kəsə doğma məkan olduğunu bildirdi: “Tibb Universiteti bizlərin hamımızın universitetidir. Universitetin bu günkü səviyyəyə gəlib çıxmasında, belə yüksək ixtisaslı mütəxəssis hazırlığında əldə etdiyi uğurların təməli 86 il bundan öncə qoyulub. Bu universitetin formalaşmasında, qurulmasında xidməti olan insanları unutmamalıyıq”. Ə.Əmiraslanov ATU-nun inkişafında, müasir linikalarının yaradılmasında ümummilli lider Heydər Əliyevin yardımı və böyük əziyyəti olduğunu xatırladıb. Millət vəkili təhsilini başa vuran gənclərin hamısına uğurlar arzulayıb.Universitetin rektoru, professor Gəray Gəraybəyli bu əlamətdar gün münasibətilə məzunları və onların valideynlərini təbrik edib. Gəray Gəraybəyli universitetinprofessor-müəllim heyəti adından gələcəyin həkimlərinə tutduqları bu müqəddəs peşə yolunda uğurlar arzulayıb.Mərasimin bədii hissəsində Azərbaycan Respublikasının Dövlət himni səsləndirildikdən sonra məzunlar Hippokrat andı içdilər. Onlar xalqımızın sağlamlığının keşiyində ləyaqətlə duracaqlarına söz verdilər. Ənənəyə uyğun olaraq, ATU-nun məzunları arasında prezident təqaüdçüsü olan gənc birinci kursda təhsil alan tələbəyə həkim libasını və səhiyyəyə aid rəmzi atributları təqdim edib.Məzun Günü simfonik orkestrin və tanınmış sənət adamlarının çıxışı ilə davam etdi. Eyni zamanda, ATU tələbləri də sənətçilərlə yanaşı səhnəni bölüşdülər. Hərbi fakültənin nümayəndələri vətənpərvərlik ruhunda mahnılar ifa etdilər. ATU tələbələrinin yaratdığı, öz rəngarəng çıxışları ilə hər kəsin rəğbətini və sevgisini qazanan “Çinar” rəqs ansamblı əməkdar artist Ənvər Sadıqovun müşayiəti ilə rəqs etdilər.Qeyd edək ki, bu il Azərbaycan Tibb Universitetini 962 nəfər məzunun bitirir. Onlardan 71 nəfəri ATU-nun hərbi-tibb fakültəsini bitirib, 83 nəfəri əczaçı-bakalavrdır. Builki məzunlar arasında 50 nəfər hərbi-feldşer də var. Məzunların 84 nəfəri xarici ölkə vətəndaşıdır. ATU-nu fərqlənmə diplomu ilə bitirən 10 nəfərdən 3-ü Prezident təqaüdçüsüdür.Hazırda ATU-da 661 nəfər xarici ölkə vətəndaşı təhsil alır. Onlar 22 xarici ölkəni təmsil edirlər. ATU-nun hazırlıq kursunda 175 müdavim var.




Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler