Musavat.az
Musavat.az




Müsavat » Xeberler» Xeber

Fetullah Gülen 15 iyul çevrilişi barede 1980-ci ilde melumat veribmiş…

13 Ağustos 2016

7:16 am


13/08/2016 [11:15]: xeber –

Fətullah Gülənin 1980-ci il 12 sentyabr çevrilişindən 2 ay əvvəl dediyi qalmaqallı çıxışı gündəmə gətirilib.

sayt Türkiyə mediasına istinadən xəbər
verir ki, Gülən bu çıxışında sanki təşkilatın
yerləşməsinə zəmin hazırlayacaq olan 80-ci il zərbəsindən sonrakı dövrü nəzərdə tutaraq
“Huruç hərəkatı
başlayır. Ancaq 35-40 il sonra həyata keçiriləcək” ifadələrini işlədib.

Bakırköy Respublika
Başsavcıvekili Ömər Faruk Aydıner tərəfindən FETÖ-nun 17 Dekabr araşdırmasına görə keçmiş prokurorlar Zəkəriyyə Öz, Cəlal Qara və
Məmməd Üzgəc haqqında ağırlaşdırılmış ömürlük həbs cəzası istənilən ittihamnamə hazırlanıb. İttihamnamədə Fətullah Gülənin FETÖ-nun ilk quruculuğunun əsaslarının qoyulduğu ilk
illərdən etibarən iştirak etdiyi tədbirlərdəki çıxışları ətraflı müzakirə
olunub.

İttihamnamədə Gülənin çıxışlarından ən diqqət çəkəni 1980-ci il çevrilişindən aylar öncə dediyi sözlər olub. Gülənin 1980-ci il çevrilişindən
əvvəl “Huruç Hərəkatı” başlayır ifadəsini işlədib və bu hərəkatın 35-40 il sonra uğurlu olacağını bildirib. Nüfuzu sarsıtmaq mənasını verən Huruç üçün Gülənin işarə etdiyi tarixlər isə tam
olaraq Türkiyənin hazırda yaşadığı
tarixlə üst-üstə düşür. Gülənin bu ifadələri təşkilatın dövləti ələ
keçirmək planının hələ illər öncə hazırladığını ortaya çıxardı. Bütün təbəqələrin zərər gördüyü
80-ci il çevrilişindən sonra Gülənin işlətdiyi ifadələr çevrilişin Gülən təşkilatının önünü açdığı həqiqətini və gücləndiyini gün üzünə
çıxarır.

Gülən 1980-ci ilin aprelində İzmirdə çıxış edərkən “Bir Neçə gün
içində Huruç Hərəkatı
başlayacaq. Bu hərəkat
üçün dərhal hər rayonda liderlər müəyyən edilib” ifadələrini səsləndirib. Gülən 12 Sentyabr çevrilişindən 2 ay əvvəl isə bir çıxışında isə bunları deyib: “Huruç hərəkatı başlandı. Ancaq bu hərəkat 35-40 il
sonra həyata keçiriləcək. Çünki bu günkü şəraitdə bu mümkün
deyil”.

Gülənin çıxışında “Huruç Hərəkatının uğurlu olması üçün bütün ölkələrdə
orta və ali təhsil alan tələbələr üçün yataqxanaların açılması, yataqxanalarda
tərbiyə edilən tələbələrin bəhrə verməsi, öz fikirlərimizə uyğun müxtəlif kitab
və jurnalların nəşr olunması, xüsusilə Türkiyədəki müəllimlərin böyük bir hissəsinin
bizim sahəmizdə fəaliyyət göstərməsi lazımdır” ifadələri yer alıb.

Ərəb mənşəli olan “Huruç” sözü mühacirət anlamına gəldiyi kimi, var olan
nüfuzu sarsıtmaq və dövləti işsiz qoymaq kimi də işlədilir. Huruç hərəkatından
isə tarixdə 1854-ci ildə rus ordusu ilə Osmanlı ordusu arasındakı müharibədə
istifadə edilib. 41 gün ərzində Osmanlı ordusu Huruç hərəkatı ilə rus ordusunun
geri çəkilməsini təmin edib.

Gülənin 90-cı illərdəki çıxışında təşkilatın təhsil pilləsindəki üzvlərinə
qarşı nə qədər ümidli olduğu da üzə çıxarılıb: “Xaricdə hər yerdə karyera quran
dostlarımız var. Və bu dostlar bizim hədəflərimizə görə, gələcəkdə bizim xarici
universitetlərdəki tebliğcilərimiz olacaqlar. Türkiyəyə qayıtdıqları zaman da buradakı
ən yüksək universitetlərdəki müəllimlərim olacaqlar”.

İttihamnamədə Gülənin bu sözlərinin də taktika və strategiya ehtiva etməsinə
diqqət çəkilib: “Pensilvaniya təşkilatının strategiya və hədəflərini müəyyən
edən fətvalarla  “Tədbir və Kəşfiyyat”,
“Maarif və Şirkət” prinsipinə əsasən yetişdirilən təşkilat üzvləri məqsədlərinə
gedən yolda düşmən kimi gördüklərini də təsirsiz etməlidir, dövlət içində fəal
vəziyyətə gəlməlidir”.

 


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler