Musavat.az
Musavat.az




Müsavat » Xeberler» Xeber

“Evimi satıb, ailemi küçede qoyublar” – Bakı şeher sakininden daxili işler nazirine ve baş prokurora şikayet

18 Ağustos 2016

8:52 am


18/08/2016 [12:49]: xeber –
 sayta Bakı şəhəri Xətai rayonu Əhmədli qəsəbəsi, Sadıqcan küçəsi ev 27 -də yaşayan Hüseynov Rüstəm Həsən oğlu tərəfindən daxili işlər nazirinə və baş prokurora ünvanlanmış şikayət məktubu göndərilib.Məktubu olduğu kimi təqdim edirik: “Hörmətli cənab nazir, hörmətli cənab baş prokuror!Yazıb sizə bildirmək istəyirməm ki, mən Bakı şəhəri Xətai rayonu Əhmədli qəsəbəsi Sadıqcan küçəsi ev 27 – də yaşayan Hüseynov Rüstəm Həsən oğlu 2014 – cü ildə mənə məxsus iki otaqlı evimi banka girov qoyub pul götürmək istədim. Lakin evin kupçasını itirdiyimə görə bu mümkün olmadı. Rusiyada yaşayan oğlum Fuad Hüseynovdan kömək istədim. Oğlum bildirdi ki, onun da elə maddi imkanı yoxdu. Dedi ki, evi banka girov qoy, pul götür. Sonra mən sənə pul göndərərəm, evi bankdan çıxararsan. Mən oğluma dedim ki, evin sənədlərini itirmişəm. Oğlum mənə dedi ki, burda mənim yaxın dostum var, onun qardaşı Azərbaycanda yaşayır və uzun müddət polis orqanlarında işləyib. Mən onlardan xahiş edərəm sənə bu işdə köməklik edərlər.2014 – cü ilin mart ayının 18 – də mən oğlumun dediyi Kəlbəcər rayon Çaylı kənd sakini Əkbərov Haqverdi Koroğlu oğlu ilə Əhmədli qəsəbəsində görüşdüm. Mən ona etibarnamə verdim ki, mənim adımdan nümayəndəm olaraq evin sənədlərini toplasın. Üstündən bir neçə gün keçədən sonra o, bizə gələrək məndən xəbərsiz həyat yoldaşıma bildirib ki, evin sənədlərinin düzəlməsi üçün sizin də notariusda sənədlərə imza atmanız lazımdı. Həyat yoldaşıma notariusda etibarnamənin mahiyyəti izah edilmədən imza atdırıblar. Bundan sonra mən Əkbərov Haqverdi Koroğlu oğlu ilə əlaqə saxlamaq istəsəm də bu mümkün olmadı. Bu adam məndən gizlənməyə başladı. Sən demə Əkbərov Haqverdi Koroğlu oğlu 18 mart 2014-cü il tarixində məndən etibarnaməni aldıqdan sonra həmən ilin aprel ayının 2-də evimi öz bacısı oğlu Qasımov Taleh Xalqverdi oğlunun adına rəsmiləşdirib. Nəzərinizə çatdırım ki, 2014-cü ilin mart ayının 20-dən, 28 mart 2014-cü il tarixinə qədər Novruz bayramı ilə əlaqədar olaraq iş günü olmayıb. Əkbərov Haverdi Koroğlu oğlunun dörd gün ərzində evin çıxarışını necə alması mənə məlum deyil. Axı itirilmiş sənədlər haqqında dövlət qəzetlərinin birində elan verilmədən və Baş Polis idarəsindən arayış təqdim olunmadan evin çıxarışını almaq qeyri mümkündür.2015-ci ilin dekabr ayının 10-da yaşadığım ünvana Xətai rayon məhkəməsindən bildiriş gəldi. Bildirişdə yazılmışdı ki, Qasımov Taleh Xalqverdi oğlu mənim evi boşaltmağım barədə Xətai rayon məhkəməsinə müraciət edib. Dekabrın 14-də məhkəməmiz oldu. Amma, qarşı tərəf birinci məhkəmə iclasına gəlmədi. Mənə elə gəldi ki, onlar səhvlərini başa düşüblər və bir daha məhkəmə iclasına gəlməyəcəklər. Növbəti məhkəmə iclası 2016- cı ilin martın ayının 3-nə təyin edildi. Mənim vəsatətlərimə hakim Misirzadə Namidar tərəfindən heç bir əhəmiyyət verilmədi. Hakimə bildirdim ki, sənədlərimin itməsi barədə dövlət qəzetlərində elan verilməyib. Bundan əlavə Baş polis idarəsindən də izahat təqdim olunmayıb. Məhkəmə prosesinə Əkbərov Haqverdi Koroğlu oğlu onun bacısı oğlu Qasımov Taleh Xalıqverdi oğlu və nümayəndələri gəldi. Hakim Qasımov Talehə məni tanıyıb, tanımamağı barədə sual verdi. T.Qasımov bildirdi ki, məni tanımır. Hakim T.Qasımova sual verdi ki, bəs o evdə olubsan? T.Qasımov bildirdi ki, xeyr, o evdə olmamışam. Hakim T.Qasımova bildirdi ki, bəs necə olur sən aldığın evdə olmamısan.Sonraki suallar Əkbərov Haverdi Koroğlu oğluna ünvanlandı. Hakim sual verdi ki, H.Əkbərov sən bu əməliyyatları hansı bankda həyata keçirimisən? H.Əkbərov bildirdi ki, mən 55 min manat pulu Muğan Bank vasitəsi ilə Hüseynov Rüstəm Həsən oğlunun adına köçürmüşəm. Sonra da iddia elədi ki, guya mən həyat yoldaşımla gedib o pulu bankdan çıxarmışam. Həyat yoldaşım etiraz edərək bildirdi ki, bu yalandır. Hakim isə həyat yoldaşımın məhkəmə zalını tərk etməsini tələb etdi. Muğan Bankdan arayış alaraq adıma heç bir pul məbləği köçürülməməsi barədə hakimə təqdim etdim. Bütün bunlara baxmayaraq, Xətai rayon məhkəməsinin hakimi Mizirzadə Namidar qarşı tərəfin xeyrinə qətnamə qəbul etdi. Qərardan Apellyasiya məhkəməsinə şikayət vermişəm.Hörmətli cənab nazir, hörmətli cənab baş prokuror!Sizdən xahiş edirəm ki, yaranmış problemlə bağlı mənə köməklik göstərəsiniz. Əkbərov Haqverdi Koroğlu oğlu mənim etibarımdan sui-istifadə edərək evimi satıb, ailəmi küçələrdə qoyub. Xahiş edirəm problemi nəzarətə götürərək araşdırılması üçün müvafiq göstəriş və tapşırıqlarınızı verəsiniz. Burda korrupsiya faktı var.Hörmətlə, Hüseynov Rüstəm Həsən oğlu Tel: 050- 496-72-72”


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler